ಕೇಳಿ ಇಲ್ಲಿ, ಆ ಸಮಯದಲ್ಲಿ, ಮೇಕಪ್ ಮಾಡುವಾಗ ಜಾಗ್ರತೆ ವಹಿಸಿ!

ಚರ್ಮಕ್ಕೆ ಮಸಾಜ್ ಮಾಡಿ

ತ್ವಚೆಯಲ್ಲಿ ರಕ್ತ ಸಂಚಲನ ಹೆಚ್ಚಿಸಿಕೊಳ್ಳಲು ಮಸಾಜ್ ಮಾಡಿಕೊಳ್ಳುವುದು ತುಂಬಾ ಹಿಂದಿನಿಂದಲೂ ನೆಚ್ಚಿಕೊಂಡಿರುವ ಒಂದು ತಂತ್ರ. ಋತುಚಕ್ರದ ಸಮಯದಲ್ಲಿ ನೀವು ಇದನ್ನು ಅಳವಡಿಸಿಕೊಳ್ಳಿ. ಇದರಿಂದ ಮುಟ್ಟಿನ ವೇಳೆ ಬರುವಂತಹ ಎರಡು ಸಾಮಾನ್ಯ ಸಮಸ್ಯೆಗಳಾದ ಚರ್ಮ ಒಣಗುವುದು ಮತ್ತು ನಿಸ್ತೇಜವಾಗುವುದು ಕಡಿಮೆಯಾಗುವುದು. ಆಲಿವ್ ತೈಲದಿಂದ ಮಸಾಜ್ ಮಾಡಿಕೊಂಡರೆ ನಿಮ್ಮ ತ್ವಚೆಗೆ ಒಳ್ಳೆಯ ಕಾಂತಿ ಬರುವುದು.

ಸತ್ತ ಚರ್ಮ ತೆಗೆಯಿರಿ

ಮುಟ್ಟಿನ ಸಮಯದಲ್ಲಿ ಚರ್ಮದಲ್ಲಿ ಮುಚ್ಚಿರುವಂತಹ ರಂಧ್ರಗಳು ಮೊಡವೆಗಳಿಗೆ ಕಾರಣವಾಗಬಹುದು. ಇದಕ್ಕಾಗಿ ಮುಟ್ಟಿಗೆ ಮೊದಲು ಮತ್ತು ಬಳಿಕ ಮುಖದಲ್ಲಿರುವ ಸತ್ತ ಚರ್ಮವನ್ನು ತೆಗೆದುಹಾಕಿ. ಇದರಿಂದ ರಂಧ್ರಗಳು ಸ್ವಚ್ಛವಾಗಿರುವುದು ಮತ್ತು ಯಾವುದೇ ಕಲ್ಮಶಗಳು ಇರುವುದಿಲ್ಲ. ಇದಕ್ಕೆ ನೀವು ಯಾವುದಾದರೂ ಸ್ಕ್ರಬ್ ಬಳಸಬಹುದು ಅಥವಾ ಓಟ್ ಮೀಲ್, ಲಿಂಬೆರಸ, ಬ್ರೌನ್ ಶುಗರ್ ಹಾಕಿಕೊಂಡು ಸ್ಕ್ರಬ್ ಮಾಡಬಹುದು.

ಚರ್ಮವು ತೇವಾಂಶದಿಂದ ಇರಲಿ

ಮುಟ್ಟಿನ ಸಮಯದಲ್ಲಿ ನಿರ್ಜಲೀಕರಣ ಮತ್ತು ಚರ್ಮವು ನಿಸ್ತೇಜವಾಗುವ ಸಮಸ್ಯೆ ಕಾಣಿಸಿಕೊಳ್ಳುವುದು. ಈ ಸಮಯದಲ್ಲಿ ಹೆಚ್ಚೆಚ್ಚು ನೀರು ಕುಡಿದು ಚರ್ಮದಲ್ಲಿ ತೇವಾಂಶವಿರುವಂತೆ ನೋಡಿಕೊಳ್ಳಿ ಮತ್ತು ಚರ್ಮದ ಟೋನರ್ ಬಳಸಿಕೊಳ್ಳಬಹುದು.

ಹೆಚ್ಚು ಕಾಳಜಿ ಅಗತ್ಯ

ಋತುಚಕ್ರದ ಸಮಯದಲ್ಲಿ ಚರ್ಮವು ತುಂಬಾ ಸೂಕ್ಷ್ಮವಾಗಿರುವುದು. ಈ ಸಮಯದಲ್ಲಿ ಚರ್ಮದಲ್ಲಿ ಗಾಯಗಳು ಮತ್ತು ಸೋಂಕು ಬೇಗನೆ ಕಾಣಿಸಿಕೊಳ್ಳುವುದು. ಇದರಿಂದ ಚರ್ಮದ ಆರೈಕೆ ಮಾಡಿಕೊಳ್ಳುವಾಗ ಹೆಚ್ಚಿನ ಜಾಗೃತೆ ವಹಿಸಿಕೊಂಡು ಈ ಸಮಸ್ಯೆ ನಿವಾರಿಸಿ.

ಸ್ಥಿರತೆಯಿರಲಿ

ಎಲ್ಲಾ ರೀತಿಯ ಸೌಂದರ್ಯವರ್ಧಕಗಳನ್ನು ಮುಟ್ಟಿನ ವೇಳೆ ಚರ್ಮಕ್ಕೆ ಹಚ್ಚಿಕೊಂಡರ ಅದರಿಂದ ಯಾವುದೇ ಪ್ರಯೋಜನವಾಗದು. ಇದರಿಂ ಮತ್ತಷ್ಟು ಹಾನಿಯಾಗಬಹುದು. ಇದರಿಂದ ನಿಯಮಿತ ಹಾಗೂ ಸ್ಥಿರತೆಯಿಂದ ಸೌಂದರ್ಯವರ್ಧಕಗಳನ್ನು ಬಳಸಿ ಮತ್ತು ಚರ್ಮದ ಮೇಲೆ ನಾಕಾರಾತ್ಮಕ ಪರಿಣಾಮ ಬೀರುವಂತೆ ಯಾವುದನ್ನೂ ಅತಿಯಾಗಿ ಮಾಡಬೇಡಿ.

ಫೇಶಿಯಲ್ ಮಾಸ್ಕ್

ಫೇಶಿಯಲ್ ಮಾಸ್ಕ್ ತ್ವಚೆಗೆ ಮೃಧುತ್ವ ನೀಡುವುದು. ನೀವು ಮಾರುಕಟ್ಟೆಗೆ ಹೋಗಿ ಫೇಶಿಯಲ್ ಕ್ರೀಮ್ ತರಬಹುದು ಅಥವಾ ಮನೆಯಲ್ಲೇ ಸೌತೆಕಾಯಿ, ಅಲೋವೆರಾ ಲೋಳೆ ಇತ್ಯಾದಿ ಹಾಕಿಕೊಂಡು ಫೇಶಿಯಲ್ ಮಾಸ್ಕ್ ತಯಾರಿಸಬಹುದು. ಇಂತಹ ಫೇಶಿಯಲ್ ಮಾಸ್ಕ್ ಧರಿಸುವುದರಿಂದ ಚರ್ಮವು ಕಾಂತಿಯುತವಾಗಿರುವುದು.

ರಾತ್ರಿ ಚಿಕಿತ್ಸೆ

ನೀವು ನಿದ್ರಿಸುತ್ತಾ ಇರುವ ವೇಳೆ ಚರ್ಮದ ಕೋಶಗಳು ಪುನರುಜ್ಜೀವನಗೊಳ್ಳುವುದು. ಇದರಿಂದ ರಾತ್ರಿ ವೇಳೆ ಮಾಡುವಂತಹ ಚರ್ಮದ ಚಿಕಿತ್ಸೆಯು ತುಂಬಾ ಪರಿಣಾಮಕಾರಿಯಾಗಿರುವುದು. ರಾತ್ರಿ ವೇಳೆ ಚರ್ಮಕ್ಕೆ ಕ್ರೀಮ್ ಹಚ್ಚಿಕೊಂಡು ಮಲಗಿ ಅಥವಾ ರೋಸ್ ವಾಟರ್ ಹಚ್ಚಿಕೊಂಡು ಮಲಗಿ. ಈ ರೀತಿ ಮಾಡಿದರೆ ಬೆಳಗ್ಗೆ ನೀವು ಕಾಂತಿಯುತ ಚರ್ಮವನ್ನು ಕಾಣಬಹುದು.

ಹಗುರ ಮೇಕಪ್ ಹಾಕಿ

ಮುಟ್ಟಿನ ಸಮಯದಲ್ಲಿ ಚರ್ಮವು ತುಂಬಾ ಸೂಕ್ಷ್ಮವಾಗಿರುವುದು ಮತ್ತು ಕೆಲವೊಂದು ಕಾಸ್ಮೆಟಿಕ್ ಉತ್ಪನ್ನಗಳಿಗೆ ವಿರುದ್ಧವಾಗಿ ವರ್ತಿಸಬಹುದು. ಇದರಿಂದ ಮೊಡವೆಗಳು ಕಾಣಿಸಿಕೊಳ್ಳುವುದು. ಇದರಿಂದ ಇಂತಹ ಸಮಯದಲ್ಲಿ ನೀವು ಹಗುರವಾದ ಮೇಕಪ್ ಹಾಕಿಕೊಂಡರೆ ಒಳ್ಳೆಯದು.