ಕ್ಯಾನ್ಸರ್‌ನ್ನು ಮಟ್ಟ ಹಾಕುವ ತಾಕತ್ತು-'ಹಲಸಿನ ಹಣ್ಣಿನಲ್ಲಿದೆ'!

ಹಲಸಿನಲ್ಲಿದೆ ಫೈಟೋನ್ಯೂಟ್ರಿಯೆಂಟುಗಳು

ಫೈಟೋ ಅಂದರೆ ಕಾದಾಡುವ ನ್ಯೂಟ್ರಿಯಂಟು ಅಂದರೆ ಪೋಷಕಾಂಶಗಳು ಎಂಬ ಅರ್ಥ ಬರುತ್ತದೆ. ಅಂದರೆ ಹಲಸಿನಲ್ಲಿರುವ ಕೆಲವು ಪೋಷಕಾಂಶಗಳು ಕ್ಯಾನ್ಸರ್ ಗೆ ಕಾರಣವಾಗುವ ಫ್ರೀ ರ್‍ಯಾಡಿಕಲ್ ಎಂಬ ಕಣಗಳ ವಿರುದ್ದ ಹೋರಾಡಿ ಪ್ರಾರಂಭಿಕ ಹಂತದಲ್ಲಿರುವ ಕ್ಯಾನ್ಸರ್ ಪೀಡಿತ ಜೀವಕೋಶಗಳನ್ನು ದೇಹದ ರೋಗ ನಿರೋಧಕ ವ್ಯವಸ್ಥೆಯೇ ಹೊರದೂಡುವಂತೆ ಮಾಡುತ್ತದೆ. ಅಲ್ಲದೇ ಕರುಳಿನ ಒಳಗಣ ಹುಣ್ಣು ಮತ್ತು ಹೊಟ್ಟೆಯ ಹುಣ್ಣುಗಳನ್ನು ನಿವಾರಿಸಿ ಜೀರ್ಣಕ್ರಿಯೆಯನ್ನು ಉತ್ತಮಗೊಳಿಸುತ್ತದೆ. ತನ್ಮೂಲಕ ಒಟ್ಟಾರೆ ಆರೋಗ್ಯವನ್ನು ವೃದ್ಧಿಸುತ್ತದೆ.

ಹಲಸಿನಲ್ಲಿದೆ ಸ್ಯಾಪೋನಿನ್‌ಗಳು

ಈ ಪೋಷಕಾಂಶಗಳು ಕ್ಯಾನ್ಸರ್ ಕಣಗಳನ್ನು ಕೊಲ್ಲುವಷ್ಟು ಪ್ರಬಲವಾಗಿವೆ. ಇವು ಹೇಗೆ ಕೆಲಸ ಮಾಡುತ್ತವೆ ಎಂದರೆ ಈಗಾಗಲೇ ಬೆಳೆಯುತ್ತಿರುವ ಕ್ಯಾನ್ಸರ್ ಗಡ್ಡೆಯ ಹೊರಕವಚದ ಮೇಲೆ ಅಂಟಿಕೊಂಡು ಆ ಗಡ್ಡೆ ಇನ್ನಷ್ಟು ಬೆಳೆಯದಂತೆ ನೋಡಿಕೊಳ್ಳುತ್ತವೆ. ಇದೇ ಕಾರಣಕ್ಕೆ ಹಲಸಿನ ಹಣ್ಣನ್ನು ಕ್ಯಾನ್ಸರ್ ತಡೆಗಟ್ಟುವ ಅತ್ಯುತ್ತಮ ಸೇನಾನಿ ಎಂದು ಕರೆಯಬಹುದು.

ಇದರಲ್ಲಿವೆ ಉತ್ತಮ ಪ್ರಮಾಣದ ಲಿಗ್ನಾನ್ ಮತ್ತು ಐಸೋಫ್ಲೇವೋನ್‌ಗಳು

ಈ ಎರಡು ಪೋಷಕಾಂಶಗಳನ್ನು ಫೈಟೋ ಈಸ್ಟ್ರೋಜೆನ್ ಅಥವಾ ಕಾದಾಡುವ ಶಕ್ತಿಯುಳ್ಳ ಈಸ್ಟ್ರೋಜೆನ್ ಎಂದು ಕರೆಯಬಹುದು. ಇವುಗಳ ಇರುವಿಕೆಯಿಂದ ವಿಶೇಷವಾಗಿ ಮಹಿಳೆಯರ ದೇಹದಲ್ಲಿ ಗರ್ಭಾಶಯದ, ಗರ್ಭಕಂಠ ಹಾಗೂ ಅಂಡಾಶಯದ ಕ್ಯಾನ್ಸರ್ ಆವರಿಸುವ ಸಾಧ್ಯತೆ ಅಪಾರವಾಗಿ ಕಡಿಮೆಯಾಗುತ್ತದೆ. ಆದ್ದರಿಂದ ಹಲಸಿನ ಹಣ್ಣನ್ನು ಹೆಚ್ಚು ಹೆಚ್ಚಾಗಿ ಸೇವಿಸಿರುವವರ ದೇಹದಲ್ಲಿ ಈ ಕ್ಯಾನ್ಸರ್ ಗಳು ಆವರಿಸುವ ಸಾಧ್ಯತೆ ಕಡಿಮೆ.

ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ

ಹಲಸಿನ ಹಣ್ಣಿನಲ್ಲಿ ವಿಟಮಿನ್ ಸಿ ಉತ್ತಮ ಪ್ರಮಾಣದಲ್ಲಿದೆ. ಅಲ್ಲದೇ ಇದರಲ್ಲಿರುವ ಸಕ್ಕರೆಯೂ ಸರಳವಾಗಿದ್ದು ಸುಲಭವಾಗಿ ಜೀರ್ಣವಾಗುತ್ತದೆ. ಪರಿಣಾಮವಾಗಿ ರೋಗ ನಿರೋಧಕ ಶಕ್ತಿ ಹೆಚ್ಚುತ್ತದೆ. ಅಲ್ಲದೇ ಇದರಲ್ಲಿರುವ ಪಾಲಿಸ್ಯಾಖರೈಡ್ಸ್ ಗಳು phagocytic ಅಥವಾ ಭಕ್ಷಿಸಿ ನಾಶಮಾಡುವ ಜೀವಕೋಶಗಳ ಕ್ಷಮತೆಯನ್ನು ಉಡುಗಿಸಿ ರೋಗ ನಿರೋಧಕ ಶಕ್ತಿಯನ್ನು ಇನ್ನಷ್ಟು ಹೆಚ್ಚಿಸುತ್ತವೆ.

ಹಲಸಿನ ಹಣ್ಣು ಇನ್ನೂ ಯಾವ ರೀತಿಯಾಗಿ ಆರೋಗ್ಯಕರ?

ಜೀರ್ಣಶಕ್ತಿ ಹೆಚ್ಚಿಸಲು: ಜೀರ್ಣಶಕ್ತಿಯನ್ನು ಹೆಚ್ಚಿಸುವ ವಿಷಯ ಬಂದಾಗ ಜೀರ್ಣಕ್ರಿಯೆಯನ್ನು ಚುರುಕುಗೊಳಿಸಲು ಹಲಸಿನ ಹಣ್ಣು ಅತ್ಯುತ್ತಮವಾಗಿದೆ. ತನ್ಮೂಲಕ ಇದು ಕರುಳಿನ ಕ್ಯಾನ್ಸರ್ ಬರುವ ಸಾಧ್ಯತೆಯನ್ನು ಕಡಿಮೆಗೊಳಿಸುತ್ತದೆ.

ಹಲಸಿನ ಹಣ್ಣು ಇನ್ನೂ ಯಾವ ರೀತಿಯಾಗಿ ಆರೋಗ್ಯಕರ?

ತೂಕ ಇಳಿಸಲು ನೆರವಾಗುತ್ತದೆ ಒಂದುಕಪ್ ಹಲಸಿನ ತೊಳೆಯಲ್ಲಿ ಕೇವಲ 155 ಕ್ಯಾಲೋರಿಗಳಿದ್ದು ಇದು ಹೊಟ್ಟೆಯನ್ನು ತುಂಬಿಸುವ ಜೊತೆಗೇ ತೂಕ ಹೆಚ್ಚದಿರುವಂತೆ ನೋಡಿಕೊಳ್ಳುತ್ತದೆ.

ಕರಗದ ನಾರು

ಒಂದು ಕಪ್ ನಷ್ಟು ಹಲಸಿನ ತೊಳೆಗಳಲ್ಲಿ 11% ಕ್ಕೂ ಹೆಚ್ಚು ಪ್ರಮಾಣದ ನಿತ್ಯದ ಅಗತ್ಯದ ಕರಗದ ನಾರನ್ನು ಪಡೆಯಬಹುದು.

ಖನಿಜಗಳು

ಇದರಲ್ಲಿ ಪೊಟ್ಯಾಶಿಯಂ, ಸತು, ಮೆಗ್ನೀಶಿಯಂ, ಕಬ್ಬಿಣ, ಕ್ಯಾಲ್ಸಿಯಂ, ಮ್ಯಾಂಗನೀಸ್, ತಾಮ್ರ, ಸೆಲೆನಿಯಂ ಹಾಗೂ ಗಂಧಕಗಳು ಉತ್ತಮ ಪ್ರಮಾಣದಲ್ಲಿವೆ.

ವಿಟಮಿನ್ನುಗಳು

ಹಲಸಿನ ಹಣ್ಣಿನಲ್ಲಿ ವಿಟಮಿನ್ ಎ, ಸಿ, ಫೋಲೇಟ್, ನಿಯಾಸಿನ್, ಥಿಯಾಮೈನ್ ಮತ್ತು ರೈಬೋಫ್ಲೇವಿನ್ ನಂತಹ ಪೋಷಕಾಂಶಗಳಿದ್ದು ಹಲವು ರೀತಿಯಲ್ಲಿ ಆರೋಗ್ಯವನ್ನು ವೃದ್ಧಿಸುತ್ತವೆ. ಹಲಸಿನ ಹಣ್ಣಿನ ಸಿರಾ ಅಥವಾ ಕೇಸರಿ ಭಾತ್