ಗಂಟಲು ನೋವಿನ ಶಮನಕ್ಕೆ-ಅಡುಗೆಮನೆಯ 'ಬೆಳ್ಳುಳ್ಳಿ' ಸಾಕು!

ಬೆಳ್ಳುಳ್ಳಿ ಮತ್ತು ಜೇನುತುಪ್ಪ

ಬೆಳ್ಳುಳ್ಳಿ ಹಾಗೂ ಜೇನುತುಪ್ಪದಲ್ಲಿ ಇರುವಂತಹ ಬ್ಯಾಕ್ಟೀರಿಯಾ ವಿರೋಧಿ ಗುಣಗಳು ಗಂಟಲು ನೋವಿಗೆ ತುಂಬಾ ಪರಿಣಾಮಕಾರಿ ಔಷಧಿಯಾಗಿದೆ. ಕೆಲವು ಎಸಲು ಬೆಳ್ಳುಳ್ಳಿಯನ್ನು ಜಜ್ಜಿಕೊಂಡು ಅದಕ್ಕೆ ಜೇನುತುಪ್ಪವನ್ನು ಸೇರಿಸಿಕೊಂಡು ಸರಿಯಾಗಿ ಮಿಶ್ರಣ ಮಾಡಿ ಸಿರಪ್ ನಂತೆ ಸೇವಿಸಿ. ಗಂಟಲು ನೋವನ್ನು ಕಡಿಮೆ ಮಾಡಲು ದಿನಾಲೂ ಇದನ್ನು ಸೇವಿಸಿ.

ಬೆಳ್ಳುಳ್ಳಿ ಎಸಲುಗಳು

ಬೆಳ್ಳುಳ್ಳಿ ಹೆಚ್ಚಿನ ಘಾಟನ್ನು ಹೊಂದಿರುವ ಕಾರಣದಿಂದಾಗಿ ಹಸಿಯಾಗಿ ಇದನ್ನು ತಿನ್ನಲು ಹೆಚ್ಚಿನವರು ಇಷ್ಟಪಡುವುದಿಲ್ಲ. ಹಸಿ ಬೆಳ್ಳುಳ್ಳಿಯ ಒಂದೆರಡು ಎಸಳು ತಿಂದರೆ ಅದಕ್ಕಿಂತ ಒಳ್ಳೆಯ ಔಷಧಿ ಬೇರೊಂದಿಲ್ಲ. ಎರಡು ಎಸಲು ಹಸಿ ಬೆಳ್ಳುಳ್ಳಿಯನ್ನು ಸೇವಿಸಿದರೆ ಗಂಟಲು ನೋವು ಕಡಿಮೆಯಾಗಿ ಸೋಂಕು ಹೆಚ್ಚಾಗುವುದನ್ನು ತಡೆಯಬಹುದು.ಉಪಹಾರಕ್ಕಿಂತ ಮುಂಚೆಯೇ ಬೆಳ್ಳುಳ್ಳಿ ಸೇವಿಸಿ, ಆರೋಗ್ಯವೃದ್ಧಿಸಿ!

ಬೆಳ್ಳುಳ್ಳಿ ಮತ್ತು ಲಿಂಬೆ

ಗಂಟಲು ನೋವನ್ನು ಬೆಳ್ಳುಳ್ಳಿಯಿಂದ ಕಡಿಮೆ ಮಾಡುವ ಮತ್ತೊಂದು ವಿಧಾನವಿದು. ಬೆಳ್ಳುಳ್ಳಿ ರಸ ಮತ್ತು ಲಿಂಬೆರಸವನ್ನು ಮಿಶ್ರಣ ಮಾಡಿಕೊಳ್ಳಿ. ದಿನದಲ್ಲಿ ಒಂದು ಅಥವಾ ಎರಡು ಸಲ ಇದನ್ನು ಸೇವಿಸಿದರೆ ಗಂಟಲು ನೋವು ಕಡಿಮೆಯಾಗುವುದು ಮತ್ತು ಕಫ ಜಮೆಯಾಗುವುದು ತಪ್ಪುವುದು.

ಬೆಳ್ಳುಳ್ಳಿ ಚಹಾ

ಇದನ್ನು ವಿಶ್ವದೆಲ್ಲೆಡೆಯಲ್ಲಿ ಬಳಸಿ ಅದರ ಫಲಿತಾಂಶವನ್ನು ಕೂಡ ಪಡೆದಿದ್ದಾರೆ. ಇದು ಗಂಟಲು ನೋವಿಗೆ ತುಂಬಾ ಪರಿಣಾಮಕಾರಿ ಔಷಧಿಯಾಗಿದೆ. ಒಂದು ಕಪ್ ಬೆಳ್ಳುಳ್ಳಿ ಚಹಾವನ್ನು ದಿನದಲ್ಲಿ ಹಲವಾರು ಬಾರಿ ಕುಡಿಯುತ್ತಾ ಇರಿ. ಈ ಚಹಾ ಗಂಟಲು ನೋವಿನಿಂದ ಮುಕ್ತಿ ನೀಡುವುದು.

ಆಲಿವ್ ತೈಲದೊಂದಿಗೆ ಬೆಳ್ಳುಳ್ಳಿ

ಈ ಮದ್ದನ್ನು ತಯಾರಿಸಲು ಆಲಿವ್ ಎಣ್ಣೆಯನ್ನು ಬಿಸಿ ಮಾಡಿಕೊಳ್ಳಬೇಕು. ಇದರಲ್ಲಿ ಜಜ್ಜಿಕೊಂಡ ಬೆಳ್ಳುಳ್ಳಿಯನ್ನು ಹಾಕಬೇಕು. ಒಂದು ಚಮಚ ತೆಗೆದುಕೊಂಡು ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಳ್ಳಿ. ತಣ್ಣಗಾದ ಬಳಿಕ ಸಿರಪ್ ನಂತೆ ಸೇವಿಸಿ. ಈ ಮನೆಮದ್ದು ಗಂಟಲಿನಲ್ಲಿ ಉಂಟಾಗುವ ಕಿರಿಕಿರಿ ಮತ್ತು ನೋವಿನಿಂದ ಪರಿಹಾರ ನೀಡುವುದು.