ಬೇಸಿಗೆಯಲ್ಲಿ ಕಾಡುವ ರಿಂಗ್‌ವರ್ಮ್ ಸಮಸ್ಯೆಗೆ ಇಲ್ಲಿದೆ ನೋಡಿ ಸರಳ ಮನೆಮದ್ದುಗಳು

ತಲೆಬುರುಡೆಗೆ ತುರಿಕಜ್ಜಿ ಹೇಗೆ ಉಂಟಾಗುವುದು?

ತುರಿಕಜ್ಜಿ ಉಂಟಾಗಲು ಹಲವಾರು ರೀತಿಯ ಶಿಲೀಂಧ್ರ ಸೋಂಕು ಕಾರಣ. ಆದರೆ ತಜ್ಞರ ಪ್ರಕಾರ ಇದಕ್ಕೆ ಪ್ರಮುಖವಾಗಿ ಟ್ರೈಕೊಫೈಟನ್, ಮೈಕ್ರೊಸ್ಪೊರಮ್ ಮತ್ತು ಎಪಿಡರ್ಮಾಫಿಟನ್ ಎನ್ನುವ ಶಿಲೀಂಧ್ರಗಳು ಇದಕ್ಕೆ ಪ್ರಮುಖ ಕಾರಣವಾಗಿದೆ. ಈ ಶಿಲೀಂಧ್ರಿಯಗಳು ಬಿಸಿ ಹಾಗೂ ತೇವಾಂಶವಿರುವ ಜಾಗದಲ್ಲಿ ವಾಸ ಮಾಡುವುದು. ಇವುಗಳು ಒಂದೇ ಜಾಗದಲ್ಲಿ ತಿಂಗಳುಗಟ್ಟಲೆ ನಿಲ್ಲುವುದು. ಇವುಗಳು, ಉಗುರು, ಕೂದಲಿನ ಕೋಶ ಮತ್ತು ಮಡಿಚಿರುವ ಚರ್ಮದಲ್ಲಿ ನೆಲೆನಿಲ್ಲುವುದು. ಇದರಿಂದಾಗಿ ಸೋಂಕು ಬರಬಹುದು.

ತೆಂಗಿನೆಣ್ಣೆ

ಇದು ಕೂದಲಿಗೆ ಅದ್ಭುತವಾಗಿ ಕೆಲಸ ಮಾಡುವುದು. ಇದು ಕೂದಲು ಮತ್ತು ತಲೆಬುರುಡೆಗೆ ತೇವಾಂಶ ನೀಡುವುದು, ಕೂದಲನ್ನು ಬಲಗೊಳೀಸುವುದು ಮತ್ತು ತಲೆಹೊಟ್ಟು ನಿವಾರಣೆ ಮಾಡುವುದು.ರಾತ್ರಿ ಮಲಗುವ ಮೊದಲು ತಲೆಬುರುಡೆಯ ಬಾಧಿತ ಜಾಗಕ್ಕೆ ತೆಂಗಿನೆಣ್ಣೆ ಹಚ್ಚಿಕೊಳ್ಳಿ. ಬೆಳಗ್ಗೆ ಎದ್ದು ಶಿಲೀಂಧ್ರ ವಿರೋಧಿ ಶಾಂಪೂವಿನಿಂದ ಕೂದಲು ತೊಳೆಯಿರಿ. ಮೂರು ವಾರಗಳ ಕಾಲ ಹೀಗೆ ಮಾಡಿ.

ಬೆಳ್ಳುಳ್ಳಿ

1-2 ಎಸಲು ಬೆಳ್ಳುಳ್ಳೀ ತೆಗೆದುಕೊಳ್ಳಿ ಮತ್ತು ಇದನ್ನು ಜಜ್ಜಿಕೊಳ್ಳಿ. ಕೆಲವು ಹನಿ ನೀರು ಹಾಕಿಕೊಂಡು ಪೇಸ್ಟ್ ಮಾಡಿ ತಲೆಬುರುಡೆಗೆ ಹಚ್ಚಿ.ಎರಡು ಬೆಳ್ಳುಳ್ಳಿ ಎಸಲುಗಳನ್ನು ಎರಡು ಚಮಚ ಜೇನುತುಪ್ಪ ಮತ್ತು ಆಲಿವ್ ತೈಲದ ಜತೆ ಬೆರೆಸಿಕೊಳ್ಳಿ. ಇದನ್ನು ಬಾಧಿತ ಜಾಗಕ್ಕೆ ಸರಿಯಾಗಿ ಹಚ್ಚಿಕೊಳ್ಳಿ ಮತ್ತು 40 ನಿಮಿಷ ಕಾಲ ಹಾಗೆ ಬಿಡಿ. ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ದಿನದಲ್ಲಿ ಎರಡು ಸಲ ಹೀಗೆ ಮಾಡಿದರೆ ಒಳ್ಳೆಯ ಫಲಿತಾಂಶ ಪಡೆಯಬಹುದು. ಬೆಳ್ಳುಳ್ಳಿ ಮತ್ತು ಜೇನುತುಪ್ಪದಲ್ಲಿ ಶಿಲೀಂಧ್ರ ವಿರೋಧಿ ಗುಣಗಳು ಹೆಚ್ಚಾಗಿದೆ. ಇದು ಸೋಂಕನ್ನು ಬೇಗನೆ ನಿವಾರಿಸುವುದು.

ಅಲೋವೆರಾ

ತಲೆಬುರುಡೆಯಲ್ಲಿ ತುರಿಕಚ್ಚಿ ಆಗಿರುವ ಭಾಗಕ್ಕೆ ಅಲೋವೆರಾ ಗಿಡದ ತಾಜಾ ಲೋಳೆಯನ್ನು ಹಚ್ಚಿಕೊಳ್ಳಿ. 20-30 ನಿಮಿಷ ಬಳಿಕ ಬಿಸಿ ನೀರಿನಿಂದ ತೊಳೆಯಿರಿ. ದಿನದಲ್ಲಿ ಎರಡು ಸಲ ಹೀಗೆ ಮಾಡಿ.

ಅರಿಶಿನ

ಹಾಲಿಗೆ ಅರಶಿನ ಹಾಕಿ ಅದನ್ನು ಮಿಶ್ರಣ ಮಾಡಿ. ಈ ಮಿಶ್ರಣವನ್ನು ತಲೆಯಲ್ಲಿ ತುರಿಕಚ್ಚಿ ಇರುವ ಜಾಗಕ್ಕೆ ಹಚ್ಚಿಕೊಳ್ಳಿ ಮತ್ತು 20 ನಿಮಿಷ ಕಾಲ ಹಾಗೆ ಬಿಡಿ. ಬಳಿಕ ತಲೆಬುರುಡೆ ತೊಳೆಯಿರಿ. ಹಾಲು ಬೇಡವೆಂದಾದರೆ ನೀರು ಹಾಕಿ ಪೇಸ್ಟ್ ಮಾಡಿ.

ಮೈರ್ಹ್ ಮತ್ತು ಗೋಲ್ಡನ್ ಸೀಲ್

ಒಂದು ಚಮಚ ಗೋಲ್ಟನ್ ಸೀಲ್ ಮತ್ತು ಅರ್ಧ ಚಮಚ ಮೈರ್ಹ್ ನ ಹುಡಿಯನ್ನು ಕುದಿಯುವ ನೀರಿಗೆ ಹಾಕಿಕೊಳ್ಳಿ. ಈ ನೀರು ತಣ್ಣಗಾದ ಬಳಿಕ ಅದನ್ನು ತಲೆಬುರುಡೆಗೆ ಹಚ್ಚಿಕೊಳ್ಳಿ.

ನೀವು ಪಾಲಿಸಬೇಕಾದ ಮುಂಜಾಗೃತೆಗಳು

*ಟವೆಲ್, ಬಾಚಣಿಗೆ, ಬಟ್ಟೆ, ಹೆಲ್ಮೆಟ್ ಅಥವಾ ಟೋಪಿ ಹಂಚಿಕೊಳ್ಳಬೇಡಿ.

* ಕೂದಲು ಕತ್ತರಿಸಿಕೊಂಡು ಬಂದ ಬಳಿಕ ಸ್ನಾನ ಮಾಡಿ.

ಮಕ್ಕಳಲ್ಲಿ ತುರಿಕಚ್ಚಿ ಕಡಿಮೆಯಾಗಲು ಕಡಿಮೆಯೆಂದರೂ ಒಂದು ತಿಂಗಳು ಬೇಕಾಗುವುದು. ಚಿಕಿತ್ಸೆಯನ್ನು ತುಂಬಾ ತಾಳ್ಮೆಯಿಂದ ಮಾಡಿ ಮತ್ತು ಕಡಿಮೆಯಾಗದೆ ಇದ್ದರೆ ವೈದ್ಯರನ್ನು ಭೇಟಿಯಾಗಿ.