ಮಹಿಳೆಯರೇ, ನಿತ್ಯ ಮಾಡುವ ಈ ತಪ್ಪುಗಳು ನಿಮ್ಮ ಆರೋಗ್ಯ ಕೆಡಿಸುವುದು!

ಸ್ಪ್ರೇ ಬಳಕೆ

ನೀರು ಮತ್ತು ವೆನಿಗರ್‍ಗಳಿಂದ ಮಿಶ್ರಿತಗೊಂಡ ಸುಗಂಧಗಳನ್ನು ಯೋನಿಗೆ ಸ್ಪ್ರೇ ಮಾಡಿಕೊಳ್ಳುವುದು ಒಂದು ತಪ್ಪು ಹವ್ಯಾಸ. ಹಾನಿಕಾರಕ ಸುಗಂಧ ದ್ರವ್ಯ ಯೋನಿಯ ಆರೋಗ್ಯವನ್ನು ಹಾಳುಮಾಡುತ್ತದೆ ಅಲ್ಲದೆ ಸೋಂಕಿಗೆ ಕಾರಣವಾಗುವುದು. ಸ್ಪ್ರೇ ಮಾಡುವುದು ಅಥವಾ ಬಿರುಸಾದ ನೀರಿನಲ್ಲಿ ಸ್ವಚ್ಛಗೊಳಿಸುವ ಕ್ರಿಯೆ ಯೋನಿಯ ಪಿಎಚ್ ಮಟ್ಟಕ್ಕೆ ತೊಂದರೆಯನ್ನುಂಟುಮಾಡುವುದು. ಮಹಿಳೆಯರು ಆದಷ್ಟು ಸ್ವಚ್ಛ ನೀರುಗಳಿಂದ ನಿಧಾನವಾಗಿ ಶುದ್ಧಗೊಳಿಸುವುದು ಮತ್ತು ಸ್ಪ್ರೇ ಹವ್ಯಾಸದಿಂದ ದೂರ ಉಳಿಯುವುದು ಸೂಕ್ತ.

ಸ್ಟೀಮ್/ಶಾಖ ತೆಗೆದುಕೊಳ್ಳುವುದು

ಉರಿಯೂತ, ನವೆ ಹಾಗೂ ಇನ್ನಿತರ ಚಿಕ್ಕ-ಪುಟ್ಟ ಸಮಸ್ಯೆಗಳುಂಟಾದಾಗ ಶಾಖವನ್ನು ತೆಗೆದುಕೊಂಡರೆ ಬಹುಬೇಗ ಸಮಸ್ಯೆ ನಿವಾರಣೆ ಹೊಂದುತ್ತದೆ. ಆದರೆ ಈ ಪ್ರಕ್ರಿಯೆಯಿಂದ ಗಾಳಿ ಗುಳ್ಳೆ, ಗುದನಾಳದ ಸಮಸ್ಯೆ ಹಾಗೂ ಯೋನಿಯ ನೈಸರ್ಗಿಕ ಬ್ಯಾಕ್ಟೀರಿಯಗಳ ನಾಶಕ್ಕೆ ಕಾರಣವಾಗುವುದು.

ಚುಚ್ಚುವಿಕೆ

ಕೆಲವರು ಯೋನಿಯನ್ನು ಚುಚ್ಚಿಸಿಕೊಳ್ಳುವ ಕೆಟ್ಟ ಹವ್ಯಾಸವನ್ನು ಬೆಳೆಸಿಕೊಂಡಿರುತ್ತಾರೆ. ಇದು ತೀವ್ರವಾದ ನೋವು, ಚರ್ಮದ ಕೆರಳಿಕೆ ಮತ್ತು ಸೋಂಕಿಗೆ ಕಾರಣವಾಗುತ್ತದೆ. ಈ ಕ್ರಿಯೆಯಿಂದ ಎಸ್‍ಟಿಡಿ, ಏಡ್ಸ್, ಹೆಪಟೈಟಿಸ್ ಬಿ ಮತ್ತು ಸಿಗಳ ಅಪಾಯವನ್ನು ಹೆಚ್ಚಿಸುವುದು. ಹಾಗಾಗಿ ಇದನ್ನು ಯೋನಿಗಳಿಗೆ ಅಪಾಯವನ್ನುಂಟುಮಾಡುವ ಪ್ರಕ್ರಿಯೆಯಲ್ಲಿ ಒಂದು ಎಂದು ಪರಿಗಣಿಸಲಾಗಿದೆ.

ಬಿಗಿಯಾದ ಒಳುಡುಪು

ನಿತ್ಯವು ಅತಿಯಾದ ಬಿಗಿತವಾದ ಒಳ ಉಡುಪನ್ನು ಧರಿಸಬಾರದು. ಈ ರೀತಿಯ ಒಳ ಉಡುಪುಗಳಿಂದ ಸೆಳೆತ, ನೋವು ಹಾಗೂ ಯೀಸ್ಟ್ ಸೋಂಕಿನ ಅಪಾಯವನ್ನು ಹೆಚ್ಚಿಸುತ್ತದೆ. ಇವು ಯೋನಿ ಪ್ರದೇಶದಲ್ಲಿ ಉಷ್ಣ ಮತ್ತು ತೇವಾಂಶವನ್ನು ಅನುಮತಿಸುತ್ತವೆ. ಯೋನಿಗೆ ಅಪಾಯವನ್ನುಂಟುಮಾಡುವ ದೈನಂದಿನ ಪದ್ಧತಿಯಲ್ಲಿ ಇದೂ ಒಂದು ಎಂದು ಹೇಳಬಹುದು.

ಪುಬಿಕ್ ಹೇರ್

ಪುಬಿಕ್ ಕೂದಲು/ಬೇಡದ ಕೂದಲನ್ನು ತೆಗೆಯುವಾಗ ಹೆಚ್ಚು ಜಾಗರೂಕತೆಯಲ್ಲಿ ಇರಬೇಕು. ಸೂಕ್ಷ್ಮ ಪ್ರದೇಶವಾದ್ದರಿಂದ ಅಹಿತಕರ ಮತ್ತು ಕಿರಿಕಿರಿಯ ಅನುಭವ ಉಂಟಾಗುವುದು. ಪುಬಿಕ್ ಕೂದಲು ಯೋನಿಯಿಂದ ತೇವಾಂಶವನ್ನು ಹೀರಿಕೊಂಡು ಸೋಂಕನ್ನು ತಡೆಗಟ್ಟುತ್ತವೆ. ಇವುಗಳನ್ನು ಸಂಪೂರ್ಣವಾಗಿ ತೆಗೆಯುವ ಬದಲು ಸ್ವಲ್ಪ ಹಾಗೆಯೇ ಇರುವಂತೆ ಕತ್ತರಿಸಬೇಕು.

ಸುವಾಸಿತ ಸೋಪ್‍ಗಳ ಬಳಕೆ

ಸಾಮಾನ್ಯವಾಗಿ ಮಹಿಳೆಯರು ಹೆಚ್ಚು ಸುವಾಸನೆಯಿಂದ ಕೂಡಿರುವ ಸೋಪ್‍ಗಳನ್ನು ಬಳಸುತ್ತಾರೆ. ಈ ಸೋಪ್‍ಗಳು ಖಾಸಗಿ ಪ್ರದೇಶವನ್ನು ಸ್ವಚ್ಛಗೊಳಿಸಲು ಅಷ್ಟು ಸೂಕ್ತವಲ್ಲ ಎನ್ನುವುದನ್ನು ತಿಳಿಯಬೇಕು. ಯೋನಿ ಪ್ರದೇಶದಲ್ಲಿ ಡಿಯೋಡ್ರೆಂಟ್ ಮತ್ತು ಸುಗಂಧ ಭರಿತ ಸೋಪ್‍ಗಳ ಬಳಕೆ ಮಾಡಿದರೆ ಅವು ಯೋನಿಗೆ ಹಾನಿಯನ್ನುಂಟುಮಾಡುತ್ತವೆ.

ಮುಟ್ಟಿನ ಸಮಯ

ತಿಂಗಳ ಮುಟ್ಟಿನ ಸಮಯದಲ್ಲಿ ಹೆಚ್ಚು ಕಾಳಜಿ ಹಾಗೂ ಸ್ವಚ್ಛತೆಯ ಅಗತ್ಯವಿರುತ್ತದೆ. ಪ್ಯಾಡ್‍ಗಳನ್ನು ಅಧಿಕ ಸಮಯದವರೆಗೆ ಇರಿಸಿಕೊಳ್ಳುವುದು ಅಥವಾ ಬದಲಾಯಿಸದೇ ಇರುವುದರಿಂದ, ಅಪಾಯಕಾರಿ ಸೋಂಕು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಇದು ಯೋನಿಯ ಮೇಲೆ ಕೆಟ್ಟ ಪರಿಣಾಮವನ್ನುಂಟುಮಾಡುವುದು.