ನೆನಪಿಡಿ, ಊಟವಾದ ಕೂಡಲೇ ಅಪ್ಪಿತಪ್ಪಿಯೂ ನೀರು ಕುಡಿಯಬೇಡಿ!!

ಹೊಟ್ಟೆಯುಬ್ಬರಿಕೆಗೆ ಕಾರಣವಾಗುತ್ತದೆ

ಊಟದ ತಕ್ಷಣ ನೀರು ಕುಡಿಯುವ ಮೂಲಕ ಅಗ್ನಿಯ ಪ್ರಾಬಲ್ಯವನ್ನು ಕಡಿಮೆಗೊಳಿಸುವುದರಿಂದ ಅಗ್ನಿಗೆ ಆಹಾರವನ್ನು ಪೂರ್ಣವಾಗಿ ಜೀರ್ಣಿಸಲು ಸಾಧ್ಯವಾಗುವುದಿಲ್ಲ. ಹೀಗೆ ಅರ್ಧ ಜೀರ್ಣವಾದ ಆಹಾರದಿಂದ ವಾಯು ಹೆಚ್ಚು ಬೇಗನೇ ಉತ್ಪತ್ತಿಯಾಗುತ್ತದೆ. ಇದು ಹೊಟ್ಟೆಯುಬ್ಬರಿಕೆಗೆ ಕಾರಣವಾಗುತ್ತದೆ.

ಅಜೀರ್ಣತೆಗೆ ಕಾರಣವಾಗುತ್ತದೆ

ಹೊಟ್ಟೆಯಿಂದ ಕರುಳಿಗೆ ಆಹಾರ ಧಾವಿಸಬೇಕಾದರೆ ಸಾಕಷ್ಟು ಜೀರ್ಣಗೊಂಡಿರಬೇಕು. ಆದರೆ ಅಗತ್ಯವಿದ್ದಷ್ಟು ಜೀರ್ಣವಾಗದೇ ಇರುವ ಅಹಾರ ಕರುಳುಗಳಲ್ಲಿ ಚಲಿಸಲು ಬಹಳವೇ ಕಷ್ಟಪಡಬೇಕಾಗುತ್ತದೆ. ಇದು ಮಲಬದ್ಧತೆಗೆ ಕಾರಣವಾಗುತ್ತದೆ. ಅಲ್ಲದೇ ಗಟ್ಟಿಯಾಗಿರುವ ಆಹಾರವನ್ನು ಒಳಭಾಗದವರೆಗೂ ಜೀರ್ಣಿಸಿಕೊಳ್ಳಲು ಕರುಳುಗಳೂ ವಿಫಲವಾಗುತ್ತವೆ. ಪರಿಣಾಮವಾಗಿ ಕೇಂದ್ರಭಾಗದ ಆಹಾರ ಜೀರ್ಣವಾಗದೇ ವಾಯುಪ್ರಕೋಪ, ಆಮ್ಲೀಯತೆ ಮೊದಲಾದವುಗಳಿಗೆ ಕಾರಣವಾಗುತ್ತದೆ. ಕಾಲಕ್ರಮೇಣ ಈ ಅಭ್ಯಾಸ ಸತತವಾಗಿ ಇನ್ನೂ ದೊಡ್ಡ ಪರೋಕ್ಷ ಪರಿಣಾಮಗಗಳಿಗೆ ಮೂಲವಾಗಬಹುದು.

ಆಮ್ಲೀಯತೆ ಎದುರಾಗಬಹುದು

ಊಟದ ಬಳಿಕ ನೀರು ಕುಡಿದರೆ ಜಠರರಸ ತಿಳಿಯಾಗುತ್ತದೆ. ಪರಿಣಾಮವಾಗಿ ಆಹಾರ ಜೀರ್ಣಗೊಳ್ಳಲು ಹೆಚ್ಚು ಹೊತ್ತು ಹೊಟ್ಟೆಯಲ್ಲಿಯೇ ಇರಬೇಕಾಗುತ್ತದೆ. ಅಂದರೆ ಅಗತ್ಯವಿರುವಷ್ಟು ಜೀರ್ಣಕ್ರಿಯೆ ಮುಗಿಸಲೇಬೇಕಾದರೆ ಇನ್ನಷ್ಟು ಹೆಚ್ಚಿನ ಜಠರರಸವನ್ನು ಸ್ರವಿಸುವುದು ಈಗ ಅನಿವಾರ್ಯವಾಗುತ್ತದೆ. ಪರಿಣಾಮವಾಗಿ ಆಮ್ಲೀಯತೆ ಹೆಚ್ಚುತ್ತದೆ.

ಥಟ್ಟನೇ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಏರುತ್ತದೆ

ಈ ಅಭ್ಯಾಸದಿಂದ ಎದುರಾಗುವ ಇನ್ನೊಂದು ದೊಡ್ಡ ತೊಂದರೆ ಎಂದರೆ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ ಥಟ್ಟನೇ ಏರುವುದು. ಹೊಟ್ಟೆಯಲ್ಲಿ ಜೀರ್ಣಗೊಳ್ಳದೇ ಇರುವ ಅಹಾರದ ಪ್ರಮಾಣ ಹೆಚ್ಚಿದಷ್ಟೂ ರಕ್ತದಲ್ಲಿ ಸಕ್ಕರೆ ಥಟ್ಟನೇ ಏರುವ ಸಂಭವವೂ ಹೆಚ್ಚು.

ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು?

ಊಟದ ಬಳಿಕ ನೀರು ಕುಡಿಯದೇ ಇರಲು ಈ ಕಾರಣಗಳೇ ಸಾಕು, ಹಾಗಾದರೆ ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು? ಆಯುರ್ವೇದದ ಪ್ರಕಾರ ಊಟ ಮಾಡುವುದಕ್ಕಿಂತಲೂ ಅರ್ಧ ಗಂಟೆಗೂ ಮುಂಚಿತವಾಗಿ ಒಂದು ಲೋಟ ನೀರು ಕುಡಿಯುವುದು ಅತ್ಯಂತ ಸೂಕ್ತ.

ನೀರು ಕುಡಿಯಲು ಅತಿ ಸೂಕ್ತವಾದ ಸಮಯ ಯಾವುದು?

ಈ ಮೂಲಕ ಜೀರ್ಣಾಂಗಗಳು ತಮ್ಮ ಪೂರ್ಣ ಕ್ಷಮತೆಯಲ್ಲಿ ಕಾರ್ಯ ನಿರ್ವಹಿಸಲು ಸಾಧ್ಯವಾಗುತ್ತದೆ. ಊಟದ ನಡು ನಡುವೆ ಕೊಂಚವೇ ನೀರನ್ನು ಗುಟುಕರಿಸುವುದೂ ಆರೋಗ್ಯಕರ. ಇದರಿಂದ ಜೀರ್ಣಾಂಗಗಳಿಗೆ ಅಗತ್ಯವಾದ ಜಾರುಕತೆಯನ್ನು ನೀಡಲು ಸಾಧ್ಯವಾಗುತ್ತದೆ. ಅಂದರೆ ಆಹಾರ ಸುಲಭವಾಗಿ ಜೀರ್ಣಾಂಗಗಳ ಒಳಗೆ ಚಲಿಸಲು ನೆರವಾಗುತ್ತದೆ. ಹಾಗೂ ಮಲಬದ್ಧತೆಯಾಗದೇ ಇರಲೂ ನೆರವಾಗುತ್ತದೆ. ಆದ್ದರಿಂದ, ಒಂದು ವೇಳೆ ಅರಿವಿಲ್ಲದೇ ಈ ಅಭ್ಯಾಸ ನಿಮ್ಮದಾಗಿದ್ದರೆ ತಕ್ಷಣವೇ ಇದನ್ನು ನಿಲ್ಲಿಸಿ ಉತ್ತಮ ಆರೋಗ್ಯ ಪಡೆಯುವತ್ತ ಬದಲಿಸಿಕೊಳ್ಳುವುದೇ ಜಾಣರ ಲಕ್ಷಣ. ಜಾಣರಾಗುವಿರಲ್ಲ?