ಲಿಂಬೆ, ಉಪ್ಪು, ಕರಿಮೆಣಸು-ಈ ತ್ರಿಮೂರ್ತಿಗಳಿಗೆ ನಮ್ಮದೊಂದು ಸಲಾಂ!

ಫ್ಲೂ ಮತ್ತು ಶೀತಕ್ಕೆ ಮದ್ದು

ಅರ್ಧ ನಿಂಬೆ ರಸವನ್ನು ಒಂದು ಕಪ್ ಕುದಿಯುವ ನೀರಿಗೆ ಬೆರೆಸಿಕೊಳ್ಳಿ. ಇದನ್ನು ಒಂದು ನಿಮಿಷ ಹಾಗೆ ಬಿಡಿ. ಆನಂತರ ನಿಂಬೆಯನ್ನು ತೆಗೆಯಿರಿ. ಕೊನೆಗೆ ಇದಕ್ಕೆ ಉಪ್ಪು, ಮೆಣಸು ಮತ್ತು ಜೇನು ತುಪ್ಪವನ್ನು ಬೆರೆಸಿ ಸೇವಿಸಿ.ಕಿರಿಕಿರಿ ಶೀತಕ್ಕೆ ತಲೆಬಿಸಿ ಮಾಡಬೇಡಿ! ಆಹಾರ ಪಥ್ಯ ಹೀಗಿರಲಿ...

ಗಂಟಲು ನೋವು

ಬೆಚ್ಚಗಿನ ನೀರಿಗೆ ಒಂದು ಚಮಚ ಉಪ್ಪು, ಅರ್ಧ ಚಮಚ ಮೆಣಸು ಮತ್ತು ಒಂದು ಚಮಚ ನಿಂಬೆರಸವನ್ನು ಬೆರೆಸಿ ಒಂದು ಮಿಶ್ರಣವನ್ನು ಮಾಡಿಕೊಳ್ಳಿ. ಈ ಮಿಶ್ರಣವನ್ನು ಬಾಯಿ ಮುಕ್ಕಳಿಸಲು ಬಳಸಿ. ಇದರಿಂದ ಗಂಟಲು ನೋವು ಮತ್ತು ಕೆಮ್ಮು ನಿವಾರಣೆಯಾಗುತ್ತದೆ.ಇನ್ನು ಗಂಟಲು ನೋವಿಗೆ ವೈದ್ಯರ ಬಳಿ ಓಡಬೇಡಿ...!

ಮೂಗು ಕಟ್ಟುವಿಕೆ

ಈ ಮೇಲಿನ ಮಿಶ್ರಣದ ಹಬೆಯನ್ನು ಸೇವಿಸಿದರೆ ಸೀನುವಿಕೆ ಬರುತ್ತದೆ ಮತ್ತು ಕಟ್ಟಿದ ಮೂಗು ನಿವಾರಣೆಯಾಗುತ್ತದೆ. ನಿಮಗೆ ಬೇಕಾದಲ್ಲಿ ಚಕ್ಕೆ, ಏಲಕ್ಕಿ, ಮೆಣಸು ಮತ್ತು ಜೀರಿಗೆ ಹಾಕಿ ಮತ್ತೊಂದು ಮಿಶ್ರಣವನ್ನು ಸಿದ್ಧ ಮಾಡಿಕೊಳ್ಳಬಹುದು.

ನಾಸಿಯಾ

ಒಂದು ಲೋಟ ಬೆಚ್ಚಗಿನ ನೀರಿಗೆ ಒಂದು ಚಮಚ ನಿಂಬೆರಸವನ್ನು ಹಾಗು ಒಂದು ಚಮಚ ಕರಿಮೆಣಸಿನ ಪುಡಿತನ್ನು ಬೆರೆಸಿ ಸೇವಿಸಿ. ನಿಂಬೆ ರಸದ ಸುಗಂಧವು ಹೊಟ್ಟೆ ತೊಳೆಸುವಿಕೆಯನ್ನು ನಿವಾರಿಸುತ್ತದೆ ಮತ್ತು ಕರಿಮೆಣಸು ಹೊಟ್ಟೆಗೆ ಉಪಶಮನವನ್ನು ನೀಡುತ್ತದೆ. ಅದಕ್ಕೆ ವಾಹನದಲ್ಲಿ ಪ್ರಯಾಣ ಮಾಡುವಾಗ, ಗರ್ಭಿಣಿಯಾಗಿದ್ದಾಗ ನಿಂಬೆ ಹಣ್ಣು ಇಟ್ಟುಕೊಳ್ಳಿ ಎಂದು ದೊಡ್ಡವರು ಹೇಳುವುದು.ಪ್ರಯಾಣದ ವೇಳೆಯಲ್ಲಿ ವಾಂತಿಯ ಸಮಸ್ಯೆಗೆ ಪರಿಹಾರವೇನು?

ತೂಕ ಕಳೆದುಕೊಳ್ಳುವಿಕೆ

¼ ಚಮಚ ಕರಿಮೆಣಸಿನ ಪುಡಿ, ಒಂದು ಚಮಚ ಜೇನು ತುಪ್ಪ ಮತ್ತು 2 ಚಮಚ ನಿಂಬೆ ರಸವನ್ನು ತೆಗೆದುಕೊಂಡು ಅದಕ್ಕೆ ಸ್ವಲ್ಪ ಉಪ್ಪು ಸೇರಿಸಿ, ಎಲ್ಲವನ್ನೂ ಬಿಸಿ ನೀರಿನಲ್ಲಿ ಹಾಕಿ ಮಿಶ್ರಣ ಮಾಡಿ. ನಿಂಬೆಹಣ್ಣಿನಲ್ಲಿ ಪಾಲಿಫೆನಾಲ್‍ಗಳು ಅಧಿಕವಾಗಿರುತ್ತವೆ ಮತ್ತು ಇವು ತೂಕ ಹೆಚ್ಚಾಗುವಿಕೆಯನ್ನು ತಡೆಯುತ್ತದೆ. ಜೊತೆಗೆ ಇದು ದೇಹದಲ್ಲಿ ಇನ್ಸುಲಿನ್ ಪ್ರಮಾಣವನ್ನು ಹೆಚ್ಚಿಸುತ್ತದೆ ಹಾಗು ಜೀರ್ಣಕ್ರಿಯೆಯನ್ನು ಸರಾಗಗೊಳಿಸುತ್ತದೆ.

ಮೂಗಿನಲ್ಲಿ ರಕ್ತ ಸ್ರಾವ

ನಿಂಬೆ ರಸದಲ್ಲಿ ಒಂದು ಹತ್ತಿಯ ಉಂಡೆಯನ್ನು ಅದ್ದಿ, ಮೂಗಿನ ಹೊಳ್ಳೆಯಲ್ಲಿ ಇಡಿ ಹಾಗು ನಿಮ್ಮ ತಲೆಯನ್ನು ಹಿಂಬದಿಗೆ ಬಾಗಿಸಿ. ಇದರಿಂದ ಮೂಗಿನಲ್ಲಿ ರಕ್ತ ಸ್ರಾವವಾಗುವಿಕೆ ನಿಲ್ಲುತ್ತದೆ.

ಹಲ್ಲು ನೋವು

½ ಚಮಚ ಲವಂಗದ ಎಣ್ಣೆಯನ್ನು ತೆಗೆದಿಕೊಳ್ಳಿ ಮತ್ತು ಅದಕ್ಕೆ ಕರಿಮೆಣಸು ಹಾಗು ಉಪ್ಪಿನ ಜೊತೆಗೆ ಸ್ವಲ್ಪ ನಿಂಬೆ ರಸವನ್ನು ಸೇರಿಸಿ. ಇದನ್ನು ಹಲ್ಲಿಗೆ ಲೇಪಿಸಿ, ನೋವು ನಿವಾರಣೆಯಾಗುತ್ತದೆ. ಅಯ್ಯೋ ವಿಪರೀತ ಹಲ್ಲು ನೋವು, ನಿದ್ದೆಯೇ ಬರುತ್ತಿಲ್ಲ

ಅಸ್ತಮಾ

ಸ್ವಲ್ಪ ನೀರನ್ನು ಕಾಯಿಸಿಕೊಳ್ಳಿ ಹಾಗು ಅದಕ್ಕೆ 10 ಕರಿಮೆಣಸಿನ ಕಾಳು, 15 ತುಳಸಿ ಎಲೆ ಮತ್ತು 2 ಲವಂಗವನ್ನು ಬೆರೆಸಿ. ಇದನ್ನು ಸಿಮ್‌ನಲ್ಲಿಟ್ಟು 15 ನಿಮಿಷಗಳ ಕಾಲ ಕಾಯಿಸಿ ಹಾಗು ನಂತರ ಇದನ್ನು ಶೋಧಿಸಿ. ಇದಕ್ಕೆ ರುಚಿಯನ್ನು ನೀಡಲು ಸಾವಯವ ಜೇನು ತುಪ್ಪವನ್ನು, ನಿಂಬೆ ರಸ ಹಾಗು ಉಪ್ಪನ್ನು ಬೆರೆಸಿ ಪ್ರತಿನಿತ್ಯ ಸೇವಿಸಿ. ಇದನ್ನು ಗಾಳಿಯಾಡದ ಜಾಡಿಯಲ್ಲಿ ಸಂಗ್ರಹಿಸಿಡಲು ಮರೆಯಬೇಡಿ.

ಪಿತ್ತಗಲ್ಲುಗಳು (ಗಲ್ಲ್‌ಸ್ಟೋನ್‌ಗಳು)

ಜೀರ್ಣಕಾರಿ ದ್ರವಗಳು ಹೊಟ್ಟೆಯಲ್ಲಿ ಸಂಗ್ರಹಗೊಂಡಾಗ ಪಿತ್ತಗಲ್ಲುಗಳು ಕಾಣಿಸಿಕೊಳ್ಳುತ್ತವೆ. ಇದರಿಂದ ಜೀರ್ಣಕ್ರಿಯೆ ಕುಂಠಿತವಾಗಿ ನೋವು ಕಾಣಿಸಿಕೊಳ್ಳುತ್ತದೆ. ಮೆಣಸು, ನಿಂಬೆರಸ ಮತ್ತು ಆಲೀವ್ ಎಣ್ಣೆಯನ್ನು 1:3 ಪ್ರಮಾಣದಲ್ಲಿ ಬೆರೆಸಿಕೊಳ್ಳಿ ಮತ್ತು ಪ್ರತಿದಿನ ಇದನ್ನು ಸೇವಿಸಿ.