ಕೇಸರಿ ಹಾಲಿನಲ್ಲಿರುವ ಹತ್ತು ಮಹಾನ್ ಶಕ್ತಿಗಳು

Posted By: Divya
Subscribe to Boldsky

ಪ್ರಾಚೀನ ಗ್ರೀಕ್ ಕಾಲದಿಂದಲೂ ಬಳಕೆಯಲ್ಲಿರುವ ಅತ್ಯುತ್ತಮವಾದ ಮಸಾಲಾ ಪದಾರ್ಥಗಳಲ್ಲಿ ಕೇಸರಿಯೂ ಒಂದು. ಇದು ವಿಟಮಿನ್ ಸಿ, ಮ್ಯಾಂಗನೀಸ್, ಹಾಗೂ ಕ್ರೋಸಿನ್ ಎಂಬ ಸಂಯುಕ್ತಗಳಿಂದ ಶ್ರೀಮಂತ ಔಷಧೀಯ ಗುಣಗಳನ್ನು ಒಳಗೊಂಡಿದೆ. ಕ್ರೋಕಸ್ ಸ್ಯಾಟಿವಸ್ ಹೂವಿನಿಂದ ಇದನ್ನು ಪಡೆದುಕೊಳ್ಳಲಾಗುತ್ತದೆ. ಜಗತ್ತಿನಾದ್ಯಂತ ಇದರ ಬೇಡಿಕೆಯೂ ಅಪಾರವಾಗಿದೆ. ಇದು ಸಾಮಾನ್ಯವಾಗಿ ಹಳದಿ ಮತ್ತು ಕೆನ್ನೀಲಿ ಬಣ್ಣದಲ್ಲಿರುತ್ತದೆ.

ಕೇಸರಿಯ ಪ್ರತಿಯೊಂದು ಎಳೆ/ಎಸಳು ಉತ್ತಮ ಶಕ್ತಿ ಹಾಗೂ ಆರೋಗ್ಯಕರ ಅಂಶವನ್ನು ಒಳಗೊಂಡಿರುತ್ತವೆ. ಆಹಾರ ಪದಾರ್ಥಗಳ ಶ್ರೀಮಂತಿಕೆಯನ್ನು ಹೆಚ್ಚಿಸಲು ಇದನ್ನು ಬಳಸುವುದು ಸಾಮಾನ್ಯ. ಕೆಲವು ಸಿಹಿ ತಿಂಡಿಗಳ ತಯಾರಿಕೆಯಲ್ಲೂ ಇದನ್ನು ಸಮೃದ್ಧವಾಗಿ ಬಳಸಲಾಗುತ್ತದೆ. ಹಾಗಾಗಿಯೇ ವೈದ್ಯರು ಗರ್ಭಿಣಿಯರಿಗೆ ಇದನ್ನು ಹಾಲಿನೊಂದಿಗೆ ಸೇರಿಸಿ ಸೇವಿಸಲು ಸಲಹೆ ನೀಡುತ್ತಾರೆ.

ಕೇಸರಿಯ ಹಾಲು ಗರ್ಭಿಣಿಯರು ಕುಡಿಯಬಹುದೇ?

ಇದು ಹಾಲಿನೊಂದಿಗೆ ಬೆರೆತಾಗ ಆರೋಗ್ಯಕರ ಶಕ್ತಿಯು ದ್ವಿಗುಣವಾಗುತ್ತದೆ ಎನ್ನಲಾಗುವುದು. ಆಗಲೇ ತನ್ನ ದೇಹ ರಚನೆಯನ್ನು ಪಡೆದುಕೊಳ್ಳಲು ಪ್ರಾರಂಭಿಸಿರುವ ಮಗುವು ಉತ್ತಮ ಆರೋಗ್ಯ ಹಾಗೂ ಬೆಳವಣಿಗೆಯನ್ನು ಕೇಸರಿಯೆಳೆಯಿಂದ ಪಡೆದುಕೊಳ್ಳುತ್ತದೆ ಎನ್ನುವರು. ಕೇಸರಿ ಹಾಲನ್ನು ಕೇವಲ ಗರ್ಭಿಣಿಯರು ಮಾತ್ರ ಸೇವಿಸಬೇಕೆಂದಿಲ್ಲ. ಎಲ್ಲರೂ ಸೇವಿಸಬಹುದು.

ಚರ್ಮಕ್ಕೆ ಹಾಲು ಮತ್ತು ಕೇಸರಿ ಬಳಸಿ ಅದ್ಭುತ ನೋಡಿ!

ರಾಜರ ಕಾಲದಲ್ಲಿ ಕೇಸರಿ ಹಾಲನ್ನು ನಿತ್ಯವೂ ಸೇವಿಸುತ್ತಿದ್ದರು. ಆ ಕಾಲದಿಂದ ಇಂದಿನವರೆಗೂ ಕೇಸರಿ ಹಾಲನ್ನು ಆಯುರ್ವೇದದಲ್ಲಿ ಅತ್ಯುತ್ತಮ ರೋಗ ನಿರೋಧಕ ಔಷಧ ಎಂದು ಪರಿಗಣಿಸಲಾಗುತ್ತದೆ. ಈ ವಿಚಾರ ನಿಮಗೂ ಆಶ್ಚರ್ಯ ಹಾಗೂ ಕುತೂಹಲವನ್ನು ಕೆರಳಿಸುತ್ತಿದೆ ಎಂದಾದರೆ ಈ ಮುಂದೆ ನೀಡಿರುವ ವಿವರಣೆಯನ್ನು ಪರಿಶೀಲಿಸಿ....

ನಿದ್ರಾಹೀನತೆಗೆ ತಡೆಯುವುದು

ನಿದ್ರಾಹೀನತೆಗೆ ತಡೆಯುವುದು

ಕೇಸರಿ ಹಾಲಿನಲ್ಲಿ ಮ್ಯಾಂಗನೀಸ್ ಸಮೃದ್ಧವಾಗಿದೆ. ಇದನ್ನು ಸೇವಿಸುವುದರಿಂದ ಮನಸ್ಸು ವಿಶ್ರಾಂತಿ ಪಡೆದು ಉತ್ತಮ ನಿದ್ರೆಗೆ ಜಾರುವಂತೆ ಪ್ರಚೋದನೆ ಉಂಟಾಗುತ್ತದೆ. ಹಾಗಾಗಿಯೇ ಇದನ್ನು ಸೌಮ್ಯವಾದ ನಿದ್ರಾಜನಕ ಎಂತಲೂ ಕರೆಯುತ್ತಾರೆ.

ಕೇಸರಿ ಹಾಲು ತಯಾರಿಯ ವಿಧಾನ

ಕೇಸರಿ ಹಾಲು ತಯಾರಿಯ ವಿಧಾನ

ಒಂದು ಕಪ್ ಬೆಚ್ಚಗಿನ ಹಾಲಿನಲ್ಲಿ 2-3 ಕೇಸರಿ ಎಳೆಯನ್ನು ನೆನೆಸಿಡಿ. ಮಲಗುವ ಮುನ್ನ ಇದಕ್ಕೆ 1 ಟೀ ಚಮಚ ತಾಜಾ ಜೇನುತುಪ್ಪವನ್ನು ಸೇರಿಸಿ, ಕುಡಿಯಿರಿ. ಬಹುಬೇಗ ಉತ್ತಮ ನಿದ್ರೆಯನ್ನು ಹೊಂದಬಹುದು.

ನೆನಪಿನ ಶಕ್ತಿಯನ್ನು ಸುಧಾರಿಸುವುದು

ನೆನಪಿನ ಶಕ್ತಿಯನ್ನು ಸುಧಾರಿಸುವುದು

ಕ್ರೋಸಿನ್ ಎಂಬ ಶ್ರೀಮಂತ ಸಂಯುಕ್ತದಿಂದಾಗಿ, ಕೇಸರಿ ಏಕಾಗ್ರತೆ ಮತ್ತು ಸ್ಮರಣ ಶಕ್ತಿ ಸುಧಾರಣೆಗೆ ಹೆಸರುವಾಸಿಯಾಗಿದೆ. ಆಹಾರದಲ್ಲಿ ಮಸಾಲೆಯಾಗಿ ಬೆರೆಸುವುದರ ಬದಲು, ಒಂದು ಗ್ಲಾಸ್ ಹಾಲಿಗೆ ಕೆಲವು ಕೇಸರಿ ಎಳೆಯನ್ನು ಸೇರಿಸಿ ಕುಡಿಯಿರಿ. ನಿಯಮಿತವಾಗಿ ಕೇಸರಿ ಹಾಲನ್ನು ಕುಡಿದರೆ ಉತ್ತಮ ಪರಿಣಾಮವನ್ನು ಕಾಣುವಿರಿ.

ಮುಟ್ಟಿನ ಸೆಳೆತವನ್ನು ಶಮನಗೊಳಿಸುತ್ತದೆ

ಮುಟ್ಟಿನ ಸೆಳೆತವನ್ನು ಶಮನಗೊಳಿಸುತ್ತದೆ

ಕೇಸರಿ ಶ್ರೀಮಂತ ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತ ನಿಯಂತ್ರಿಸುವ ಗುಣ ಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ. ಬೆಚ್ಚಗಿನ ಒಂದು ಕಪ್ ಕೇಸರಿ ಹಾಲನ್ನು ಕುಡಿದರೆ ಕಿಬ್ಬೊಟ್ಟೆಯ ನೋವು, ಮುಟ್ಟಿನ ಸೆಳೆತ ಮತ್ತು ಭಾರೀ ರಕ್ತಸ್ರಾವವನ್ನು ತೊಡೆದು ಹಾಕಲು ಸಹಾಯ ಮಾಡುತ್ತದೆ.

ಖಿನ್ನತೆಯನ್ನು ನಿವಾರಿಸುತ್ತದೆ

ಖಿನ್ನತೆಯನ್ನು ನಿವಾರಿಸುತ್ತದೆ

ನೀವು ಖಿನ್ನತೆಯಿಂದ ಬಳಲುತ್ತಿದ್ದರೆ, ನಿಯಮಿತವಾಗಿ ಒಂದು ಕಪ್ ಕೇಸರಿ ಹಾಲನ್ನು ಕುಡಿಯಿರಿ. ಕೇಸರಿ ಹಾಲಿನ ಸೇವನೆ ಖಿನ್ನತೆಯ ವಿರುದ್ಧ ಹೋರಾಡಲು ಅನುಕೂಲ ಕಲ್ಪಿಸಿಕೊಡುವುದು. ಕೇಫೊನಾಯ್ಡ್ ಗಳು , B ಜೀವಸತ್ವಗಳು ಮತ್ತು ಕೇಸೊಟೋನಿನ್ ಮೆದುಳಿನಲ್ಲಿರುವ ಇತರ ರಾಸಾಯನಿಕಗಳ ಮಟ್ಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಇದು ಖಿನ್ನತೆಯನ್ನು ನಿವಾರಿಸುತ್ತದೆ.

ಹೃದಯಕ್ಕೆ ಒಳ್ಳೆಯದು

ಹೃದಯಕ್ಕೆ ಒಳ್ಳೆಯದು

ಕೇಸರಿ ಕ್ರೋಸಿಟಿನ್, ಶ್ರೀಮಂತ ಉತ್ಕರ್ಷಣ ನಿರೋಧಕ ಮತ್ತು ಉರಿಯೂತದ ಗುಣಲಕ್ಷಣಗಳಿಗೆ ಹೆಸರುವಾಸಿಯಾದ ಒಂದು ಸಂಯುಕ್ತವಾಗಿದೆ. ಕೊಲೆಸ್ಟರಾಲ್ ಮಟ್ಟವನ್ನು ರಕ್ತದಲ್ಲಿ ಕಡಿಮೆ ಮಾಡಲು ಹೃದಯ ಸಂಬಂಧಿ ರೋಗಗಳನ್ನು ತಡೆಗಟ್ಟುವಲ್ಲಿ ಕ್ರೋಸಿಟಿನ್ ಸಹಾಯ ಮಾಡುತ್ತದೆ ಎಂದು ಹಲವಾರು ಅಧ್ಯಯನಗಳು ತೋರಿಸಿವೆ.

ಕ್ಯಾನ್ಸರ್ ಚಿಕಿತ್ಸೆಗೆ ಸಹಾಯ ಮಾಡುವುದು

ಕ್ಯಾನ್ಸರ್ ಚಿಕಿತ್ಸೆಗೆ ಸಹಾಯ ಮಾಡುವುದು

ಇದು ಆಶ್ಚರ್ಯಕರವಾಗಿರಬಹುದು. ಆದರೆ ಕೇಸರಿ ಕ್ಯಾನ್ಸರ್‍‌ಗೆ ಚಿಕಿತ್ಸೆ ನೀಡಲು ಸಹಾಯ ಮಾಡುತ್ತದೆ. ಕೇಸರಿಯಲ್ಲಿ ಒಳಗೊಂಡಿರುವ ಕ್ರೋಸಿನ್ ಮತ್ತು ಸಫ್ರಾನಲ್ ಕಾಂಪೌಂಡ್ಸ್ ಕ್ಯಾನ್ಸರ್ ವಿರೋಧಿ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ. ನಿಯಮಿತವಾಗಿ ಕೇಸರಿಯನ್ನು ಸೇವಿಸುವುದರಿಂದ ಕ್ಯಾನ್ಸರ್ ಗಡ್ಡೆಗಳ ಬೆಳವಣಿಗೆಯನ್ನು ತಡೆಗಟ್ಟುತ್ತದೆ. ಇದು ಪ್ರತಿರಕ್ಷಣಾ ಮಾಡ್ಯೂಲೇಟರ್ನ ಅಂತೆ ವರ್ತಿಸುತ್ತದೆ. ಕ್ಯಾನ್ಸರ್ ನಿಂದ ದೇಹವನ್ನು ರಕ್ಷಿಸುತ್ತದೆ.

ಸಂಧಿವಾತ ನೋವನ್ನು ಕಡಿಮೆ ಮಾಡುತ್ತದೆ

ಸಂಧಿವಾತ ನೋವನ್ನು ಕಡಿಮೆ ಮಾಡುತ್ತದೆ

ಕೇಸರಿ ಶ್ರೀಮಂತ ಉರಿಯೂತದ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ. ನಿಯಮಿತವಾಗಿ ಕೇಸರಿಯ ಹಾಲನ್ನು ಸೇವಿಸುವುದರಿಂದ ಅಂಗಾಂಶಗಳು ಲ್ಯಾಕ್ಟಿಕ್ ಆಮ್ಲವನ್ನು ತೊಡೆದುಹಾಕಲು ಸಹಾಯ ಮಾಡುತ್ತದೆ ಮತ್ತು ಉರಿಯೂತ ಮತ್ತು ಸಂಧಿವಾತ-ಸಂಬಂಧಿತ ನೋವನ್ನು ಕಡಿಮೆ ಮಾಡುತ್ತದೆ.

ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ

ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ

ಪೌಷ್ಟಿಕಾಂಶ ಮತ್ತು ಉತ್ಕರ್ಷಣ ನಿರೋಧಕ ಗುಣಗಳಿಂದಾಗಿ ಕೇಸರಿ ರೋಗನಿರೋಧಕ ಶಕ್ತಿಯನ್ನು ಉತ್ತೇಜಿಸುವಲ್ಲಿ ಸಹಾಯ ಮಾಡುತ್ತದೆ. ಇದು ಕೇಸರಿಯನ್ನು ಹೊರತುಪಡಿಸಿ ಅದರ ಉರಿಯೂತದ ಗುಣಲಕ್ಷಣಗಳಿಗೆ ಹೆಸರುವಾಸಿಯಾಗಿದೆ. ಹಾಸಿಗೆಗೆ ಹೋಗುವ ಮೊದಲು ನಿಯಮಿತವಾಗಿ ಕೇಸರಿಯ ಹಾಲನ್ನು ಸೇವಿಸಿ.

ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ

ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ

ಕೇಸರಿಯು ಕ್ರೋಸೆಟಿನ್ ಎಂಬ ಪ್ರಮುಖ ರಾಸಾಯನಿಕವನ್ನು ಹೊಂದಿದೆ. ಇದು ನಯವಾದ ರಕ್ತದ ಹರಿವನ್ನು ಉತ್ತೇಜಿಸುವಲ್ಲಿ ಸಹಾಯ ಮಾಡುತ್ತದೆ. ಹೀಗಾಗಿ ರಕ್ತದ ಒತ್ತಡವನ್ನು ನಿಯಂತ್ರಣದಲ್ಲಿಡುತ್ತದೆ. ಒಂದು ಕಪ್ ಬೆಚ್ಚಗಿನ ಹಾಲಿನಲ್ಲಿ 2-3 ಕೇಸರಿ ಎಳೆಯನ್ನು ನೆನೆಸಿಡಿ. ಮಲಗುವ ಮುನ್ನ ಇದಕ್ಕೆ 1 ಟೀ ಚಮಚ ತಾಜಾ ಜೇನುತುಪ್ಪವನ್ನು ಸೇರಿಸಿ, ಕುಡಿಯಿರಿ. ಬಹುಬೇಗ ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ.

ಶೀತ ಮತ್ತು ಕೆಮ್ಮು ಚಿಕಿತ್ಸೆಗೆ ಸಹಾಯ ಮಾಡುತ್ತದೆ

ಶೀತ ಮತ್ತು ಕೆಮ್ಮು ಚಿಕಿತ್ಸೆಗೆ ಸಹಾಯ ಮಾಡುತ್ತದೆ

ವಿಶೇಷವಾಗಿ ಚಳಿಗಾಲದಲ್ಲಿ ಬೆಚ್ಚಗಿನ ಹಾಲಿಗೆ ಕೇಸರಿಯನ್ನು ಸೇರಿಸಿ ಕುಡಿದರೆ ಗಂಟಲಿಗೆ ಆರಾಮದಾಯಕವಾಗಿರುತ್ತದೆ. ಚಳಿಯಲ್ಲಿ ದೇಹವನ್ನು ಬೆಚ್ಚಗಿಡಲು ಇದೊಂದು ಉತ್ತಮವಾದ ಉಪಾಯ ಎನ್ನಬಹುದು. ಹಾಲಿನಲ್ಲಿ ಪ್ರೋಟೀನ್ ಮತ್ತು ಕೇಸರಿಯಲ್ಲಿ ಸಮೃದ್ಧವಾದ ರೋಗ ನಿರೋಧಕ ಶಕ್ತಿ ಅಡಗಿರುವುದರಿಂದ ಉರಿಯೂತ, ನೆಗಡಿ, ಕೆಮ್ಮುಗಳನ್ನು ನಿಯಂತ್ರಿಸುತ್ತದೆ.

English summary

Saffron Milk Health Benefits That Will Shock You!

Saffron has been in use since the ancient Greek times for its culinary and medicinal purposes. It is basically obtained from the flower of Crocus sativus. The stigmas of the flower are picked up and then dried. It appears maroon-yellow in colour. In addition to this, saffron contains a compound called crocin which is known for its rich medicinal benefits. Saffron also contains all the essential nutrients - vitamin C and manganese, which are just to name a few among them. In order to derive its benefits, saffron can be added in your regular food. However, the best way to consume saffron is to add a pinch of it to a glass of warm milk and then drink it. So, today, we have listed here a few of the major benefits of drinking saffron milk. Take a look.