ದೈವ ಸ್ವರೂಪಿ 'ಅಶ್ವತ್ಥ ಮರ'ದ ಎಲೆಗಳ ಔಷಧೀಯ ಗುಣಗಳು

ಶೀತ, ಜ್ವರದ ಶಮನಕ್ಕಾಗಿ

ಕೆಲವು ಎಳೆಯ ಅಶ್ವತ್ಥ ಮರದ ಎಲೆಗಳನ್ನು ಕೊಂಚ ಹಾಲಿನಲ್ಲಿ ಬೇಯಿಸಿ. ಇದಕ್ಕೆ ಕೊಂಚ ಸಕ್ಕರೆ ಯನ್ನು ಬೆರೆಸಿ ದಿನಕ್ಕೆರಡು ಬಾರಿ ಕುಡಿಯಿರಿ. ಇದರಿಂದ ಶೀತ ಮತ್ತು ಜ್ವರ ಕಡಿಮೆಯಾಗುತ್ತದೆ.

ಅಸ್ತಮಾ ತೊಂದರೆ ಇದ್ದರೆ

ಕೆಲವು ಎಳೆಯ ಅಶ್ವತ್ಥ ಎಲೆಗಳನ್ನು ಅಥವಾ ಎಲೆಗಳ ಒಣ ಪುಡಿಯನ್ನು ಕೊಂಚ ಹಾಲಿನಲ್ಲಿ ಬೇಯಿಸಿ ದಿನಕ್ಕೆ ಎರಡು ಬಾರಿ ಕುಡಿಯುವುದರಿಂದ ಅಸ್ತಮಾ ರೋಗದಿಂದ ಬಳಲುತ್ತಿರುವವರಿಗೆ ಆರಾಮ ದೊರಕುತ್ತದೆ.

ಕಣ್ಣಿನಲ್ಲಿ ನೋವಿದ್ದರೆ

ಕಣ್ಣು ಕೆಂಪಗಾಗಿದ್ದು ನೋವಿನಿಂದ ಕೂಡಿದ್ದರೆ ಅಶ್ವತ್ಥ ಎಲೆ ಇದಕ್ಕೆ ಶಮನ ನೀಡಬಲ್ಲುದು. ಅಶ್ವತ್ಥ ಮರದ ಎಲೆಗಳ ಕೆಲವು ಹಸಿರು ಎಲೆಗಳನ್ನು ಅರೆದು ಹಿಂಡಿ ತೆಗೆದ ರಸದ ಕೆಲವು ತೊಟ್ಟುಗಳನ್ನು ಕಣ್ಣಿಗೆ ಬಿಟ್ಟುಕೊಳ್ಳುವುದರಿಂದ ಕಣ್ಣುನೋವು ಕಡಿಮೆಯಾಗುತ್ತದೆ.

ಹಲ್ಲುನೋವಿಗೆ

ಅಶ್ವತ್ಥ ಮರದ ಗೆಲ್ಲಿನ ತುದಿಯ ಭಾಗ ಅಥವಾ ಬೇರಿನ ಚಿಕ್ಕ ಭಾಗದ ತುದಿಯನ್ನು ಜಜ್ಜಿ ಇದನ್ನು ಹಲ್ಲುಜ್ಜಲು ಬಳಸುವ ಬ್ರಶ್ ನಂತೆ ಬಳಸುವುದರಿಂದ ಹಲ್ಲುಗಳಲ್ಲಿರುವ ಕಲೆಗಳು ನಿವಾರಣೆಯಾಗುತ್ತವೆ ಹಾಗೂ ಹಲ್ಲುಗಳ ಮತ್ತು ಒಸಡುಗಳ ಸಂಧಿಯಲ್ಲಿರುವ ಬ್ಯಾಕ್ಟೀರಿಯಾಗಳನ್ನೂ ಕೊಂದು ನಿವಾರಿಸಲು ನೆರವಾಗುತ್ತದೆ.

ಮೂಗಿನಿಂದ ರಕ್ತ ಸೋರುತ್ತಿದ್ದರೆ

ಕೆಲವು ಎಳೆಯ ಅಶ್ವತ್ಥ ಮರದ ಎಲೆಗಳನ್ನು ಅರೆದು ರಸ ಹಿಂಡಿ. ಈ ರಸವನ್ನು ಮೂಗಿನೊಳಗೆ ಬಿಟ್ಟುಕೊಳ್ಳುವ ಮೂಲಕ ಮೂಗಿನಿಂದ ಸೋರುವ ರಕ್ತ ನಿಲ್ಲುತ್ತದೆ.

ಕಾಮಾಲೆ ರೋಗದ ಶಮನಕ್ಕಾಗಿ

ಕೆಲವು ಅಶ್ವತ್ಥ ಎಲೆಗಳನ್ನು ಅರೆದು ರಸ ಹಿಂಡಿ ಕೊಂಚ ನೀರು ಹಾಗೂ ಸಕ್ಕರೆ ಬೆರೆಸಿ. ಈ ದ್ರವವನ್ನು ದಿನಕ್ಕೆ ಎರಡರಿಂದ ಮೂರು ಬಾರಿ ಕುಡಿಯುತ್ತಾ ಬಂದರೆ ಕಾಮಾಲೆ ರೋಗ ಹಾಗೂ ಇದರ ಪರಿಣಾಮಗಳು ಕಡಿಮೆಯಾಗುತ್ತಾ ಬರುತ್ತವೆ.

ಮಲಬದ್ಧತೆಗೆ

ಸಮಪ್ರಮಾಣದಲ್ಲಿ ಒಣ ಅಶ್ವತ್ಥ ಎಲೆಗಳ ಪುಡಿ ಹಾಗೂ ದೊಡ್ಡಜೀರಿಗೆ (ಬಡಾಸೊಪ್) ಪುಡಿ (anise seed powder) ಹಾಗೂ ಕೊಂಚ ಬೆಲ್ಲವನ್ನು ಒಂದು ಲೋಟ ಹಾಲಿನಲ್ಲಿ ಬೆರೆಸಿ ರಾತ್ರಿ ಮಲಗುವ ಮುನ್ನ ಕುಡಿಯಿರಿ. ಇದರಿಂದ ಮಲಬದ್ಧತೆಯ ತೊಂದರೆ ಇಲ್ಲವಾಗುತ್ತದೆ.

ಹೃದಯದ ತೊಂದರೆ ಇದ್ದರೆ

ಕೆಲವು ಅಶ್ವತ್ಥ ಮರದ ಎಲೆಗಳನ್ನು ಒಂದು ಗಾಜಿನ ಜಾಡಿಯಲ್ಲಿನ ನೀರಿನಲ್ಲಿ ಇಡಿಯ ರಾತ್ರಿ ನೆನೆಸಿಡಿ. ಈ ನೀರನ್ನು ಸೋಸಿ ದಿನದಲ್ಲಿ ಎರಡು ಅಥವಾ ಮೂರು ಬಾರಿ ಕುಡಿದು ಖಾಲಿ ಮಾಡಿ. ಇದರಿಂದ ಹೃದಯಾತಿಸ್ಪಂದನ ಹಾಗೂ ದುರ್ಬಲವಾಗಿರುವ ಹೃದಯವನ್ನು ಪುನಃ ಆರೋಗ್ಯವಂತವಾಗಿಸಲು ಸಾಧ್ಯವಾಗುತ್ತದೆ.

ಅತಿಸಾರ

ಒಂದು ಅಶ್ವತ್ಥ ಎಲೆ , ಕೆಲವು ಕೊತ್ತಂಬರಿ ಸೊಪ್ಪಿನ ಎಲೆಗಳು ಹಾಗೂ ಕೊಂಚ ಸಕ್ಕರೆಯನ್ನು ಬೆರೆಸಿ ನಿಧಾನವಾಗಿ ಜಗಿದು ನುಂಗಿ. ಇದರಿಂದ ಅತಿಸಾರದಿಂದ ತಕ್ಷಣವೇ ಆರಾಮ ದೊರಕುತ್ತದೆ.

ಮಧುಮೇಹದ ನಿಯಂತ್ರಣಕ್ಕೆ

ಅಶ್ವತ್ಥ ಎಲೆಗಳಿಗೆ ರಕ್ತದಲ್ಲಿನ ಸಕ್ಕರೆಯ ಪ್ರಮಾಣವನ್ನು ಕಡಿಮೆಗೊಳಿಸುವ ಶಕ್ತಿ ಇದೆ. ಅರಳಿ ಹಣ್ಣನ್ನು ಒಣಗಿಸಿ ಪುಡಿ ಮಾಡಿ. ಈ ಪುಡಿಯನ್ನು ಸಮಪ್ರಮಾಣದಲ್ಲಿ ಅಳಲೇಕಾಯಿ ಪುಡಿ (Haritaki fruit powder) ನೊಂದಿಗೆ ಬೆರೆಸಿ. (ಅಳಲೇಕಾಯಿ ಆಯುರ್ವೇದ ಅತ್ಯುತ್ತಮವೆಂದು ಬಣ್ಣಿಸಿದ ತ್ರಿಫಲಗಳಲ್ಲೊಂದಾಗಿದೆ) ಈ ಮಿಶ್ರಣವನ್ನು ನಿಯಮಿತವಾಗಿ ಸೇವಿಸುವ ಮೂಲಕ ಮಧುಮೇಹ ನಿಯಂತ್ರಣಕ್ಕೆ ಬರುತ್ತದೆ.