ಮುಟ್ಟಿನ ಹೊಟ್ಟೆ ನೋವನ್ನು ನಿಯಂತ್ರಿಸಲು 'ನೈಸರ್ಗಿಕ ಜ್ಯೂಸ್'

ರಜೋನಿವೃತ್ತಿ ಪಡೆಯುವವರೆಗೂ ಪ್ರತಿತಿಂಗಳೂ ಮಹಿಳೆಯರು ಮಾಸಿಕ ದಿನಗಳ ನೋವನ್ನು ತಾಳಿಕೊಳ್ಳುವುದು ಅನಿವಾರ್ಯ. ಕೆಲವೊಮ್ಮೆ ಈ ನೋವು (ಋತುಚಕ್ರ ಅಥವಾ ಮುಟ್ಟಿನ ಹೊಟ್ಟೆ ನೋವು) ಹೆಚ್ಚು ಕಾಲ ಕಾಡುತ್ತದೆ. ಈ ನೋವು ಹೆಚ್ಚು ಕಾಲ ಇದ್ದರೆ ಇದರ ಪರಿಹಾರಕ್ಕಾಗಿ ಸಮರ್ಥವಾದ ಪೇಯವೊಂದಿದೆ. ನೋವು ಬರುವುದು ಅನಿವಾರ್ಯವಾದರೂ ಇದರ ಪ್ರಮಾಣವನ್ನು ಕಡಿಮೆ ಮಾಡಿಕೊಳ್ಳಲು ಹಾಗೂ ಅವಧಿಯನ್ನು ಸಹಾ ಕಡಿಮೆ ಮಾಡಿಕೊಳ್ಳಬಹುದು.

ಹೆಚ್ಚಿನ ಮಹಿಳೆಯರು ಈ ಅವಧಿಯಲ್ಲಿ ದೈಹಿಕವಾಗಿಯೂ ಮಾನಸಿಕವಾಗಿಯೂ ಪ್ರಕ್ಷುಬ್ಧತೆಯನ್ನು ಅನುಭವಿಸುತ್ತಾರೆ. ಈ ನೋವು ಮತ್ತು ಮಾನಸಿಕ ತೊಳಲಾಟ ಪ್ರತಿ ಮಹಿಳೆಯಲ್ಲಿಯೂ ಬೇರೆ ಬೇರೆ ತೆರನಾಗಿರುತ್ತದೆ. ಅದರಲ್ಲೂ ಸ್ರಾವವನ್ನು ಸುಲಭಗೊಳಿಸಲು ಗರ್ಭಕೋಶದ ಸ್ನಾಯುಗಳು ಸಂಕುಚಿತಗೊಂಡಾಗ ಹೆಚ್ಚಿನ ನೋವು ಕಾಡುತ್ತದೆ. ಅಚ್ಚರಿ, ಕುತೂಹಲ ಕೆರಳಿಸುವ ಮುಟ್ಟಿನ ರಹಸ್ಯ!

ಎಷ್ಟೋ ಸಲ ಈ ನೋವನ್ನು ತಡೆಯಲಾರದೇ ಮಹಿಳೆಯರು ನೋವು ನಿವಾರಕ ಮಾತ್ರೆಗಳಿಗೆ ಶರಣಾಗುತ್ತಾರೆ. ಆದರೆ ಈ ಗುಳಿಗೆಗಳು ತಕ್ಷಣಕ್ಕೆ ಶಮನ ನೀಡಿದರೂ ದೀರ್ಘಕಾಲಿಕವಾಗಿ ಹಾನಿಯನ್ನೇ ಎಸಗುತ್ತವೆ. ಬನ್ನಿ, ಈ ತೊಂದರೆಯಿಂದ ಪಾರಾಗಲು ನಿಸರ್ಗ ನೀಡಿರುವ ಈ ಸಾಮಗ್ರಿಗಳನ್ನು ಬಳಸಿ ನೋಡಿ.... ಅನಿಯಮಿತ ಮುಟ್ಟಿನ ಸಮಸ್ಯೆಗಳನ್ನು ನಿವಾರಿಸುವುದು ಹೇಗೆ?

ಅಗತ್ಯವಿರುವ ಸಾಮಾಗ್ರಿಗಳು
*ಲಿಂಬೆರಸ: ಅರ್ಧ ಲೋಟ
*ತುಳಸಿ ಎಲೆಗಳು - ಸುಮಾರು ನಾಲ್ಕು (ಜಜ್ಜಿದ್ದು)
*ದಾಲ್ಚಿನ್ನಿ ಪುಡಿ (Cinnamon Powder) - 1 ಚಿಕ್ಕಚಮಚ

ತಯಾರಿಕಾ ವಿಧಾನ:
*ಒಂದು ಲೋಟದಲ್ಲಿ ಮೇಲಿನ ಎಲ್ಲ ಪರಿಕರಗಳನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿ
*ಮಾಸಿಕ ದಿನಗಳಲ್ಲಿ ನೋವಿರುವ ಸಮಯದಲ್ಲಿ ಈ ಪೇಯವನ್ನು ಗಟಗಟನೇ ಕುಡಿದುಬಿಡಿ.
*ನೋವಿರುವ ದಿನಗಳಲ್ಲಿ ದಿನಕ್ಕೆರಡು ಬಾರಿ ಹಾಗೂ ಇತರ ದಿನಗಳಲ್ಲಿ ದಿನಕ್ಕೊಂದು ಬಾರಿ ಕುಡಿಯಿರಿ. ಸತತವಾಗಿ ಎರಡು ತಿಂಗಳು ಕುಡಿದರೆ ಮುಂದಿನ ದಿನಗಳಲ್ಲಿ ಮಾಸಿಕ ದಿನಗಳಲ್ಲಿ ಕಾಡುವ ಆ ಮುಟ್ಟಿನ ಹೊಟ್ಟೆ ನೋವು ಕಡಿಮೆಯಾಗಿರುವುದು ಗಮನಕ್ಕೆ ಬರುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.