For Quick Alerts
ALLOW NOTIFICATIONS  
For Daily Alerts

ಆ ಸಮಯದಲ್ಲಿ ಅತೀವ ರಕ್ತಸ್ರಾವವೇ? ಈ ಸಂಗತಿಗಳು ನೆನಪಿರಲಿ

By Lekhaka
|

ಸಮಾಗಮದ ಸಮಯದಲ್ಲಿ ರಕ್ತಸ್ರಾವದ ತೊಂದರೆಯನ್ನು ಬಹಳಷ್ಟು ದಂಪತಿಗಳು ಅನುಭವಿಸುತ್ತಾರೆ. ಈ ಸಮಯದಲ್ಲಿ ನೈಸರ್ಗಿಕ ಜಾರುಕಗಳು ಮಾತ್ರವೇ ಸ್ರವಿಸಬೇಕು. ಇದರಲ್ಲಿ ರಕ್ತವೂ ಮಿಳಿತಗೊಂಡರೆ ಇದು ಖಂಡಿತಾ ಚಿಂತೆಗೆ ಕಾರಣವೇ ಆಗಿದೆ. ಒಂದು ವೇಳೆ ರಕ್ತಸ್ರಾವ ಸಮಾಗಮದ ಸಮಯದಲ್ಲಿ ಅಥವಾ ನಂತರ ಕಂಡುಬಂದರೆ ಹೆಚ್ಚಿನವರಿಗೆ ಎದುರಾಗುವ ಪ್ರಶ್ನೆ ಎಂದರೆ "ಇದು ಕ್ಯಾನ್ಸರ್ ಅಥವಾ ಇನ್ನೇನಾದರೂ ಗಂಭೀರವಾದ ಕಾಯಿಲೆಯ ಮುನ್ಸೂಚನೆಯೇ?" ಅಥವಾ ಇದು ಸ್ವಾಭಾವಿಕವಾಗಿದ್ದು ಈ ಬಗ್ಗೆ ಚಿಂತಿಸುವ ಕಾರಣವಿಲ್ಲವೇ?

ಪ್ರಥಮ ಪರಿಶೀಲನೆಯಲ್ಲಿ ಈ ಬಗ್ಗೆ ಏನನ್ನೂ ಹೇಳಲು ಸಾಧ್ಯವಿಲ್ಲ. ಏಕೆಂದರೆ ರಕ್ತಸ್ರಾವ ಸ್ವಾಭಾವಿಕವೂ ಆಗಿರಬಹುದು ಅಥವಾ ಯಾವುದೋ ಅನಾರೋಗ್ಯದ ಪರಿಣಾಮವೂ ಆಗಿರಬಹುದು. ಕೆಲವು ಸಂದರ್ಭಗಳಲ್ಲಿ ಚಿಂತೆಗೆ ಅಗತ್ಯವಿಲ್ಲವಾದರೆ ಕೆಲವು ಸಂದರ್ಭಗಳಲ್ಲಿ ಗಂಭೀರವಾಗಿ ಪರಿಗಣಿಸುವ ಅಗತ್ಯವಿದೆ. ಬನ್ನಿ, ಈ ಬಗ್ಗೆ ಕೆಲವು ಅಮೂಲ್ಯ ಮಾಹಿತಿಗಳನ್ನು ನೋಡೋಣ...

 ಇದು ಗಂಭೀರವಾಗಿ ಪರಿಗಣಿಸಬೇಕಾದ ವಿಷಯವೇ?

ಇದು ಗಂಭೀರವಾಗಿ ಪರಿಗಣಿಸಬೇಕಾದ ವಿಷಯವೇ?

ಇನ್ನೂ ರಜೋನಿವೃತ್ತಿಯ ವಯಸ್ಸು ತಲುಪದಿರುವ ಮಹಿಳೆಯರಿಗೆ ಆಗಾಗ ಈ ಅನುಭವ ಆಗುತ್ತಿರುತ್ತದೆ. ಇದು ಅಪರೂಪಕ್ಕೊಮ್ಮೆ ಆಗುತ್ತಿದ್ದರೆ ಇದರ ಬಗ್ಗೆ ಹೆಚ್ಚಾಗಿ ಚಿಂತಿಸುವ ಅಗತ್ಯವಿಲ್ಲ. ಹೆಚ್ಚಿನವರಲ್ಲಿ ಇದು ಸ್ವಾಭಾವಿಕವಾಗಿರುತ್ತದೆ.

ಇದಕ್ಕೆ ಅಂಗಾಂಶಗಳಲ್ಲಿ ಬಿರುಕು ಕಾರಣವೇ?

ಇದಕ್ಕೆ ಅಂಗಾಂಶಗಳಲ್ಲಿ ಬಿರುಕು ಕಾರಣವೇ?

ಕೆಲವೊಮ್ಮೆ ಘರ್ಷಣೆ ವಿಪರೀತವಾದಾಗ ಸೂಕ್ಷ್ಮಭಾಗದ ಒಳಗೋಡೆಗಳ ಅಂಗಾಂಶಗಳು ಬಿರುಕುಬಿಟ್ಟು ಗಾಯಗಳಾಗುವ ಸಂಭವವಿದೆ. ಈ ಗಾಯಗಳಿಂದಲೂ ರಕ್ತ ಒಸರಬಹುದು ಹಾಗೂ ಸಮಾಗಮದ ಬಳಿಕ ಸ್ರವಿಸಬಹುದು. ಅತಿ ಸೂಕ್ಷ್ಮ ಗಾಯಗಳಿಂದ ತಕ್ಷಣವೇ ನೋವು ಕಾಣಿಸಿಕೊಳ್ಳದಿರಬಹುದು, ಆದರೆ ನಂತರ ಸ್ರಾವ ಹಾಗೂ ನೋವು ಕಾಣಿಸಿಕೊಳ್ಳಬಹುದು.

ಇದು ಮಾಸಿಕ ದಿನಗಳ ಕೊಂಚ ಮೊದಲು ಕಾಣಿಸಿಕೊಂಡಿತೇ?

ಇದು ಮಾಸಿಕ ದಿನಗಳ ಕೊಂಚ ಮೊದಲು ಕಾಣಿಸಿಕೊಂಡಿತೇ?

ಒಂದು ವೇಳೆ ಮಾಸಿಕ ದಿನಗಳ ಒಂದೆರಡು ದಿನಗಳ ಹಿಂದಿನ ಸಮಾಗಮದಲ್ಲಿ ಇದು ಕಾಣಿಸಿಕೊಂಡರೆ ಇದಕ್ಕೆ ಬಲಪ್ರಯೋಗವೇ ಕಾರಣವಾಗಿರುತ್ತದೆ. ಏಕೆಂದರೆ ಈ ಅವಧಿಯಲ್ಲಿ ಗರ್ಭಾಶಯದ ಒಳಗೋಡೆಗಳು ಸೂಕ್ಷ್ಮವಾಗಿದ್ದು ಕೊಂಚವೇ ಘರ್ಷಣೆಗೆ ಒಳಗಾದರೂ ಸುಲಭವಾಗಿ ಗಾಯವಾಗುತ್ತದೆ. ಇದು ಕೆಲವೊ ತೊಟ್ಟು ರಕ್ತ ಜಿನುಗಲು ಕಾರಣವಾಗಬಹುದು.

ಇದಕ್ಕೆ ಉರಿಯೂತ ಕಾರಣವೇ?

ಇದಕ್ಕೆ ಉರಿಯೂತ ಕಾರಣವೇ?

ಕೆಲವು ಮಹಿಳೆಯರಲ್ಲಿ ಉರಿಯೂತವೂ ರಕ್ತಸ್ರಾವಕ್ಕೆ ಕಾರಣವಾಬಹುದು. ಅಲ್ಲದೇ ಗೋನೋರಿಯಾ, ಕ್ಲಾಮೈಡಿಯಾ ಮೊದಲಾದ ಕೆಲವು ಲೈಂಗಿಕ ಕಾಯಿಲೆಗಳ ಪರಿಣಾಮದಿಂದಲೂ ರಕ್ತಸ್ರಾವ ಕಂಡುಬರಬಹುದು. ಅಲ್ಲದೇ ಗುಪ್ತಾಂಗಗಳಲ್ಲಿ ಉಂಟಾದ ಸೋಂಕು ಸಹಾ ಉರಿಯೂತಕ್ಕೆ ಕಾರಣವಾಗಿ ರಕ್ತಸ್ರಾವ ಕಂಡುಬರಬಹುದು. ಇದಕ್ಕೆ pelvic inflammatory disease ಎಂದು ಕರೆಯುತ್ತಾರೆ.

ಗರ್ಭನಿರೋಧಕ ಕ್ರಮವೂ ಕಾರಣವಾಗಿರಬಹುದೇ?

ಗರ್ಭನಿರೋಧಕ ಕ್ರಮವೂ ಕಾರಣವಾಗಿರಬಹುದೇ?

ಕೆಲವು ಮಹಿಳೆಯರು ಗರ್ಭನಿರೋಧಕ ಗುಳಿಗೆಗಳನ್ನು ಸೇವಿಸುತ್ತಿದ್ದು ಈ ಗುಳಿಗೆಗಳಲ್ಲಿ ಹಾರ್ಮೋನುಗಳ ಮೇಲೆ ಪ್ರಭಾವ ಬೀರುವ ಶಕ್ತಿ ಇರುತ್ತದೆ. ಇದರ ಪರಿಣಾಮವಾಗಿ ಮಾಸಿಕ ಚಕ್ರದ ನಡುವಣ ಅವಧಿಯಲ್ಲಿ, ಅಂದರೆ ಅಂಡಾಣು ಬಿಡುಗಡೆಯಾಗುವ ಸಮಯದಲ್ಲಿ ರಕ್ತಸ್ರಾವ ಕಂಡುಬರಬಹುದು. ಈ ಸಮಯದಲ್ಲಿ ಚಂದ್ರನಾಡಿ ಅತಿ ಸಂವೇದನಾಶೀಲವಾಗಿರುತ್ತದೆ ಹಾಗೂ ಮಾಸಿಕ ದಿನಗಳಲ್ಲದ ಹೊತ್ತಿನಲ್ಲಿಯೂ ಕೆಲವು ತೊಟ್ಟು ಹೊರಬರಬಹುದು. ಇದಕ್ಕೆ spotting ಎಂದು ಕರೆಯುತ್ತಾರೆ. ಈ ಅವಧಿಯಲ್ಲಿ ಸಮಾಗಮ ನಡೆದು ಗರ್ಭ ನಿಂತ ಬಳಿಕವೂ ರಕ್ತಸ್ರಾವ ಕಂಡುಬರಬಹುದು.

ರಜೋನಿವೃತ್ತಿಯ ಬಳಿಕ ರಕ್ತಸ್ರಾವ ಕಂಡುಬಂದರೆ?

ರಜೋನಿವೃತ್ತಿಯ ಬಳಿಕ ರಕ್ತಸ್ರಾವ ಕಂಡುಬಂದರೆ?

ರಜೋನಿವೃತ್ತಿಯ ಬಳಿಕ ರಕ್ತಸ್ರಾವ ಕಾಣಿಸಿಕೊಳ್ಳಬಾರದು. ಒಂದು ವೇಳೆ ಕಾಣಿಸಿಕೊಂಡರೆ ತಕ್ಷಣವೇ ವೈದ್ಯರ ಬಳಿ ಧಾವಿಸಿ ತಪಾಸಣೆಗೆ ಒಳಗಾಗಬೇಕು. ಒಂದು ವೇಳೆ ಗುಪ್ತಾಂಗದ ಒಳಭಾಗ ತೀರಾ ಒಣಗಿ ಅಂಗಾಂಶಗಳು ಬಿರುಕು ಬಿಟ್ಟರೆ ರಕ್ತಸ್ರಾವ ಸಂಭವಿಸುತ್ತದೆ. ಇದಕ್ಕೆ ತಕ್ಷಣವೇ ಚಿಕಿತ್ಸೆ ಪಡೆದುಕೊಳ್ಳಬೇಕು. ಇದರ ಹೊರತಾಗಿ ಗರ್ಭಾಶಯ ಅಥವಾ ಗುಪ್ತಾಂಗದ ಒಳಭಾಗದಲ್ಲಿ ಕಾಣಿಸಿಕೊಳ್ಳುವ ಕ್ಯಾನ್ಸರ್ (endometrial ಅಥವಾ cervical ಕ್ಯಾನ್ಸರ್) ಇದಕ್ಕೆ ಕಾರಣವಾಗಿದ್ದರೆ ಮಾತ್ರ ಇದು ಗಂಭೀರವಾದ ವಿಷಯವಾಗಿದ್ದು ಇದಕ್ಕೆ ಹೆಚ್ಚಿನ ಚಿಕಿತ್ಸೆಯ ಅಗತ್ಯವಿದೆ.

ಈ ಬಗ್ಗೆ ಯಾವಾಗ ಚಿಂತಿಸಬೇಕಾದ ಅಗತ್ಯವಿದೆ?

ಈ ಬಗ್ಗೆ ಯಾವಾಗ ಚಿಂತಿಸಬೇಕಾದ ಅಗತ್ಯವಿದೆ?

ಒಂದು ವೇಳೆ ಸಮಾಗಮದ ಮರುದಿನವೂ ಕೆಲವು ತೊಟ್ಟುಗಳು ಸ್ರವಿಸಿರುವುದು ಕಂಡುಬಂದರೂ ಇದಕ್ಕೆ ಬೇರೆಯಾದ ಸೋಂಕುಗಳು ಕಾರಣವಾಗಿರಬಹುದು. ಯಾವುದಕ್ಕೂ ಅಲಕ್ಷಿಸದೇ ವೈದ್ಯರನ್ನು ಕಂಡು ತಪಾಸಣೆಗೊಳಪಡಬೇಕು.

English summary

Are You Bleeding During Lovemaking? Read This!

Bleeding while having intercourse is not uncommon. Many bodily fluids are involved in the process of lovemaking, but when blood is involved, it would surely be a cause of concern. If bleeding occurs during or after intercourse, many doubts surely tend to arise. Is it a sign of cancer or anything serious? Or is it nothing to worry about? Well, it depends on many factors. In some cases, you don't need to worry but in some cases, you need to. Here are some facts.
Story first published: Tuesday, September 26, 2017, 20:04 [IST]
X
Desktop Bottom Promotion