ನೆನಪಿಡಿ, ಊಟವಾದ ಕೂಡಲೇ ಅಪ್ಪಿತಪ್ಪಿಯೂ ನೀರು ಕುಡಿಯಬೇಡಿ!!

Posted By: Arshad
Subscribe to Boldsky

ಸ್ವಾದಿಷ್ಟ ಊಟದ ಕೊನೆಯಲ್ಲಿ ನಾವೆಲ್ಲಾ ಒಂದು ದೊಡ್ಡ ಲೋಟ ನೀರನ್ನು ಕುಡಿದು ತೃಪ್ತಿಕರ ಭಾವನೆಯನ್ನು ಪಡೆಯುತ್ತೇವೆ. ವಾಸ್ತವವಾಗಿ ಈ ಅಭ್ಯಾಸದಿಂದ ಕೆಲವಾರು ಜೀರ್ಣಕ್ರಿಯೆಯ ತೊಂದರೆಗಳು ಹಾಗೂ ರಕ್ತದಲ್ಲಿ ಥಟ್ಟನೇ ಸಕ್ಕರೆಯ ಮಟ್ಟ ಏರಲು ಕಾರಣವಾಗುತ್ತದೆ ಎಂದು ನಿಮಗೆ ತಿಳಿದಿತ್ತೇ? ಹೌದು, ನೀವು ಸರಿಯಾಗಿಯೇ ಗ್ರಹಿಸಿದಿರಿ. ಊಟದ ಬಳಿಕ ನೀರು ಕುಡಿಯುವುದು ಆರೋಗ್ಯಕ್ಕೆ ಅನಾನುಕೂಲವಾದ ಅಭ್ಯಾಸವಾಗಿದೆ.

ರಾತ್ರಿ ಊಟದ ನಂತರ ಅಪ್ಪಿತಪ್ಪಿಯೂ ಹೀಗೆಲ್ಲಾ ಮಾಡಬೇಡಿ!

ನಮ್ಮ ಜೀರ್ಣಾಂಗಗಳ ಕಾರ್ಯವ್ಯವಸ್ಥೆ ಕೊಂಚ ಭಿನ್ನವಾಗಿದ್ದು ಸಮಯಾಧಾರಿತವಾಗಿದೆ. ಅಂದರೆ ಯಾವ ಸಮಯದಲ್ಲಿ ಊಟಮಾಡಬೇಕು, ಯಾವ ಸಮಯದಲ್ಲಿ ಜೀರ್ಣರಸಗಳನ್ನು ಒಸರಬೇಕು ಎಂಬುದೆಲ್ಲಾ ಮೆದುಳಿನಿಂದ ಲಭಿಸುವ ಸೂಚನೆಗಳನ್ನು ಅನುಸರಿಸಿದೆ. (ವಾಸ್ತವವಾಗಿ ಮೆದುಳುಬಳ್ಳಿ). ಊಟದ ಬಳಿಕ ನೀರನ್ನು ಕುಡಿಯುವುದರಿಂದ ಜೀರ್ಣರಸಗಳು ಇನ್ನಷ್ಟು ತಿಳಿಯಾಗುತ್ತವೆ ಹಾಗೂ ತಮ್ಮ ಪ್ರಬಲತೆಯನ್ನು ಕಳೆದುಕೊಳ್ಳುತ್ತವೆ. ಈ ರಸ ಈಗ ಆಹಾರದ ಕಠಿಣ ಭಾಗವನ್ನು ಅರಗಿಸಿಕೊಳ್ಳಲು ಅಸಮರ್ಥವಾಗುತ್ತದೆ.

ಆಯುರ್ವೇದದ ಪ್ರಕಾರ ನಮ್ಮ ಹೊಟ್ಟೆಯಲ್ಲಿ ಆಹಾರವನ್ನು ಜೀರ್ಣಿಸಲು ಅಗ್ನಿ ಕಾರಣವಾಗಿದೆ. ಹೊಟ್ಟೆಯಲ್ಲಿ ಹಸಿವನ್ನು ಮೂಡಿಸಿ ಆಹಾರವನ್ನು ಒದಗಿಸುವಂತೆ ಸೂಚಿಸುವುದೂ ಅಗ್ನಿಯೆ ಆಗಿದ್ದು ಜೀರ್ಣಕ್ರಿಯೆಯ ಮೂಲಕ ದೇಹಕ್ಕೆ ಬೇಕಾದ ಶಕ್ತಿಯನ್ನು ಒದಗಿಸುವುದೂ ಅಗ್ನಿಯೇ ಆಗಿದೆ. ಊಟದ ಸಮಯದಲ್ಲಿ ನೀರನ್ನು ಕುಡಿಯುವ ಮೂಲಕ ಅಗ್ನಿಯನ್ನು ನಂದಿಸಿದಂತಾಗುತ್ತದೆ ಹಾಗೂ ಇದರ ಪ್ರಾಬಲ್ಯವನ್ನು ಕಡಿಮೆ ಮಾಡಿದಂತಾಗುತ್ತದೆ. ಬನ್ನಿ, ಈ ಅಭ್ಯಾಸದ ದುಷ್ಟರಿಣಾಮಗಳ ಬಗ್ಗೆ ಇನ್ನಷ್ಟು ಹೆಚ್ಚು ಮಾಹಿತಿಯನ್ನು ಪಡೆಯೋಣ....

ಹೊಟ್ಟೆಯುಬ್ಬರಿಕೆಗೆ ಕಾರಣವಾಗುತ್ತದೆ

ಹೊಟ್ಟೆಯುಬ್ಬರಿಕೆಗೆ ಕಾರಣವಾಗುತ್ತದೆ

ಊಟದ ತಕ್ಷಣ ನೀರು ಕುಡಿಯುವ ಮೂಲಕ ಅಗ್ನಿಯ ಪ್ರಾಬಲ್ಯವನ್ನು ಕಡಿಮೆಗೊಳಿಸುವುದರಿಂದ ಅಗ್ನಿಗೆ ಆಹಾರವನ್ನು ಪೂರ್ಣವಾಗಿ ಜೀರ್ಣಿಸಲು ಸಾಧ್ಯವಾಗುವುದಿಲ್ಲ. ಹೀಗೆ ಅರ್ಧ ಜೀರ್ಣವಾದ ಆಹಾರದಿಂದ ವಾಯು ಹೆಚ್ಚು ಬೇಗನೇ ಉತ್ಪತ್ತಿಯಾಗುತ್ತದೆ. ಇದು ಹೊಟ್ಟೆಯುಬ್ಬರಿಕೆಗೆ ಕಾರಣವಾಗುತ್ತದೆ.

ಅಜೀರ್ಣತೆಗೆ ಕಾರಣವಾಗುತ್ತದೆ

ಅಜೀರ್ಣತೆಗೆ ಕಾರಣವಾಗುತ್ತದೆ

ಹೊಟ್ಟೆಯಿಂದ ಕರುಳಿಗೆ ಆಹಾರ ಧಾವಿಸಬೇಕಾದರೆ ಸಾಕಷ್ಟು ಜೀರ್ಣಗೊಂಡಿರಬೇಕು. ಆದರೆ ಅಗತ್ಯವಿದ್ದಷ್ಟು ಜೀರ್ಣವಾಗದೇ ಇರುವ ಅಹಾರ ಕರುಳುಗಳಲ್ಲಿ ಚಲಿಸಲು ಬಹಳವೇ ಕಷ್ಟಪಡಬೇಕಾಗುತ್ತದೆ. ಇದು ಮಲಬದ್ಧತೆಗೆ ಕಾರಣವಾಗುತ್ತದೆ. ಅಲ್ಲದೇ ಗಟ್ಟಿಯಾಗಿರುವ ಆಹಾರವನ್ನು ಒಳಭಾಗದವರೆಗೂ ಜೀರ್ಣಿಸಿಕೊಳ್ಳಲು ಕರುಳುಗಳೂ ವಿಫಲವಾಗುತ್ತವೆ. ಪರಿಣಾಮವಾಗಿ ಕೇಂದ್ರಭಾಗದ ಆಹಾರ ಜೀರ್ಣವಾಗದೇ ವಾಯುಪ್ರಕೋಪ, ಆಮ್ಲೀಯತೆ ಮೊದಲಾದವುಗಳಿಗೆ ಕಾರಣವಾಗುತ್ತದೆ. ಕಾಲಕ್ರಮೇಣ ಈ ಅಭ್ಯಾಸ ಸತತವಾಗಿ ಇನ್ನೂ ದೊಡ್ಡ ಪರೋಕ್ಷ ಪರಿಣಾಮಗಗಳಿಗೆ ಮೂಲವಾಗಬಹುದು.

ಅಜೀರ್ಣ ಸಮಸ್ಯೆ: ಕ್ಷಣಾರ್ಧದಲ್ಲಿ ನಿವಾರಿಸುವ ಆಯುರ್ವೇದ ಚಿಕಿತ್ಸೆ!

ಆಮ್ಲೀಯತೆ ಎದುರಾಗಬಹುದು

ಆಮ್ಲೀಯತೆ ಎದುರಾಗಬಹುದು

ಊಟದ ಬಳಿಕ ನೀರು ಕುಡಿದರೆ ಜಠರರಸ ತಿಳಿಯಾಗುತ್ತದೆ. ಪರಿಣಾಮವಾಗಿ ಆಹಾರ ಜೀರ್ಣಗೊಳ್ಳಲು ಹೆಚ್ಚು ಹೊತ್ತು ಹೊಟ್ಟೆಯಲ್ಲಿಯೇ ಇರಬೇಕಾಗುತ್ತದೆ. ಅಂದರೆ ಅಗತ್ಯವಿರುವಷ್ಟು ಜೀರ್ಣಕ್ರಿಯೆ ಮುಗಿಸಲೇಬೇಕಾದರೆ ಇನ್ನಷ್ಟು ಹೆಚ್ಚಿನ ಜಠರರಸವನ್ನು ಸ್ರವಿಸುವುದು ಈಗ ಅನಿವಾರ್ಯವಾಗುತ್ತದೆ. ಪರಿಣಾಮವಾಗಿ ಆಮ್ಲೀಯತೆ ಹೆಚ್ಚುತ್ತದೆ.

ಥಟ್ಟನೇ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಏರುತ್ತದೆ

ಥಟ್ಟನೇ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಏರುತ್ತದೆ

ಈ ಅಭ್ಯಾಸದಿಂದ ಎದುರಾಗುವ ಇನ್ನೊಂದು ದೊಡ್ಡ ತೊಂದರೆ ಎಂದರೆ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಥಟ್ಟನೇ ಏರುವುದು. ಹೊಟ್ಟೆಯಲ್ಲಿ ಜೀರ್ಣಗೊಳ್ಳದೇ ಇರುವ ಅಹಾರದ ಪ್ರಮಾಣ ಹೆಚ್ಚಿದಷ್ಟೂ ರಕ್ತದಲ್ಲಿ ಸಕ್ಕರೆ ಥಟ್ಟನೇ ಏರುವ ಸಂಭವವೂ ಹೆಚ್ಚು.

ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು?

ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು?

ಊಟದ ಬಳಿಕ ನೀರು ಕುಡಿಯದೇ ಇರಲು ಈ ಕಾರಣಗಳೇ ಸಾಕು, ಹಾಗಾದರೆ ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು? ಆಯುರ್ವೇದದ ಪ್ರಕಾರ ಊಟ ಮಾಡುವುದಕ್ಕಿಂತಲೂ ಅರ್ಧ ಗಂಟೆಗೂ ಮುಂಚಿತವಾಗಿ ಒಂದು ಲೋಟ ನೀರು ಕುಡಿಯುವುದು ಅತ್ಯಂತ ಸೂಕ್ತ.

ನೆನಪಿಟ್ಟುಕೊಳ್ಳಿ- ಇನ್ನೆಂದಿಗೂ 'ನಿಂತು ನೀರು' ಕುಡಿಯಬೇಡಿ!

ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು?

ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು?

ಈ ಮೂಲಕ ಜೀರ್ಣಾಂಗಗಳು ತಮ್ಮ ಪೂರ್ಣ ಕ್ಷಮತೆಯಲ್ಲಿ ಕಾರ್ಯ ನಿರ್ವಹಿಸಲು ಸಾಧ್ಯವಾಗುತ್ತದೆ. ಊಟದ ನಡು ನಡುವೆ ಕೊಂಚವೇ ನೀರನ್ನು ಗುಟುಕರಿಸುವುದೂ ಆರೋಗ್ಯಕರ. ಇದರಿಂದ ಜೀರ್ಣಾಂಗಗಳಿಗೆ ಅಗತ್ಯವಾದ ಜಾರುಕತೆಯನ್ನು ನೀಡಲು ಸಾಧ್ಯವಾಗುತ್ತದೆ. ಅಂದರೆ ಆಹಾರ ಸುಲಭವಾಗಿ ಜೀರ್ಣಾಂಗಗಳ ಒಳಗೆ ಚಲಿಸಲು ನೆರವಾಗುತ್ತದೆ. ಹಾಗೂ ಮಲಬದ್ಧತೆಯಾಗದೇ ಇರಲೂ ನೆರವಾಗುತ್ತದೆ. ಆದ್ದರಿಂದ, ಒಂದು ವೇಳೆ ಅರಿವಿಲ್ಲದೇ ಈ ಅಭ್ಯಾಸ ನಿಮ್ಮದಾಗಿದ್ದರೆ ತಕ್ಷಣವೇ ಇದನ್ನು ನಿಲ್ಲಿಸಿ ಉತ್ತಮ ಆರೋಗ್ಯ ಪಡೆಯುವತ್ತ ಬದಲಿಸಿಕೊಳ್ಳುವುದೇ ಜಾಣರ ಲಕ್ಷಣ. ಜಾಣರಾಗುವಿರಲ್ಲ?

ನೀರು ಕುಡಿಯುವುದಕ್ಕೂ ನೀತಿ-ನಿಯಮವಿದೆ! ಇನ್ನು ಒಟ್ಟಾರೆ ಕುಡಿಯಬೇಡಿ!!

For Quick Alerts
ALLOW NOTIFICATIONS
For Daily Alerts

    English summary

    This One Habit Can Be A Root Cause Of All Your Digestive Problems

    According to Ayurveda, the Agni present inside our stomach is responsible for digesting our food. It is responsible for making us feel hungry before eating and helps in digesting our food after meals. Drinking water at both these times affects the stomach's functioning, as it weakens the Agni. Now, read on to know more about why you need to stop drinking water after meals ASAP.
    Story first published: Monday, July 3, 2017, 7:05 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more