ಎಲೆಕೋಸಿನ ಜ್ಯೂಸ್‌ಗೆ, ಲಿಂಬೆ ರಸ ಬೆರೆಸಿ, ಆಮೇಲೆ ಸೇವಿಸಿ!

ಈ ಪೇಯವನ್ನು ತಯಾರಿಸುವುದು ಹೇಗೆ?

ಚಿಕ್ಕ ಗಾತ್ರದ (ಅರ್ಧ ಕೇಜಿ ಸುಮಾರು) ಎಲೆಕೋಸಿನ ಕಾಲು ಭಾಗವನ್ನು ಚಿಕ್ಕದಾಗಿ ಕತ್ತರಿಸಿಕೊಂಡು ಕೊಂಚ ನೀರು ಮತ್ತು ಎರಡು ದೊಡ್ಡ ಚಮಚ ಲಿಂಬೆರಸ ಬೆರೆಸಿ ಮಿಕ್ಸಿಯ ಬ್ಲೆಂಡರಿನಲ್ಲಿ ಹಾಕಿ ಚೆನ್ನಾಗಿ ಕಡೆಯಿರಿ.

ಈ ಪೇಯವನ್ನು ತಯಾರಿಸುವುದು ಹೇಗೆ?

ಇನ್ನು ಈ ನೀರನ್ನು ಸೋಸದೇ ಬಾಟಲಿಯಲ್ಲಿ ಸಂಗ್ರಹಿಸಿ ಬೆಳಗ್ಗಿನ ಉಪಹಾರದ ಮುನ್ನ ಸೇವಿಸಿ. ಇದರ ಗುಣಗಳನ್ನು ಪಡೆಯಲು ಕನಿಷ್ಠ ಎರಡು ತಿಂಗಳಾದರೂ ನಿತ್ಯವೂ ಸೇವಿಸಬೇಕು.

ತೂಕ ಇಳಿಸಲು ನೆರವಾಗುತ್ತದೆ

ಈ ನೀರನ್ನು ಸೋಸದೇ ಕುಡಿಯುವ ಮೂಲಕ ಕೋಸಿನಲ್ಲಿರುವ ಹೆಚ್ಚಿನ ಪ್ರಮಾಣದ ಕರಗದ ನಾರು ಲಭ್ಯವಾಗುತ್ತದೆ. ಇದನ್ನು ಜೀರ್ಣೀಸಿಕೊಳ್ಳಲು ಹೆಚ್ಚಿನ ಕೊಬ್ಬು ಬಳಕೆಯಾಗುವ ಕಾರಣ ಹಾಗೂ ಜೀವಕೋಶಗಳು ಕೊಬ್ಬನ್ನು ಸಂಗ್ರಹಿಸಿಕೊಳ್ಳುವ ಸಾಮರ್ಥ ಕಡಿಮೆಯಾಗುವ ಕಾರಣ ತೂಕ ಇಳಿಯಲು ನೆರವಾಗುತ್ತದೆ.

ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ

ಕೋಸು ಮತ್ತು ಲಿಂಬೆರಸಗೆಳೆರಡರಲ್ಲಿಯೂ ವಿಟಮಿನ್ ಸಿ ಉತ್ತಮ ಪ್ರಮಾಣದಲ್ಲಿದೆ. ಇದು ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಅಗತ್ಯವಾದ ಪೋಷಕಾಂಶವಾಗಿದ್ದು ನಿಯಮಿತ ಸೇವನೆಯಿಂದ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ.

ಕ್ಯಾನ್ಸರ್ ನಿಂದ ರಕ್ಷಣೆ ನೀಡುತ್ತದೆ

ಈ ಅದ್ಭುತ ಪೇಯದಲ್ಲಿ ಹೆಚ್ಚಿನ ಪ್ರಮಾಣದ ಫೈಟೋ ನ್ಯೂಟ್ರಿಯೆಂಟ್ ಮತ್ತು ಆಂಟಿ ಆಕ್ಸಿಡೆಂಟುಗಳಿವೆ. ಇವು ದೇಹದಲ್ಲಿ ಕ್ಯಾನ್ಸರ್ ರೂಪ ಹೊಂದುವ ಜೀವಕೋಶಗಳ ಬೆಳವಣಿಗೆಯನ್ನು ತಡೆದು ವಿವಿಧ ಬಗೆಯ ಕ್ಯಾನ್ಸರ್ ಗೆ ತುತ್ತಾಗುವ ಸಾಧ್ಯತೆಯನ್ನು ಅಪಾರವಾಗಿ ಕಡಿಮೆ ಮಾಡುತ್ತದೆ.

ಮೆದುಳಿನ ಆರೋಗ್ಯ ವೃದ್ಧಿಸುತ್ತದೆ

ಈ ಪೇಯದಲ್ಲಿ ಉತ್ತಮ ಪ್ರಮಾಣದ ಫೋಲಿಕ್ ಆಮ್ಲ ಹಾಗೂ ವಿಟಮಿನ್ ಬಿ ಇವೆ. ಇವೆರಡೂ ಮೆದುಳಿನ ಜೀವಕೋಶಗಳಿಗೆ ಹೆಚ್ಚಿನ ಪೋಷಣೆ ನೀಡುವ ಶಕ್ತಿ ಇರುವ ಕಾರಣ ಮೆದುಳಿನ ಕ್ಷಮತೆ ಹೆಚ್ಚುತ್ತದೆ.

ಮೂಳೆಗಳಿಗೂ ಉತ್ತಮ

ಕೋಸು ಮತ್ತು ಲಿಂಬೆಯಲ್ಲಿ ವಿಟಮಿನ್ ಡಿ ಪ್ರಮಾಣವೂ ಉತ್ತಮವಾಗಿದ್ದು ಮೂಳೆಗಳ ದೃಢತೆ ಹೆಚ್ಚಿಸಲು ನೆರವಾಗುತ್ತದೆ. ಹಾಲು ಮತ್ತು ಇತರ ಆಹಾರಗಳ ಮೂಲಕ ದೇಹಕ್ಕೆ ಲಭಿಸುವ ಕ್ಯಾಲ್ಸಿಯಂ ಅನ್ನು ಹೀರಿಕೊಳ್ಳಲು ಈ ವಿಟಮಿನ್ ಡಿ ಅಗತ್ಯವಾಗಿದ್ದು ಮೂಳೆಗಳು ಕ್ಯಾಲ್ಸಿಯಂ ಹೀರಿಕೊಳ್ಳುವ ಮೂಲಕ ದೃಢಗೆ ಹೆಚ್ಚಲು ಸಾಧ್ಯವಾಗುತ್ತದೆ.

ಮಲಬದ್ಧತೆ ಕಡಿಮೆಗೊಳಿಸುತ್ತದೆ

ಎಲೆಕೋಸಿನಲ್ಲಿ ಕರಗದ ನಾರು ಹೆಚ್ಚಿನ ಪ್ರಮಾಣದಲ್ಲಿರುವ ಕಾರಣ ಜೀರ್ಣಕ್ರಿಯೆ ಉತ್ತಮಗೊಳ್ಳುತ್ತದೆ ಹಾಗೂ ಕರುಳಿನಿಂದ ತ್ಯಾಜ್ಯಗಳು ಸುಲಭವಾಗಿ ವಿಸರ್ಜನೆಗೊಳ್ಳುತ್ತವೆ. ತನ್ಮೂಲಕ ಮಲಬದ್ಧತೆ ಹಾಗೂ ಮೂಲವ್ಯಾಧಿಯ ಸಾಧ್ಯತೆ ಅಪಾರವಾಗಿ ಕಡಿಮೆಯಾಗುತ್ತದೆ.