ಕಾಲಿಗೆ ಮುಳ್ಳು, ಸೂಜಿ ಚುಚ್ಚಿದ್ದರೆ, ಈ ಮನೆಮದ್ದು ಪ್ರಯತ್ನಿಸಿ

ಚೂಪಾದ ವಸ್ತು ಚುಚ್ಚಿರುವ ನೋವು ನಿವಾರಣೆಗೆ ಮನೆಮದ್ದನ್ನು ಈ ಕೆಳಗೆ ನೀಡಲಾಗಿದೆ

ಅರಿಶಿನ

ಅರಿಶಿನವನ್ನು ನೈಸರ್ಗಿಕ ಔಷಧಿ ಎಂದು ಕರೆಯಲಾಗುವುದಲ್ಲದೇ, ಇದನ್ನು ಅನಾದಿ ಕಾಲದಿಂದಲೂ ಆರೋಗ್ಯ ರಕ್ಷಣೆಗಾಗಿ ಬಳಸಲಾಗುತ್ತಿದೆ. ಇದರ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಉರಿಯೂತದ ಗುಣಲಕ್ಷಣಗಳು ದೇಹಕ್ಕೆ ಹಲವು ವಿಧಗಳಲ್ಲಿ ಪ್ರಯೋಜನವನ್ನು ನೀಡುತ್ತವೆ. ಅರಿಶಿನವನ್ನು ಸೂಜಿ, ಮುಳ್ಳುಗಳಿಂದ ಆಗುವ ಪಾದದ ಅಡಿಭಾಗದಲ್ಲಿರುವ ನೋವನ್ನು ತೆಗೆದುಹಾಕುವಲ್ಲಿ ಪರಿಣಾಮಕಾರಿ ಎಂದು ಪರಿಗಣಿಸಲಾಗಿದೆ. ಇದಕ್ಕಾಗಿ ನೀವು ಪ್ರತಿದಿನ ಅರಿಶಿನ ಹಾಲನ್ನು ಸರಿಯಾದ ಪ್ರಮಾಣದಲ್ಲಿ ಕುಡಿಯಬೇಕು. ಬೇಕಿದ್ದರೆ ಸಾಸಿವೆ ಅಥವಾ ತೆಂಗಿನೆಣ್ಣೆಯೊಂದಿಗೆ ಅರಿಶಿನವನ್ನು ಬೆರೆಸಿ ಪಾದದ ಅಡಿಗೆ ಹಚ್ಚಬಹುದು. ಈ ಪೇಸ್ಟ್ ಸೋಂಕನ್ನು ಕಡಿಮೆ ಮಾಡುತ್ತದೆ ಮತ್ತು ನೋವು ಸಹ ಶಮನವಾಗುತ್ತದೆ.

ಹಾಗಲಕಾಯಿ ಎಲೆ

ಮಧುಮೇಹಿಗಳು ಹಾಗಲಕಾಯಿಯನ್ನು ಸೇವಿಸುವ ಮೂಲಕ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸಬಹುದು ಎಂಬುದನ್ನು ಗೊತ್ತೇ ಇದೆ. ಅಂದಹಾಗೆ, ಪಾಪದ ಅಡಿಯಿರುವ ಚುಚ್ಚುವಂತಹ ನೋವನ್ನು ತೆಗೆದುಹಾಕಲು ನೀವು ಹಾಗಲಕಾಯಿ ಎಲೆಗಳನ್ನು ಬಳಸಬಹುದು. ಹಾಗಲಕಾಯಿ ಎಲೆಗಳ ಪೇಸ್ಟ್ ಅನ್ನು ಒಂದು ಬಟ್ಟಲಿನಲ್ಲಿ ತೆಗೆದುಕೊಂಡು ಅದನ್ನು ಮುಳ್ಳು ಅಥವಾ ಸೂಜಿ ಚುಚ್ಚಿರುವ ಜಾಗಕ್ಕೆ ಹಚ್ಚಿ. ಸ್ವಲ್ಪ ಸಮಯ ಬಿಟ್ಟ ನಂತರ, ಉಗುರು ಬೆಚ್ಚಗಿನ ನೀರಿನಿಂದ ಈ ಪೇಸ್ಟ್ ಅನ್ನು ತೊಳೆಯಿರಿ. ಹೀಗೆ ಕೆಲವು ದಿನಗಳ ಕಾಲ ಮಾಡಿದ ನಂತರ ನಿಮ್ಮ ನೋವು ಗುಣವಾಗುವುದು.

ಆಪಲ್ ಸೈಡರ್ ವಿನೆಗರ್

ಆಪಲ್ ಸೈಡರ್ ವಿನೆಗರ್ ಪಾದದ ಅಡಿಯ ಮುಳ್ಳು ಅಥವಾ ಸೂಜಿ ಚುಚ್ಚಿದ ನೋವನ್ನು ತೆಗೆದುಹಾಕುತ್ತದೆ ಎಂದು ನಿಮಗೆ ತಿಳಿದಿದೆಯೇ?.. ಇದಕ್ಕಾಗಿ ನೀವು ಆಪಲ್ ಸೈಡರ್ ವಿನೆಗರ್ ಸೇವಿಸಬೇಕು. ಒಂದು ಲೋಟದಲ್ಲಿ ಉಗುರು ಬೆಚ್ಚಗಿನ ನೀರನ್ನು ತೆಗೆದುಕೊಂಡು ಅದಕ್ಕೆ ಒಂದು ಚಮಚ ಜೇನುತುಪ್ಪ ಮತ್ತು ಆಪಲ್ ಸೈಡರ್ ವಿನೆಗರ್ ಸೇರಿಸಿ. ಇದನ್ನು ಸಿಪ್ ಬೈ ಸಿಪ್ ಕುಡಿಯಿರಿ ಮತ್ತು ಕೆಲವೇ ದಿನಗಳಲ್ಲಿ ನೀವು ವ್ಯತ್ಯಾಸವನ್ನು ನೋಡಲು ಸಾಧ್ಯವಾಗುತ್ತದೆ.