ಗ್ಯಾಸ್ಟ್ರಿಕ್-ಭೇದಿ ಸಮಸ್ಯೆಗೆ ಒಂದು ಮುಷ್ಟಿ ಕರಿಬೇವಿನ ಎಲೆಗಳು ಸಾಕು!

ಕರಿಬೇವಿನ ಎಲೆಯ ಗುಣಗಳು...

ಈ ಎಲೆಗಳಲ್ಲಿ carbazole alkaloid ಎಂದ ಪೋಷಕಾಂಶವಿದೆ. ಇವುಗಳಲ್ಲಿ ಬ್ಯಾಕ್ಟೀರಿಯಾ ನಿವಾರಕ ಹಾಗೂ ಉರಿಯೂತ ನಿವಾರಕ ಗುಣಗಳಿವೆ. ಈ ಗುಣಗಳು ಹೊಟ್ಟೆಯಲ್ಲಿ ಅಜೀರ್ಣ ಅಥವಾ ಆಮ್ಲಜನಕದ ಅಗತ್ಯವಿಲ್ಲದೇ ಆಹಾರವನ್ನು ಕೊಳೆಸುವ ಅಮೀಬಾ ಮೂಲಕ ಎದುರಾಗುವ ಸೋಂಕನ್ನು ತಡೆಯುವಲ್ಲಿ ನೆರವಾಗುತ್ತವೆ. ಅಲ್ಲದೇ ಆಯುರ್ವೇದದ ಪ್ರಕಾರ ಹೊಟ್ಟೆಯಲ್ಲಿ ಪಿತ್ತವಿಕಾರವಾದಂತೆ ನೋಡಿಕೊಳ್ಳುತ್ತದೆ. ಇದರ ರೋಗಶಮನಕಾರಿ ಗುಣ ಹೊಟ್ಟೆಯಲ್ಲಿ ಎದುರಾಗುವ ಚಿಕ್ಕ ಪುಟ್ಟ ಸೆಡೆತಗಳನ್ನು ಕಡಿಮೆ ಮಾಡುವ ಗುಣವನ್ನೂ ಹೊಂದಿದೆ. ಬನ್ನಿ, ಈ ಎಲೆಗಳಿಂದ ಔಷಧಿಯನ್ನು ಹೇಗೆ ತಯಾರಿಸಬಹುದೆಂದು ನೋಡೋಣ...

#1

ಒಂದು ಲೋಟ ನೀರನ್ನು ಕುದಿಸಿ ಇದಕ್ಕೆ ಸುಮಾರು 35-40 ಕರಿಬೇವಿನ ಎಲೆಗಳನ್ನು ಸೇರಿಸಿ. ಬಳಿಕ ಚಿಕ್ಕ ಉರಿಯಲ್ಲಿ ಸುಮಾರು ಎರಡು ಘಂಟೆಗಳವರೆಗೆ ನೀರು ಕುದಿಸಿ. ನಂತರ ಉರಿ ಆರಿಸಿ ಎಲೆಗಳನ್ನು ಸೋಸಿ ನೀರು ಸಂಗ್ರಹಿಸಿ. ಈ ನೀರಿಗೆ ಕೊಂಚ ಲಿಂಬೆರಸ ಹಾಗೂ ಜೇನನ್ನು ಬೆರೆಸಿ. ಈ ದ್ರವವನ್ನು ಖಾಲಿಹೊಟ್ಟೆಯಲ್ಲಿ ಕುಡಿಯಿರಿ.

#2

ಕೆಲವು ಕರಿಬೇವಿನ ಎಲೆಗಳನ್ನು ಚೆನ್ನಾಗಿ ಜಜ್ಜಿ ಚಿಕ್ಕ ಗೋಲಿಯಂತಾಗಿಸಿ. ಈ ಗೋಲಿಯನ್ನು ಒಂದು ಲೋಟ ಮಜ್ಜಿಗೆಯೊಡನೆ ಬೆರೆಸಿ ಕಲಕಿ ದಿನಕ್ಕೆರಡು ಬಾರಿ ಸೇವಿಸಿ.

#3

ಒಂದು ಲೋಟ ನೀರನ್ನು ಕುದಿಸಿ ಇದಕ್ಕೆ ಕೆಲವು ಎಸಳುಗಳನ್ನು ಹಾಕಿ ಕುದಿಸಿ. ಈ ನೀರನ್ನು ಸೋಸಿ ದಿನವಿಡೀ ಕೊಂಚಕೊಂಚವಾಗಿ ಕುಡಿಯುತ್ತಿರಿ.

#4

ಸುಮಾರು ನಲವತ್ತು ಗ್ರಾಂ ಕರಿಬೇಬಿನ ಒಣಪುಡಿ ಹಾಗೂ ಹತ್ತು ಗ್ರಾಂ ಜೀರಿಗೆಯೊಡನೆ ಬೆರೆಸಿ ಒಣದಾಗಿ ಪುಡಿಮಾಡಿ. ಈ ಪುಡಿಯನ್ನು ಒಂದು ಲೋಟ ಉಗುರುಬೆಚ್ಚನೆಯ ನೀರಿಗೆ ಬೆರೆಸಿ ಕುಡಿಯಿರಿ. ಹತ್ತು ನಿಮಿಷದ ಬಳಿಕ ಒಂದು ಚಿಕ್ಕಚಮಚ ಜೇನು ಸೇವಿಸಿ. ಈ ವಿಧಾನವನ್ನು ದಿನಕ್ಕೆ ಮೂರರಿಂದ ನಾಲ್ಕು ಬಾರಿ ಪುನರಾವರ್ತಿಸಿ.

#5

ಕೊಂಚ ಎಲೆಗಳನ್ನು ಉಪ್ಪು ಮತ್ತು ನೀರಿನೊಂದಿಗೆ ಮಿಕ್ಸಿಯಲ್ಲಿ ಕಡೆಯಿರಿ. ಬಳಿಕ ಈ ನೀರನ್ನು ಸೋಸಿ ಕೊಂಚ ಜೇನು ಮತ್ತು ಲಿಂಬೆರಸ ಸೇರಿಸಿ ಒಂದು ಬಾಟಲಿಯಲ್ಲಿ ಸಂಗ್ರಹಿಸಿಡಿ. ಯಾವಾಗ ಅತಿಸಾರ ಅಥವಾ ವಾಯುಪ್ರಕೋಪದ ತೊಂದರೆ ಕಂಡುಬಂದಿತೋ ತಕ್ಷಣ ಒಂದು ಚಿಕ್ಕಚಮಚದಷ್ಟು ಪ್ರಮಾಣವನ್ನು ತಕ್ಷಣವೇ ಸೇವಿಸಿ.