ಲವಲವಿಕೆಯ ಆರೋಗ್ಯಕ್ಕೆ 'ತರಕಾರಿ ಜ್ಯೂಸ್' ಸಹಕಾರಿ

ಇದನ್ನು ಹೆಚ್ಚು ಪ್ರಮಾಣದಲ್ಲಿಯೂ ಸೇವಿಸಬಹುದು

ಸಾಮಾನ್ಯವಾಗಿ ಹಣ್ಣಿನ ರಸವನ್ನು ಒಂದು ನಿಗದಿತ ಪ್ರಮಾಣಕ್ಕಿಂತ ಹೆಚ್ಚು ಸೇವಿಸಲು ಸಾಧ್ಯವಿಲ್ಲ. ಆದರೆ ತರಕಾರಿಯ ಜ್ಯೂಸ್ ಹೆಚ್ಚು ಸಾಂದ್ರೀಕೃತವಾಗಿದೆ. ಉದಾಹರಣೆಗೆ ಎರಡು ಕೋಸುಗಳನ್ನು ಹಿಂಡಿ ತೆಗೆದ ರಸ ಒಂದು ಲೋಟವನ್ನೂ ತುಂಬುವುದಿಲ್ಲ. ಆದರೆ ಈ ಪ್ರಮಾಣ ಸೇವಿಸಿದರೆ ಎರಡು ಕೋಸುಗಳನ್ನು ತಿಂದಷ್ಟೇ ಪೋಷಕಾಂಶಗಳು ದೊರಕುತ್ತವೆ.

ಇವು ಹೆಚ್ಚಿನ ಆರ್ದ್ರತೆ ನೀಡುತ್ತವೆ

ಕೆಲವು ತರಕಾರಿಗಳಲ್ಲಿ ಹೆಚ್ಚಿನ ಪ್ರಮಾಣದ ನೀರು ಇರುತ್ತದೆ. ಉದಾಹರಣೆಗೆ ಸೌತೆಕಾಯಿ. ಇವುಗಳ ಸೇವನೆಯಿಂದ ದೇಹಕ್ಕೆ ಅತಿ ಹೆಚ್ಚಿನ ಪ್ರಮಾಣದಲ್ಲಿ ನೀರು ಲಭ್ಯವಾಗುತ್ತದೆ. ಇದು ಆರೋಗ್ಯಕ್ಕೆ ತುಂಬಾ ಉತ್ತಮ.ರಣಬಿಸಿಲಿನ ದಾಹವನ್ನು ತಣಿಸುವ ಸೌತೆಕಾಯಿ-ಶು೦ಠಿ ಜ್ಯೂಸ್!

ಇಡಿಯ ದಿನ ಚಟುವಟಿಕೆಯಿಂದಿರುಸುತ್ತದೆ

ತರಕಾರಿಗಳಲ್ಲಿರುವ ವಿಟಮಿನ್‌ಗಳು , ಖನಿಜಗಳು ಮತ್ತು ಇತರ ಪೋಷಕಾಂಶಗಳು ಜ್ಯೂಸ್ ರೂಪದಲ್ಲಿ ಹೆಚ್ಚು ಸಾಂದ್ರೀಕೃತವಾಗಿರುವ ಕಾರಣ ದೇಹಕ್ಕೆ ಹೆಚ್ಚಿನ ಪೋಷಣೆ ನೀಡಲು ನೆರವಾಗುತ್ತವೆ. ಇದರಿಂದ ದೇಹ ಇಡಿಯ ದಿನ ಚೈತನ್ಯ ಹಾಗೂ ಚಟುವಟಿಕೆಯಿಂದಿರಲು ಸಾಧ್ಯವಾಗುತ್ತದೆ.

ಪೋಷಕಾಂಶಗಳನ್ನು ಸುಲಭವಾಗಿ ಹೀರಿಕೊಳ್ಳಲು ಸಾಧ್ಯವಾಗುತ್ತದೆ

ರಕಾರಿಯ ಪೋಷಕಾಂಶಗಳು ಜ್ಯೂಸ್ ಮೂಲಕ ದೇಹ ಸೇರಿದಾಗ ಸುಲಭವಾಗಿ ಹೀರಿಕೊಳ್ಳಲು ಸಾಧ್ಯವಾಗುತ್ತದೆ. ಏಕೆಂದರೆ ತರಕಾರಿಯನ್ನು ಸೇವಿಸಿದಾಗ ಜೀರ್ಣಾಂಗಗಳು ಇವನ್ನು ಜೀರ್ಣಿಸಿಕೊಂಡು ಇದರ ಪೋಷಕಾಂಶಗಳನ್ನು ಪಡೆಯಲು ಕೊಂಚ ಕಷ್ಟಪಡಬೇಕಾಗುತ್ತದೆ.

ಪೋಷಕಾಂಶಗಳನ್ನು ಸುಲಭವಾಗಿ ಹೀರಿಕೊಳ್ಳಲು ಸಾಧ್ಯವಾಗುತ್ತದೆ

ಅಲ್ಲದೇ ತರಕಾರಿಯ ಅನಗತ್ಯ ಭಾಗಗಳನ್ನು ನಿವಾರಿಸಲು ಸಹಾ ಶಕ್ತಿಯನ್ನು ವ್ಯಯಿಸಬೇಕಾಗುತ್ತದೆ. ಇದು ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತದೆ. ಆದ್ದರಿಂದ ತರಕಾರಿಯ ಪೂರ್ಣ ಪ್ರಯೋಜನ ಪಡೆಯಲು ಇದರ ಜ್ಯೂಸ್ ಕುಡಿಯುವುದೇ ಉತ್ತಮ.

ವೈವಿಧ್ಯತೆ ಸುಲಭವಾಗುತ್ತದೆ

ಕೆಲವು ತರಕಾರಿಗಳು ಆರೋಗ್ಯಕರವಾಗಿದ್ದರೂ ಇದರ ರುಚಿಯ ಕಾರಣ ಇವನ್ನು ಸೇವಿಸಲು ಹೆಚ್ಚಿನವರು ಹಿಂದೇಟು ಹಾಕುತ್ತಾರೆ. ಇದಕ್ಕೆ ಉತ್ತಮ ಉದಾಹರಣೆ ಎಂದರೆ ಹಾಗಲಕಾಯಿ. ಇದರ ಕಹಿ ರುಚಿಯನ್ನು ಬಯಸದವರು ಹಾಗಲಕಾಯಿಯನ್ನೇ ದೂರಮಾಡುತ್ತಾರೆ.

ವೈವಿಧ್ಯತೆ ಸುಲಭವಾಗುತ್ತದೆ

ಆದರೆ ಬದಲಿಗೆ ಹಾಗಲಕಾಯಿಯ ಜೊತೆಗೆ ಬೇರಾವುದಾದರೂ ಸಿಹಿಯಾದ ತರಕಾರಿಯನ್ನು ಸೇರಿಸಿ ರಸ ಹಿಂಡಿ ಸೇವಿಸಿದರೆ ಹಾಗಲಕಾಯಿಯ ಕಹಿ ಅಷ್ಟೊಂದು ಹೆಚ್ಚಾಗಿ ಕಾಣುವುದಿಲ್ಲ. ಅಲ್ಲದೇ ಎರಡೂ ತರಕಾರಿಗಳ ಉತ್ತಮ ಗುಣಗಳು ಮೇಳೈಸಿಕೊಂಡು ಆರೋಗ್ಯವೃದ್ದಿಸುತ್ತವೆ. ವಿವಿಧ ತರಕಾರಿಗಳ ಪ್ರಯೋಗ ಪ್ರತಿಬಾರಿಯೂ ಭಿನ್ನ ಅನುಭವವನ್ನು ನೀಡುತ್ತದೆ.

ದೇಹದ ವಿಷಕಾರಿ ವಸ್ತುಗಳನ್ನು ನಿವಾರಿಸಲು ನೆರವಾಗುತ್ತದೆ

ತರಕಾರಿಯ ಜ್ಯೂಸ್ ದೇಹದ ವಿಷಕಾರಿ ವಸ್ತುಗಳನ್ನು ನಿವಾರಿಸಲು ನೆರವಾಗುತ್ತದೆ. ಇದರಿಂದ ದೇಹ ಹಗುರಾಗಿ ಮತ್ತು ಚಟುವಟಿಕೆಯಿಂದಿರಲು ನೆರವಾಗುತ್ತದೆ. ವಾಸ್ತವವಾಗಿ ಅತ್ಯುತ್ತಮ ದೇಹದಾರ್ಢ್ಯಕ್ಕೆ ತರಕಾರಿಗಳ ಜ್ಯೂಸ್ ಗಳನ್ನು ಪ್ರತಿದಿನ ಕುಡಿಯುವುದು ಅಗತ್ಯವಾಗಿದೆ.

ಸಕ್ಕರೆ ಇಲ್ಲದ ಈ ಜ್ಯೂಸ್ ಮಧುಮೇಹಿಗಳಿಗೂ ಉತ್ತಮ

ಹೆಚ್ಚಿನ ತರಕಾರಿಗಳಲ್ಲಿ ಸಕ್ಕರೆ ಅತಿ ಕಡಿಮೆ ಪ್ರಮಾಣದಲ್ಲಿರುತ್ತದೆ. ಗೆಣಸು ಮೊದಲಾದ ತರಕಾರಿಯಲ್ಲಿ ಮಾತ್ರ ಕೊಂಚವೇ ಹೆಚ್ಚಾಗಿದ್ದರೂ ಹಣ್ಣುಗಳ ರಸಕ್ಕೆ ಹೋಲಿಸಿದರೆ ಈ ಸಕ್ಕರೆ ಅತ್ಯಲ್ಪವಾಗಿದೆ. ಅಲ್ಲದೇ ಇವುಗಳಲ್ಲಿ ಕ್ಯಾಲೋರಿಗಳೂ ಕಡಿಮೆ ಇರುವ ಕಾರಣ ತೂಕ ಇಳಿಸುವವರಿಗೂ ಮಧುಮೇಹಿಗಳಿಗೂ ಸೂಕ್ತವಾಗಿದೆ.