ವೈದ್ಯಲೋಕಕ್ಕೇ ಸವಾಲು: ಕ್ಯಾನ್ಸರ್‌ ರೋಗದಿಂದ ರಕ್ಷಿಸುವ ಮನೆಮದ್ದು

ಕೊಂಚ ಬಿಸಿನೀರಿಗೆ ಅರಿಶಿನವನ್ನು ಬೆರೆಸಿ ಕುಡಿಯುವ ಮೂಲಕ ಹಲವಾರು ತೊಂದರೆಗಳಿಗೆ ಔಷಧಿಯಂತೆ ಕೆಲಸ ಮಾಡುತ್ತದೆ ಎಂದು ನಿಮಗೆಲ್ಲಾ ಗೊತ್ತೇ ಇದೆ. ಅರಿಶಿನದಲ್ಲಿರುವ ಕುರ್ಕುಮಿನ್ ಎಂಬ ಪೋಷಕಾಂಶ ಪ್ರಬಲ ಉರಿಯೂತ ನಿವಾರಕವಾಗಿದೆ ಹಾಗೂ ವಿಶೇಷವಾಗಿ ಕ್ಯಾನ್ಸರ್ ಉಂಟುಮಾಡುವ ಚಟುವಟಿಕೆಗಳಿಗೆ ಕಡಿವಾಣ ಹಾಕುವ ಮೂಲಕ ರಕ್ಷಣೆಯನ್ನೂ ಒದಗಿಸುತ್ತದೆ. ಇನ್ನು ಈ ನೀರಿಗೆ ಕೊಂಚವೇ ಜೇನನ್ನು ಬೆರೆಸಿ ಕುಡಿದರೆ ಹಲವಾರು ವ್ಯಾಧಿಗಳಿಗೆ ಸಿದ್ಧೌಷಧಿಯೊಂದು ತಯಾರಾಗುತ್ತದೆ.

ವಿಶೇಷವಾಗಿ ಇದರಲ್ಲಿರುವ ಪ್ರಬಲ ಉರಿಯೂತ ನಿರೋಧಕ ಗುಣದಿಂದಾಗಿ ಕೆಲವು ವ್ಯಾಧಿಗಳಿಗೆ ಮಾರುಕಟ್ಟೆಯಲ್ಲಿ ಸಿಗುವ ಪ್ರಬಲ ಔಷಧಿಗೂ ಮಿಗಿಲಾದ ನೈಸರ್ಗಿಕ ಔಷಧಿ ದೊರಕುತ್ತದೆ. ಬನ್ನಿ, ಈ ಔಷಧಿಯನ್ನು ಹೇಗೆ ತಯಾರಿಸಿ ಬಳಸಬಹುದು ಎಂಬುದನ್ನು ನೋಡೋಣ..

ಅಗತ್ಯವಿರುವ ಸಾಮಾಗ್ರಿಗಳು
ಅರ್ಧ ಲಿಂಬೆ ಹಣ್ಣಿನ ರಸ
ಅರ್ಧ ಚಿಕ್ಕ ಚಮಚ ಅರಿಶಿನ
ಇನ್ನೂರೈವತ್ತು ಮಿಲಿ ಉಗುರುಬೆಚ್ಚನೆಯ ನೀರು
ಕೊಂಚವೇ ಜೇನು

ವಿಧಾನ
ಉಗುರುಬೆಚ್ಚನೆಯ ನೀರಿನಲ್ಲಿ ಲಿಂಬೆಹಣ್ಣನ್ನು ಹಿಂಡಿ ಇದಕ್ಕೆ ಅರಿಶಿನ ಬೆರೆಸಿ ಚೆನ್ನಾಗಿ ಕಲಕಿ. ಈ ನೀರಿಗೆ ಕೊಂಚವೇ, ಅಂದರೆ ಸುಮಾರು ಅರ್ಧ ಚಿಕ್ಕ ಚಮಚ ಜೇನು ಬೆರೆಸಿ. ಜೇನಿನ ಪ್ರಮಾಣ ಹೆಚ್ಚಿರಬಾರದು.
ಈ ಪೇಯದಲ್ಲಿ ಕೆಲವಾರು ಕಾಯಿಲೆಗಳನ್ನು ಬಾರದಂತೆ ತಡೆಯುವ ಶಕ್ತಿ ಇದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.