ದಿನನಿತ್ಯ ಒಂದು ಗ್ಲಾಸ್ 'ತರಕಾರಿಗಳ ಜ್ಯೂಸ್‌' ಕುಡಿಯಲೇ ಬೇಕು!

ಕೊಲೆಸ್ಟ್ರಾಲ್ ಚಿಕಿತ್ಸೆಗೆ ಕ್ಯಾರೆಟ್ ಜ್ಯೂಸ್

ಕ್ಯಾರೆಟ್ ಜ್ಯೂಸ್‌ನಲ್ಲಿ ಇರುವಂತಹ ಪೊಟಾಶಿಯಂ ಮತ್ತು ಮೆಗ್ನಿಶಿಯಂ ರಕ್ತದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇದು ಅಧಿಕ ರಕ್ತದೊತ್ತಡವನ್ನು ಸಾಮಾನ್ಯಗೊಳಿಸಿ ರಕ್ತದ ಸಕ್ಕರೆ ಮಟ್ಟವನ್ನು ಕೂಡ ನಿಯಂತ್ರಣದಲ್ಲಿಡುತ್ತದೆ. ಅಧಿಕ ರಕ್ತದೊತ್ತಡ ಮತ್ತು ಮಧುಮೇಹದಿಂದ ಬಳಲುತ್ತಿರುವ ವ್ಯಕ್ತಿಗಳು ಕ್ಯಾರೆಟ್ ಜ್ಯೂಸ್ ನ್ನು ಕುಡಿಯಲೇಬೇಕು. ಸಮೃದ್ಧ ಪೋಷಕಾಂಶಗಳ ಆಗರ- ಕ್ಯಾರೆಟ್ ಜ್ಯೂಸ್

ಯೂರಿಕ್ ಆಮ್ಲಕ್ಕೆ ಬೀಟ್ ರೂಟ್ ಜ್ಯೂಸ್

ಬೀಟ್ ರೂಟ್, ಕ್ಯಾರೆಟ್ ಮತ್ತು ಮುಳ್ಳುಸೌತೆಯಿಂದ ಒಳ್ಳೆಯ ಆರೋಗ್ಯಕಾರಿ ತರಕಾರಿ ಜ್ಯೂಸ್ ನ್ನು ತಯಾರಿಸಿಕೊಳ್ಳಬಹುದು. ಯೂರಿಕ್ ಆಮ್ಲದಿಂದ ಗಂಟುಗಳಲ್ಲಿ ಉಂಟಾಗುವಂತಹ ನೋವು ಹಾಗೂ ಉರಿಯೂತವನ್ನು ಇದು ಕಡಿಮೆ ಮಾಡುತ್ತದೆ. ರಕ್ತದಲ್ಲಿನ ಯೂರಿಕ್ ಆಮ್ಲದ ಮಟ್ಟವು ಹೆಚ್ಚಿದಾಗ ಇದು ಗಂಟಿನಲ್ಲಿ ಜಮೆಯಾಗಿ ನೋವು, ಉರಿಯೂತ ಮತ್ತು ತುರಿಕೆಯನ್ನುಉಂಟು ಮಾಡುತ್ತದೆ. ಲವಲವಿಕೆಯ ಆರೋಗ್ಯಕ್ಕೆ- ಬೀಟ್‌ರೂಟ್+ಲಿಂಬೆಯ ಜ್ಯೂಸ್

ಕೊಬ್ಬು ಕರಗಿಸುವ ಜ್ಯೂಸ್

10 ಗ್ರಾಂನಷ್ಟು ಹಾಗಲಕಾಯಿ, 5 ಗ್ರಾಂನಷ್ಟು ಬಸಳೆ, 5 ಗ್ರಾಂನಷ್ಟು ಸೌತೆಕಾಯಿ ಮತ್ತು 5 ಗ್ರಾಂನಷ್ಟು ಹೂಕೋಸು ನ್ನು ಸೇರಿಸಿಕೊಂಡು ಜ್ಯೂಸ್ ಮಾಡಿ. ತರಕಾರಿ ಜ್ಯೂಸ್ ಗೆ ಸ್ವಲ್ಪ ನೀರು ಹಾಕಿಕೊಂಡು ಸೇವಿಸಿ. ಈ ಜ್ಯೂಸ್ ಸೊಂಟ ಹಾಗೂ ಹೊಟ್ಟೆಯಲ್ಲಿರುವ ಕೊಬ್ಬನ್ನು ಕರಗಿಸುತ್ತದೆ. ಖಾಲಿ ಹೊಟ್ಟೆಯಲ್ಲಿ ಈ ಜ್ಯೂಸ್ ಕುಡಿದರೆ ಹೆಚ್ಚು ಪರಿಣಾಮಕಾರಿಯಾಗಿರುತ್ತದೆ. ಧನಾತ್ಮಕ ಫಲಿತಾಂಶ ಪಡೆಯಲು ಒಂದು ತಿಂಗಳ ಕಾಲ ಈ ಚಿಕಿತ್ಸೆಯನ್ನು ಪಾಲಿಸಿಕೊಂಡು ಹೋಗಿ.

ಎಲೆಕೋಸು ಮತ್ತು ಕೆಂಪು ಕರಿಮೆಣಸಿನ ಜ್ಯೂಸ್

ನೆರಿಗೆ, ಕಪ್ಪು ಕಲೆಗಳು ವಯಸ್ಸಾಗುತ್ತಿರುವುದರ ಕೆಲವೊಂದು ಲಕ್ಷಣಗಳಾಗಿದೆ. ವಯಸ್ಸಾಗುವುದನ್ನು ನಿಧಾನಗೊಳಿಸಬೇಕಾದರೆ ಐದು ಗ್ರಾಂ ಎಲೆಕೋಸು, 4 ಗ್ರಾಂ ಕ್ಯಾರೆಟ್ ಮತ್ತು 3 ಗ್ರಾಂ ಕೆಂಪು ಕರಿಮೆಣಸನ್ನು ಹಾಕಿಕೊಂಡು ಜ್ಯೂಸ್ ಮಾಡಿಕೊಳ್ಳಿ. ಮೂರು ವಾರಗಳ ಕಾಲ ಇದನ್ನು ಸೇವನೆ ಮಾಡಿದರೆ ವಯಸ್ಸಾಗುವ ಲಕ್ಷಣಗಳನ್ನು ನಿಧಾನಗೊಳಿಸಬಹುದು.

ಕೂದಲು ಉದುರುವಿಕೆಗೆ ಜ್ಯೂಸ್

500 ಗ್ರಾಂ ಜಲಸಸ್ಯದ ಜ್ಯೂಸ್ ಮಾಡಿಕೊಂಡು ಅದನ್ನು ಕೂದಲು ಹಾಗೂ ತಲೆಬುರುಡೆಗೆ ಸರಿಯಾಗಿ ಹಚ್ಚಿಕೊಳ್ಳಿ. ಜ್ಯೂಸ್ ಕೂದಲಿನಲ್ಲಿ ಸರಿಯಾಗಿ ನೆನೆಯಲಿ. ಬಳಿಕ ಬಿಸಿ ನೀರಿನಿಂದ ಕೂದಲು ತೊಳೆಯಿರಿ.

ಮೂಳೆಗಳಿಗೆ ಹಾಗಲಕಾಯಿ, ಹಸಿರು ದ್ರಾಕ್ಷಿಯ ಜ್ಯೂಸ್

ಈ ಆರೋಗ್ಯಕಾರಿ ಹಸಿರು ಜ್ಯೂಸ್ ನಲ್ಲಿ ಕಬ್ಬಿನಾಂಶ ಮತ್ತು ವಿಟಮಿನ್ ಕೆ. ಸಮೃದ್ಧವಾಗಿದೆ. ತಿಂಗಳ ಮುಟ್ಟು ಮತ್ತು ಗರ್ಭಿಣಿಯರಿಗೆ ಕಬ್ಬಿನಾಂಶ ಅಗತ್ಯವಾಗಿ ಬೇಕೇಬೇಕು. ಇದು ರಕ್ತಸಂಚಾರವನ್ನು ಉತ್ತಮಪಡಿಸುತ್ತದೆ ಮತ್ತು ಮೂಳೆಗಳ ಆರೋಗ್ಯಕ್ಕೆ ಇದು ಅತ್ಯುತ್ತಮ ಜ್ಯೂಸ್ ಆಗಿದೆ.