ಪ್ರತಿದಿನ ಮೂರು ಬಾರಿಯಾದರೂ ನಾಲಗೆಯನ್ನು ಸ್ವಚ್ಛಗೊಳಿಸಿ!

ಬಾಯಿಂದ ದುರ್ಗಂಧ

ಪ್ರತಿದಿನ ನಾಲಿಗೆ ಸ್ವಚ್ಛಮಾಡದೆ ಇದ್ದರೆ ಬ್ಯಾಕ್ಟೀರಿಯಗಳ ಉತ್ಪಾದನೆ ಹೆಚ್ಚಾಗುತ್ತದೆ. ಇವು ಸದಾ ಬಾಯಲ್ಲಿ ದುರ್ಗಂಧವನ್ನು ಹೊರ ಹೊಮ್ಮಿಸುತ್ತವೆ. ಮಾತನಾಡುವಾಗ ಇತರರಿಗೂ ಅದರ ದುರ್ಗಂಧ ತಲುಪುತ್ತದೆ.

ಇದನ್ನೂ ಓದಿ- ನಾಲಗೆಯ ಸ್ವಚ್ಛತೆಗೆ ಒಂದಿಷ್ಟು ಪವರ್ ಫುಲ್ ಮನೆ ಔಷಧಿ....

ಒಸಡುಗಳ ಅನಾರೋಗ್ಯ

ಅಶುಚಿಯಾದ ನಾಲಿಗೆಯಿಂದ ಹುಟ್ಟಿಕೊಂಡ ಬ್ಯಾಕ್ಟೀರಿಯಾದ ಸೋಂಕುಗಳು ಒಸಡಿನ ಮೇಲೂ ಪ್ರಭಾವ ಬೀರುತ್ತದೆ. ಕ್ರಮೇಣ ಒಸಡಿನಲ್ಲಿ ಊತ ಹಾಗೂ ರಕ್ತಸ್ರಾವ ಉಂಟಾಗುತ್ತದೆ.

ಹಲ್ಲು ಹಾಳಾಗುವುದು

ನಾಲಗೆಯಿಂದ ಉತ್ಪತ್ತಿಯಾದ ಸೋಂಕು ಒಸಡಿಗೆ ತೊಂದರೆ ಉಂಟುಮಾಡುವುದಲ್ಲದೆ ಹಲ್ಲುಗಳ ಮೇಲೂ ಧಾಳಿಮಾಡುತ್ತವೆ. ಇವುಗಳ ಧಾಳಿಯಿಂದ ಹಲ್ಲು ಹುಳುಕಾಗುವುದು ಹಾಗೂ ನೋವಿನಿಂದ ಕೂಡಿರುತ್ತದೆ.

ಬಣ್ಣದ ಬದಲಾವಣೆ

ಅಶುದ್ಧ ನಾಲಗೆಯಿಂದ ಫಂಗಸ್‍ನಂತಹ ಸೋಂಕು ನಾಲಿಗೆಯನ್ನು ಆವರಿಸಿಕೊಳ್ಳುತ್ತವೆ. ಇದರಿಂದ ನಾಲಗೆಯು ಬಿಳಿಯ ಬಣ್ಣಕ್ಕೆ ತಿರುಗಿ ದುರ್ವಾಸನೆಯನ್ನು ಸೂಸುತ್ತದೆ.

ಯೀಸ್ಟ್ ಸೋಂಕು

ನಿಯಮಿತವಾಗಿ ನಾಲಗೆಯನ್ನು ಸ್ವಚ್ಛಗೊಳಿಸದಿದ್ದರೆ ಯೀಸ್ಟ್ ಸೊಂಕು ಆವರಿಸುವ ಸಾಧ್ಯತೆ ಇರುತ್ತದೆ. ಇದು ನಾಲಗೆಯಲ್ಲಿ ವಾಸನೆ, ನೋವು ಉಂಟಾಗುವಂತೆ ಮಾಡುತ್ತದೆ.

ನಾಲಗೆ ಕಪ್ಪಾಗುವುದು!

ನಾಲಗೆಯ ಅಶುದ್ಧತೆ ಅಂತಿಮ ಹಂತ ತಲುಪಿದಾಗ ಕಪ್ಪು ಕೂದಲುಳ್ಳ ನಾಲಗೆಯಂತಾಗುತ್ತದೆ. ಹಾಗಂತ ನಾಲಗೆಯಲ್ಲಿ ಕೂದಲು ಹುಟ್ಟುವುದಿಲ್ಲ. ಅದರ ಅಶುದ್ಧತೆಯ ಹಂತಕ್ಕೆ ನೀಡುವ ಹೆಸರಷ್ಟೆ.

ನಿಮ್ಮ ನೋಟವನ್ನು ಹಾಳುಮಾಡುವುದು

ಸ್ಪರ್ಧಾತ್ಮ ಜಗತ್ತಿನಲ್ಲಿ ನಿಮ್ಮನ್ನು ನೀವು ಇತರರ ಮುಂದೆ ಪರಿಚಯಿಸಿಕೊಳ್ಳುವಾಗ ಬಾಯಿಂದ ಸೂಸುವ ವಾಸನೆ ನಿಮ್ಮ ವ್ಯಕ್ತಿತ್ವವನ್ನು ಬಿಂಬಿಸುತ್ತದೆ. ಇತರರ ದೂಷಣೆಗೂ ಒಳಗಾಗಬೇಕಾಗುತ್ತದೆ.

ಇದನ್ನೂ ಓದಿ - ನೆನಪಿಡಿ, ನಾಲಗೆ ಸ್ವಚ್ಛಗೊಳಿಸದಿದ್ದರೆ ಸಮಸ್ಯೆ ಕಟ್ಟಿಟ್ಟ ಬುತ್ತಿ!