ಡಿಸೆಂಬರ್‌ನಲ್ಲಿ ಭಾರತದಲ್ಲಿ ಸಿಗಲಿದೆ ಕೊರೊನಾ ಲಸಿಕೆ, ಬೆಲೆ ಎಷ್ಟು?

ರಷ್ಯಾ ಕಂಡು ಹಿಡಿದಿರುವ ಕೊರೊನಾಲಸಿಕೆ ಪರಿಣಾಮಕಾರಿಯೇ?

ರಷ್ಯಾದ ಅಧ್ಯಕ್ಷ ಪುಟಿನ್ ನಾವು ಕಂಡು ಹಿಡಿದಿರುವ ಕೊರೊನಾವೈರಸ್ ಲಸಿಕೆ ಪರಿಣಾಮಕಾರಿಯಾಗಿದೆ ಹಾಗೂ ರೋಗನಿರೋಧಕ ಶಕ್ತಿ ಕುಂದದಂತೆ ತಡೆಯುವ ಶಕ್ತಿ ಹೊಂದಿದೆ ಎಂದು ಹೇಳಿದ್ದಾರೆ. ಈ ಔಷಧಿಯನ್ನು ರಷ್ಯಾದ ರಕ್ಷಣೆ ಇಲಾಖೆಯ ಸಹಯೋಗದೊಂದಿಗೆ ಮೋಸ್ಕೋದ ಗಮಲಿಯಾ ಇನ್ಸಿಟ್ಯೂಟ್ ತಯಾರಿಸಿದೆ. ಆದರೆ ಈ ಔಷಧಿಯನ್ನು ತಜ್ಞರು ಸಂಶಯದ ಕಣ್ಣುಗಳಿಂದಲೇ ನೋಡುತ್ತಿದ್ದಾರೆ. ಏಕೆಂದರೆ ಈ ಔಷಧವನ್ನು ಹೆಚ್ಚು ಜನರ ಮೇಲೆ ಪ್ರಯೋಗ ಮಾಡದ ಹೊರತು ಏನೂ ಹೇಳಲು ಸಾಧ್ಯವಿಲ್ಲ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ.

ಭಾರತದಲ್ಲಿ ಕೋವಿಡ್ 19ಗೆ ಲಸಿಕೆ ಯಾವಾಗ ಬರಲಿದೆ?

ಭಾರತದಲ್ಲಿ ಪುಣೆ ಮೂಲದ ಸೆರಮ್‌ ಇನ್ಸಿಟ್ಯೂಟ್ ಆಫ್‌ ಇಂಡಿಯಾ (SII) ಲಸಿಕೆ ತಯಾರು ಮಾಡತ್ತಿದೆ. ಇದು ಭಾರತದ ಅತ್ಯಂತ ದೊಡ್ಡ ಔಷಧ ಉತ್ಪಾದಕ ಸಂಸ್ಥೆಯಾಗಿದೆ. ಈ ಸಂಸ್ಥೆಯು ಭಾರತದಲ್ಲಿ ಕೋವಿಡ್ 19ಗೆ ಲಸಿಕೆ 2020ರ ಡಿಸೆಂಬರ್‌ನಲ್ಲಿ ದೊರೆಯಲಿದೆ ಎಂದು ಹೇಳಿದೆ.

CNBC-TV18 ಮಾಹಿತಿಯನ್ನು ನೀಡುತ್ತಾ ಡಿಸೆಂಬರ್‌ ಅಷ್ಟರಲ್ಲಿ ಮಿಲಿಯನ್ ಡೋಸ್‌ ಲಸಿಕೆ ತಯಾರಾಗಲಿದೆ ಎಂಬ ಮಾಹಿತಿಯನ್ನು ಈ ಔಷಧ ಕಂಪನಿ ನೀಡಿದೆ.

" ನಾವು ICMR ಜೊತೆ ಸೇರಿ ಇದರ ಟ್ರಯಲ್‌ ಅನ್ನು ಎರಡು ವಾರಗಳ ಒಳಗೆ ನಡೆಸಲಿದ್ದು, ಆಗಸ್ಟ್ ಕೊನೆಯ ವಾರದಲ್ಲಿ ಉತ್ಪಾದನೆ ಪ್ರಾರಂಭಿಸಲಿದ್ದೇವೆ' ಎಂದು ಕಂಪನಿಯ ಅಧಿಕೃತ ಮೂಲಗಳು ತಿಳಿಸಿವೆ.

ಭಾರತದ ಎಲ್ಲೆಡೆ ಟೆಸ್ಟಿಂಗ್‌ ಸೆಂಟರ್

ICMR ಮತ್ತು DCGI ಜೊತೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಭಾರತದಲ್ಲಿ ಹಲವು ಕಡೆ ಟ್ರಯಲ್ ಸೆಂಟರ್ ಸ್ಥಾಪಿಸಿದ್ದು 3000-4000ರಷ್ಟು ಜನರು ಸ್ವಯಂ ಪ್ರೇರುತರಾಗಿ ಪ್ರಯೋಗಕ್ಕಾಗಿ ಮುಂದಾಗಿದ್ದಾರೆ. ಈ ಟ್ರಯಲ್‌ ಅನ್ನು 3 ಹಂತದಲ್ಲಿ ನಡೆಸಲಾಗುವುದು.

ಆಕ್ಸ್‌ಫರ್ಡ್‌ ಲಸಿಕೆ 3ನೇ ಹಂತದ ಪ್ರಯೋಗದಲ್ಲಿದೆ

ಕೊರೊನಾವೈರಸ್‌ಗೆ ಆಕ್ಸ್‌ಫರ್ಡ್ ಕೂಡ ಲಸಿಕೆ ಕಂಡು ಹಿಡಿದಿದ್ದು ಇದೀಗ ಪ್ರಯೋಗದ ಮೂರನೇ ಹಂತದಲ್ಲಿದೆ. ಈ ಔಷಧ ಕೂಡ ಕೊರೊನಾವೈರಸ್‌ ಮಣಿಸುವುದರಲ್ಲಿ ಭರವಸೆ ಲಸಿಕೆಯಾಗಿ ಕಂಡು ಬರುತ್ತಿದೆ.

ಲಸಿಕೆಯ ಬೆಲೆ

ಸೆರಮ್ ಇನ್ಸಿಟ್ಯೂಟ್ ಕೋವಿಡ್‌ಶೀಲ್ಡ್‌ ಹೆಸರಿನಲ್ಲಿ ಔಷಧಿ ತರಲಿದ್ದು ಔಷಧಿಗೆ ರೂ. 250 ಬೆಲೆ ನಿಗದಿ ಮಾಡಲು ತೀರ್ಮಾರ್ನಿಸಿದೆ. ಈ ಔಷಧಿ ಹೊರಬಂದರೆ ಬಡವರಿಗೆ ಹಾಗೂ ಮಧ್ಯಮ ವರ್ಗದವರಿಗೆ ತುಂಬಾ ಅನುಕೂಲವಾಗಲಿದ್ದು ಹೆಚ್ಚಿನ ದುಬಾರಿಯಿಲ್ಲದೆ ಚಿಕಿತ್ಸೆ ದೊರೆಯಲಿದೆ.