ಅಕಸ್ಮಾತ್ ಆಗಿ ಚೂಯಿಂಗ್ ಗಮ್ ಜಗಿದು-ಜಗಿದು ನುಂಗಿಬಿಟ್ಟರೆ!

ಇದರ ಸಿಹಿಯಾದ ರಸ...ಬಹಳ ಅಪಾಯಕಾರಿ

ನಿಜವಾಗಿ ನೋಡಬೇಕೆಂದರೆ ಇವೆಲ್ಲವೂ ಆರೋಗ್ಯಕ್ಕೆ ಹಾನಿಕರವೇ ಸರಿ. ಇವನ್ನು ನಿವಾರಿಸಲು ನಮ್ಮ ಯಕೃತ್ ಶೋಧಿಸಿ ಕಲ್ಮಶಗಳನ್ನು ನಿವಾರಿಸುತ್ತದೆ. ಇಲ್ಲದಿದ್ದರೆ ಈ ವಸ್ತುಗಳಿಂದ ಅಲರ್ಜಿಯೂ ಎದುರಾಗಬಹುದು. ಆದ್ದರಿಂದ ಚೂಯಿಂಗ್ ಗಮ್ ಅನ್ನು ನುಂಗದೇ ಇದ್ದರೂ ಪ್ರಾರಂಭದಲ್ಲಿ ಲಾಲಾರಸದಲ್ಲಿ ಬೆರೆತ ಇದರ ಸಿಹಿಯಾಗಿರುತ್ತದೆ ಆದರೆ ಇದರಲ್ಲಿರುವ ವಿಷವಸ್ತುಗಳು ಆರೋಗ್ಯವನ್ನು ಕೆಡಿಸಬಹುದು.

ಆಕಸ್ಮಾತ್ ಆಗಿ ಚೂಯಿಂಗ್ ಗಮ್ ನುಂಗಿಬಿಟ್ಟರೆ...

ಹಾಗಾದರೆ ಚೂಯಿಂಗ್ ಗಮ್ ನುಂಗಿದ ಬಳಿಕ ಏನಾಗುತ್ತದೆ? ನಮ್ಮ ಜಠರದಲ್ಲಿರುವ ಹ್ರೈಡ್ರೋಕ್ಲೋರಿಕ್ ಆಮ್ಲ ಚೂಯಿಂಗ್ ಗಮ್ ನಲ್ಲಿರುವ ಕೆಲವು ವಸ್ತುಗಳನ್ನು ಮಾತ್ರವೇ ಬೇರ್ಪಡಿಸಲು ಶಕ್ತವಾಗುತ್ತದೆ. ಪ್ರಮುಖವಾಗಿ ಸಕ್ಕರೆ, ಗ್ಲಿಸರಿನ್ ನಂತಹ ಮೃದುಕಾರಕ ಹಾಗೂ ಸುಗಂಧಕ್ಕಾಗಿ ಬೆರೆಸಿರುವ ಪುದಿನಾ ಎಣ್ಣೆ ಮೊದಲಾದವು. ಆದರೆ ಮೂಲವಸ್ತು ಹಾಗೇ ಮುಂದುವರೆದು ಕರುಳುಗಳನ್ನು ತಲುಪುತ್ತದೆ. ಇಲ್ಲಿಯೂ ಇದು ಎಲ್ಲಿಯೂ ಅಂಟಿಕೊಳ್ಳದೇ, ಜೀರ್ಣವಾಗದೇ ಸುಮಾರು ಇಪ್ಪತ್ತೈದು ಇಪ್ಪತ್ತಾರು ಗಂಟೆಗಳ ವರೆಗೆ ಕರುಳಿನಲ್ಲಿದ್ದು ಬಳಿಕ ವಿಸರ್ಜಿಸಲ್ಪಡುತ್ತದೆ.

ವಿಸರ್ಜನೆಗೊಳ್ಳದೇ ಇದ್ದರೆ!

ಒಂದು ವೇಳೆ ಈ ಅವಧಿ ಮೀರಿದ ಬಳಿಕವೂ ವಿಸರ್ಜನೆಗೊಳ್ಳದೇ ಇದ್ದರೆ ಮಾತ್ರ ವೈದ್ಯರ ಸಲಹೆ ಪಡೆಯುವುದು ಅಗತ್ಯ. ವಿಸರ್ಜನೆಗೊಂಡಿಲ್ಲ ಎಂದು ಕಂಡುಕೊಳ್ಳುವುದು ಹೇಗೆ? ಈ ಸಮಯದ ಬಳಿಕ ದೇಹದ ತಾಪಮಾನ ಹೆಚ್ಚುತ್ತದೆ ಹಾಗೂ ರಕ್ತದೊತ್ತಡವೂ ಏರುತ್ತದೆ. ಇದಕ್ಕೆ ಚೂಯಿಂಗ್ ಗಮ್ ನಲ್ಲಿರುವ ಅಲರ್ಜಿಕಾರಕ ವಸ್ತುಗಳು ಕಾರಣವಾಗಿವೆ.

ಬೇರಾವ ಸೂಚನೆಗಳು ಕಾಣಬರುತ್ತವೆ?

ಸಾಮಾನ್ಯವಾಗಿ ಅತಿಸಾರ, ವಾಂತಿ, ವಾಕರಿಕೆ ಮೊದಲಾವುಗಳ ಮೂಲಕ ದೇಹ ಈ ಅನಗತ್ಯವಾದ ವಸ್ತುವನ್ನು ಹೊರಹಾಕಲು ಯತ್ನಿಸುತ್ತದೆ. ಕೆಲವರಿಗೆ ಈ ಅಲರ್ಜಿಯ ಪರಿಣಾಮವಾಗಿ ಚರ್ಮದಲ್ಲಿ ತುರಿಕೆ ಹಾಗೂ ಚರ್ಮ ಕೆಂಪಗಾಗುವುದೂ ಕಂಡುಬರುತ್ತದೆ. ವಾಸ್ತವವಾಗಿ ಚೂಯಿಂಗ್ಗಮ್ ನುಂಗುವುದರಿಂದ ಇದರಲ್ಲಿರುವ ವಸ್ತುಗಳು ಅಲರ್ಜಿ ಮೂಡಿಸಿ ಅಪಾಯಕಾರವಾಗಬಹುದೇ ವಿನಃ ಇದು ಹೊಟ್ಟೆಯಲ್ಲಿ ಅಥವಾ ಕರುಳುಗಳಲ್ಲಿ ಸಿಲುಕಿಕೊಳ್ಳುವುದರಿಂದ ಅಲ್ಲ. ಯಾವುದೇ ಅಲರ್ಜಿಕಾರಕ ಸೂಚನೆಗಳು ಕಂಡುಬಂದರೆ ತಕ್ಷಣ ವೈದ್ಯರನ್ನು ಕಂಡು ಚಿಕಿತ್ಸೆ ಪಡೆದುಕೊಳ್ಳಬೇಕು.