ಅಂತರಾಷ್ಟ್ರೀಯ ಸ್ವಯಂ ಆರೈಕೆ ದಿನ: ಕೆಲಸದ ಒತ್ತಡ ಕಡಿಮೆ ಮಾಡಲು 12 ನಿಮಿಷದ ಈ ಸಿಂಪಲ್ ರೂಟೀನ್ ಫಾಲೋ ಮಾಡಿ!

ಈ ವರ್ಷ ಜುಲೈ 24 ರಂದು 'ಅಂತರಾಷ್ಟ್ರೀಯ ಸ್ವಯಂ ಆರೈಕೆ ದಿನ' (International Self-Care Day) ಆಚರಿಸಲಾಗುತ್ತಿದೆ. ಸದಾ ಕೆಲಸದ ಒತ್ತಡದಲ್ಲಿರುವ ಭಾರತೀಯ ಉದ್ಯೋಗಿಗಳಿಗೆ ತಮ್ಮ ಆರೋಗ್ಯದ ಕಡೆ ಗಮನ ಹರಿಸಲು ಇದು ಒಂದು ಉತ್ತಮ ಅವಕಾಶ. ಮಳೆಗಾಲದಲ್ಲಿ ಸತತವಾಗಿ ಕೆಲಸ ಮಾಡುವುದರಿಂದ ಮೈಕೈ ಬಿಗಿತ ಅಥವಾ ಜಡತ್ವ ಕಾಡುವುದು ಸಹಜ. ಕೇವಲ 12 ನಿಮಿಷಗಳ ಈ 'ಡೆಸ್ಕ್-ಸ್ಟ್ರೆಸ್ ರಿಸೆಟ್' ಮೂಲಕ ನೀವು ತಕ್ಷಣದ ಆರಾಮ ಪಡೆಯಬಹುದು. ಕುತ್ತಿಗೆ, ಬೆನ್ನುಮೂಳೆ ಮತ್ತು ಕಣ್ಣುಗಳ ಮೇಲೆ ಕೇಂದ್ರೀಕರಿಸುವ ಈ ವ್ಯಾಯಾಮಗಳು, ಮಳೆಗಾಲದ ದಿನಗಳಲ್ಲಿ ನಿಮ್ಮ ಏಕಾಗ್ರತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತವೆ.

ಮಳೆಗಾಲದ ತೇವಾಂಶದಿಂದಾಗಿ ಸ್ನಾಯುಗಳಲ್ಲಿ ಬಿಗಿತ ಮತ್ತು ಆಲಸ್ಯ ಉಂಟಾಗುವುದು ಸಾಮಾನ್ಯ. ಗಂಟೆಗಟ್ಟಲೆ ಒಂದೇ ಕಡೆ ಕುಳಿತು ಕೆಲಸ ಮಾಡುವುದು ಈ ಒತ್ತಡವನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಈ ಸಿಂಪಲ್ ಮಾರ್ನಿಂಗ್ ರೂಟೀನ್ ನಿಮ್ಮ ದೇಹದ ಮೇಲಿನ ಒತ್ತಡವನ್ನು ಕ್ಷಣಾರ್ಧದಲ್ಲಿ ಕಡಿಮೆ ಮಾಡುತ್ತದೆ. ಜಿಮ್‌ಗೆ ಹೋಗುವ ಅಗತ್ಯವಿಲ್ಲದೆಯೇ ರಕ್ತ ಪರಿಚಲನೆಯನ್ನು ಸುಧಾರಿಸಲು ಇದು ಸಹಕಾರಿ. ಮೀಟಿಂಗ್‌ಗಳ ನಡುವೆ ಸಿಗುವ ಅಲ್ಪ ಸಮಯದಲ್ಲಿ ನೀವು ಇದನ್ನು ಸುಲಭವಾಗಿ ಮಾಡಬಹುದು. ಇಂತಹ ಸಣ್ಣ ಅಭ್ಯಾಸಗಳು ನಿಮ್ಮ ಕೆಲಸದ ಸಾಮರ್ಥ್ಯವನ್ನು ಹೆಚ್ಚಿಸುತ್ತವೆ.

ಅಂತರಾಷ್ಟ್ರೀಯ ಸ್ವಯಂ ಆರೈಕೆ ದಿನ: ಕೆಲಸದ ನಡುವೆ ಒತ್ತಡ ಕಡಿಮೆ ಮಾಡಲು ಇಲ್ಲಿವೆ ಟಿಪ್ಸ್

ಮೊದಲು ಕುತ್ತಿಗೆ ಮತ್ತು ಭುಜದ ವ್ಯಾಯಾಮದಿಂದ ಆರಂಭಿಸಿ. ಭುಜಗಳನ್ನು ನಿಧಾನವಾಗಿ ತಿರುಗಿಸುವ ಮೂಲಕ ಬಿಗಿತವನ್ನು ಕಡಿಮೆ ಮಾಡಿ. ನಂತರ ಬೆನ್ನುಮೂಳೆ ಮತ್ತು ಸೊಂಟದ ಚಲನೆಯ ಕಡೆ ಗಮನ ಕೊಡಿ. ಕೊನೆಯಲ್ಲಿ ಪಾದ ಮತ್ತು ಕಾಲಿನ ಸ್ನಾಯುಗಳ ಸ್ಟ್ರೆಚಿಂಗ್ ಮಾಡಿ. ಹಿರಿಯರು ಸುರಕ್ಷತೆಗಾಗಿ ಸ್ಥಿರವಾದ ಕುರ್ಚಿಯನ್ನು ಬಳಸುವುದು ಉತ್ತಮ. ವ್ಯಾಯಾಮ ಮಾಡುವಾಗ ನೋವು ಕಾಣಿಸಿಕೊಂಡರೆ ತಕ್ಷಣ ನಿಲ್ಲಿಸಿ. ಸತತವಾಗಿ ಕುಳಿತು ಕೆಲಸ ಮಾಡುವುದರಿಂದ ಬರುವ ದೀರ್ಘಕಾಲದ ನೋವನ್ನು ತಡೆಯಲು ಈ ಚಲನೆಗಳು ಸಹಕಾರಿ.

ಕಣ್ಣಿನ ಆರೋಗ್ಯಕ್ಕಾಗಿ ಕೆಲವು ಪ್ರಮುಖ ಸಲಹೆಗಳು

ಇಂದಿನ ಡಿಜಿಟಲ್ ಯುಗದಲ್ಲಿ ಕಣ್ಣಿನ ಮೇಲಿನ ಒತ್ತಡವು ದೊಡ್ಡ ಆರೋಗ್ಯ ಸಮಸ್ಯೆಯಾಗಿ ಪರಿಣಮಿಸಿದೆ. ಇದಕ್ಕೆ ಪರಿಹಾರವಾಗಿ '20-20-20' ನಿಯಮ ಪಾಲಿಸಿ. ಪ್ರತಿ 20 ನಿಮಿಷಕ್ಕೊಮ್ಮೆ, 20 ಅಡಿ ದೂರದಲ್ಲಿರುವ ವಸ್ತುವನ್ನು 20 ಸೆಕೆಂಡುಗಳ ಕಾಲ ನೋಡಿ. ಕಣ್ಣುಗಳಿಗೆ ವಿಶ್ರಾಂತಿ ನೀಡಲು 'ಪಾಮಿಂಗ್' ಅಭ್ಯಾಸ ಮಾಡಿ. ತಕ್ಷಣದ ನೆಮ್ಮದಿಗಾಗಿ ಭ್ರಾಮರಿ ಅಥವಾ ಬಾಕ್ಸ್-ಬ್ರೀಥಿಂಗ್ ಪ್ರಯತ್ನಿಸಿ. ಇದು ಕೆಲಸದ ಒತ್ತಡದ ನಡುವೆ ನಿಮ್ಮ ಮನಸ್ಸನ್ನು ಶಾಂತಗೊಳಿಸಲು ಸಹಾಯ ಮಾಡುತ್ತದೆ.

ಮಳೆಗಾಲದ ಆರೋಗ್ಯದಲ್ಲಿ ಆಹಾರದ ಪಾತ್ರವೂ ಬಹಳ ಮುಖ್ಯ. ಸಕ್ಕರೆ ಅಂಶವಿರುವ ಚಹಾದ ಬದಲು ಶುಂಠಿ ಕಷಾಯ ಅಥವಾ ಹರ್ಬಲ್ ಟೀ ಬಳಸಿ. ಇವು ನಿಮ್ಮ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ. ದಿನವಿಡೀ ಸಾಕಷ್ಟು ನೀರು ಕುಡಿಯುವುದನ್ನು ಮರೆಯಬೇಡಿ. ನೀರು ಕುಡಿಯುವುದರಿಂದ ಕೀಲುಗಳ ಆರೋಗ್ಯ ಸುಧಾರಿಸುತ್ತದೆ. ಇಂತಹ ಉತ್ತಮ ಹವ್ಯಾಸಗಳು ನಿಮ್ಮ ಶಕ್ತಿಯನ್ನು ದಿನವಿಡೀ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತವೆ, ಇದರಿಂದ ನೀವು ಸದಾ ಚಟುವಟಿಕೆಯಿಂದ ಇರಬಹುದು.

ಸ್ವಯಂ ಆರೈಕೆಗಾಗಿ ನೀವು ಗಂಟೆಗಟ್ಟಲೆ ಸಮಯ ಮೀಸಲಿಡಬೇಕಿಲ್ಲ. ಕೇವಲ 12 ನಿಮಿಷಗಳ ಈ ರೂಟೀನ್ ನಿಮ್ಮ ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಸುಧಾರಿಸುತ್ತದೆ. ಪ್ರತಿದಿನ ಇದನ್ನು ಪಾಲಿಸುವುದರಿಂದ ದೀರ್ಘಕಾಲದವರೆಗೆ ಚಟುವಟಿಕೆಯಿಂದ ಮತ್ತು ಏಕಾಗ್ರತೆಯಿಂದ ಇರಲು ಸಾಧ್ಯವಾಗುತ್ತದೆ. ಈ ವಿಶೇಷ ದಿನದಂದು ನಿಮ್ಮ ಆರೋಗ್ಯಕ್ಕೆ ಮೊದಲ ಆದ್ಯತೆ ನೀಡಿ. ಇಂದಿನ ಸಣ್ಣ ಪ್ರಯತ್ನಗಳು ನಾಳೆಯ ಸುಖಮಯ ಜೀವನಕ್ಕೆ ದಾರಿಯಾಗಲಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.