ಮಲಗುವ ಭಂಗಿ ಬದಲಿಸಿಕೊಂಡರೆ ಎಲ್ಲಾ ಬಗೆಯ ನೋವು ಶಮನವಾಗುವುದು!

ಎದೆಯುರಿ

ಎದೆಯುರಿಯು ಮಲಗುವಾಗ ಹೆಚ್ಚು ಕಿರಿಕಿರಿಯನ್ನುಂಟುಮಾಡುತ್ತದೆ. ಇಂತಹ ಸಮಸ್ಯೆ ಇರುವವರು ಆದಷ್ಟು ಎಡ ಮಗ್ಗುಲಲ್ಲಿ ಮಲಗಬೇಕು. ರಕ್ತ ಸಂಚಾರವು ಸುಗಮವಾಗಿ ಆಗುವುದು. ಎದೆಯುರಿಯ ಪ್ರಮಾಣ ತಗ್ಗುವುದು.

ಜೀರ್ಣಕ್ರಿಯೆಗೆ ತೊಂದರೆ

ನಿಮಗೆ ಇಷ್ಟ ಬಂದ ಹಾಗೆ ಮಲಗಿಕೊಂಡರೆ ಜೀರ್ಣ ಕ್ರಿಯೆಯಲ್ಲಿ ತೊಂದರೆ ಉಂಟಾಗುವುದು. ಉತ್ತಮ ಜೀರ್ಣಕ್ರಿಯೆಗೆ ಆದಷ್ಟು ಎಡ ಭಾಗದಲ್ಲಿ ಮಲಗಬೇಕು.

ಜೀರ್ಣಕ್ರಿಯೆಗೆ ತೊಂದರೆ

ದೊಡ್ಡ ಗಾತ್ರದ ತಲೆದಿಂಬು, ಅಡ್ಡ ದಿಡ್ಡಿಯಾದ ಹಾಸಿಗೆ ಹಾಗೂ ಅನುಚಿತವಲ್ಲದ ರೀತಿಯ ಭಂಗಿಯಲ್ಲಿ ಮಲಗುವುದರಿಂದ ಕುತ್ತಿಗೆ ನೋವು ಉಂಟಾಗುವುದು. ಮಲಗುವಾಗ ಕುತ್ತಿಗೆಯ ಕೆಳ ಭಾಗದಲ್ಲಿ ಒಂದು ಟವೆಲ್‍ನ ಸುರಳಿಯನ್ನು ಇಟ್ಟುಕೊಂಡು ಮಲಗಿ. ಇದು ಕುತ್ತಿಗೆಗೆ ಆಧಾರವಾಗಿ ಸಹಾಯ ಮಾಡುತ್ತದೆ.

ಪಿಎಮ್‍ಎಸ್ ನೋವು

ನಿಮ್ಮ ಅಭ್ಯಾಸದ ರೀತಿಯಲ್ಲಿ ಮಲಗಿದರೆ ಪಿಎಮ್‍ಎಸ್ ನೋವು ಕಾಣಿಸಿಕೊಳ್ಳುತ್ತದೆ ಎಂದಾದರೆ ಮೊಣಕಾಲಿನ ಕೆಳಗೆ ಒಂದು ಮೆತ್ತನೆಯ ದಿಂಬನ್ನು ಇರಿಸಿ ಮಲಗಿ. ಇದು ಮೊಣಕಾಲು ನೋವನ್ನು ನಿವಾರಣೆ ಮಾಡಲು ಸಹಾಯ ಮಾಡುತ್ತದೆ. ಪಿಎಮ್‍ಎಸ್ ನೋವಿಗೆ ಸೂಕ್ತ ಪರಿಹಾರ ನೀಡಿ ಉತ್ತಮ ನಿದ್ರೆ ಬರುವಂತೆ ಮಾಡುತ್ತದೆ.

ಅಧಿಕ ರಕ್ತದೊತ್ತಡ

ಮುಖದ ಮೇಲೆ ಮಲಗುವ ಭಂಗಿಯಲ್ಲಿ ಮಲಗಿದರೆ ಅಧಿಕ ರಕ್ತದೊತ್ತಡದ ಸಮಸ್ಯೆ ಬಗೆ ಹರಿಯುವುದು. ಜೊತೆಗೆ ಒಳ್ಳೆಯ ನಿದ್ರೆ ನಿಮ್ಮದಾಗುವುದು

ಸೈನಸ್ ಸೋಂಕು

ಸೈನಸ್ ತೊಂದರೆ ಇರುವವರು ನಿದ್ರಿಸುವಾಗ ಹೆಚ್ಚು ಸಮಸ್ಯೆ ಉಂಟಾಗುವುದು. ಇವರು ಎತ್ತರದ ತಲೆದಿಂಬನ್ನು ಬಳಸುವುದರಿಂದ ಸಮಸ್ಯೆಯಿಂದ ಕೊಂಚ ನಿರಾಳತೆ ಪಡೆಯಬಹುದು. ಉತ್ತಮ ನಿದ್ರೆಯನ್ನು ಮಾಡಬಹುದು.

ತಲೆ ನೋವು

ಮಲಗುವ ರೀತಿಯಿಂದ ತಲೆ ನೋವನ್ನು ನಿವಾರಿಸಿಕೊಳ್ಳಬಹುದು. ಕುತ್ತಿಗೆಯನ್ನು ಹೆಚ್ಚು ತಿರುಚಿದಂತೆ ಮಾಡಿಕೊಂಡು ಮಲಗಿದರೆ ತಲೆ ನೋವು ಉಂಟಾಗುವುದು. ತಲೆಯನ್ನು ದಿಂಬುಗಳಿಂದ ಸುತ್ತುವರಿಯುವಂತೆ ಮಾಡಿಕೊಂಡು ಮಲಗಿದರೆ. ತಲೆಯನ್ನು ಹೆಚ್ಚು ತಿರುಗಿಸಲು ಸಾಧ್ಯವಿಲ್ಲ. ತಲೆ ನೋವು ಕಡಿಮೆಯಾಗುವುದು.

ಬೆನ್ನು ನೋವು

ಬೆನ್ನಿನ ಕೆಳಗೊಂದು ಮೆತ್ತನೆಯ ದಿಂಬು, ಮೊಣಕಾಲಿನ ಕೆಳಗೊಂದು ದಿಂಬು ಹಾಗೂ ಸೊಂಟಕ್ಕೆ ಒಂದು ಟವೆಲ್ ಸುತ್ತಿಕೊಂಡು ಮಲಗುವುದರಿಂದ ಬೆನ್ನು ನೋವು ನಿವಾರಣೆಯಾಗುವುದು. ಸುಂದರ ನಿದ್ರೆಯು ಬರುವುದು.

ಭುಜದ ನೋವು

ಭುಜದ ನೋವು ಇರುವವರು ಕಾಲನ್ನು ಸ್ವಲ್ಪ ಭಾಗಿಸಿಕೊಂಡು, ಕಾಲಿನ ಸಂಧಿಯಲ್ಲೊಂದು ದಿಂಬು ಹಾಗೂ ಎದೆ ಭಾಗದಲ್ಲೊಂದು ದಿಂಬನ್ನು ಇಟ್ಟುಕೊಂಡು ಮಲಗಬೇಕು. ನೋವಿರುವ ಭುಜದ ಬದಿಯಲ್ಲಿ ಮಲಗಬಾರದು.