ಮೆದುಳಿನ ಶಕ್ತಿಯನ್ನೇ ಕುಗ್ಗಿಸುವ ಆಹಾರಗಳಿವು! ಯಾವುದಕ್ಕೂ ಎಚ್ಚರ...

ಆಹಾರದ ಗುಣ ಹೆಚ್ಚಿಸುವ ವಸ್ತುಗಳು

ನಮ್ಮ ಮೆದುಳಿಗೊಂದು ವಿಚಿತ್ರ ಶಕ್ತಿ ಇದೆ. ಅದೆಂದರೆ ತಿನ್ನುವ ಆಹಾರ ನೋಡಲು ಚೆನ್ನಾಗಿರಬೇಕು. ಇದೇ ಕಾರಣಕ್ಕೆ ಆಹಾರಗಳನ್ನು ಸಿದ್ಧಪಡಿಸಿದ ಬಳಿಕ ಇದನ್ನು ಹೇಗೆ ಅಲಂಕರಿಸುತ್ತೀರಿ ಎಂಬುದನ್ನೂ ಮುಖ್ಯವಾಗಿ ಪರಿಗಣಿಸಲಾಗುತ್ತದೆ.

ಆಹಾರದ ಗುಣ ಹೆಚ್ಚಿಸುವ ವಸ್ತುಗಳು

ಆಹಾರವಸ್ತುಗಳು ನೋಡಲಿಕ್ಕೆ ಚೆನ್ನಾಗಿರಬೇಕು ಎಂದು ಸೇರಿಸುವ ಕೃತಕ ಬಣ್ಣ, ರುಚಿ

ಹೆಚ್ಚಿಸಲು ಕೃತಕ ಸ್ವಾದಗಳು ಮೊದಲಾದವು ಆ ಕ್ಷಣಕ್ಕೆ ಆಹಾರವನ್ನು ಸೇವಿಸಲು ಮೆದುಳಿಗೆ ಪ್ರಚೋದನೆ ನೀಡಿದರೂ ಹೊಟ್ಟೆ ಸೇರಿದ ಬಳಿಕ ಮಾತ್ರ ಬೇರೆಯೇ ಕೆಲಸ ಮಾಡುತ್ತವೆ.

ಆಹಾರದ ಗುಣ ಹೆಚ್ಚಿಸುವ ವಸ್ತುಗಳು

ಬಹಳ ಕಾಲ ಈ ಕೃತಕ ಆಹಾರಗಳನ್ನು ಸೇವಿಸುತ್ತಾ ಇರುವ ಮೂಲಕ ಮೆದುಳಿಗೂ ಹಾನಿಯುಂಟಾಗುತ್ತದೆ. ಹುಳಿರುಚಿಯ ಶಿರ್ಕಾ, ಉಪ್ಪು, ಸಕ್ಕರೆ, ಕೃತಕ ರಾಸಾಯನಿಕಗಳನ್ನು ಸೇರಿಸಿರುವ ಸಿದ್ಧ ಆಹಾರಗಳೆಲ್ಲವೂ ಈ ಪಟ್ಟಿಗೆ ಸೇರುತ್ತವೆ.

ಮೋನೋಸೋಡಿಯಂ ಗ್ಲುಟಮೇಟ್

ನೋಡಲಿಕ್ಕೆ ಅಪ್ಪಟ ಉಪ್ಪಿನ ಪುಡಿಯಂತೆಯೇ ಇರುವ ಈ ರಾಸಾಯನಿಕ ನಾಲಿಗೆಯನ್ನು ಚುರುಗುಟ್ಟಿಸುವ ಮೂಲಕ ಆಹಾರದ ಸ್ವಾದವನ್ನು ಹೆಚ್ಚಿಸುತ್ತದೆ. ಆದರೆ ಹೊಟ್ಟೆಗೆ ಹೋದ ಬಳಿಕ ಇದು ರಕ್ತವನ್ನು ಸೇರಿ ಮೆದುಳನ್ನು ಸೇರಿದ ಬಳಿಕ ಮೆದುಳಿನ ಜೀವಕೋಶಗಳನ್ನು ನಷ್ಟಪಡಿಸುತ್ತದೆ. ವಿಶೇಷವಾಗಿ ಬೆಳೆಯುತ್ತಿರುವ ಮಕ್ಕಳಿಗೆ ಇದು ಅಪಾಯಕಾರಿಯಾಗಿದೆ.

ಆಹಾರ ಸಂರಕ್ಷಕಗಳು

ಇಂದು ದೊರೆಯುತ್ತಿರುವ ಹೆಚ್ಚಿನ ಆಹಾರವಸ್ತುಗಳಲ್ಲಿ ಇವು ಹೆಚ್ಚು ಕಾಲ ಕೆಡದೇ ಇರದಂತೆ ಕೆಲವು ಸಂರಕ್ಷಕಗಳನ್ನು ಸೇರಿಸಿರುತ್ತಾರೆ. ಇವುಗಳಲ್ಲಿ ಸಲ್ಫೈಟ್ ಎಂಬ ಕಣಗಳಿದ್ದು ಆಹಾರವನ್ನು ಸಂರಕ್ಷಿಸಿದರೂ ಹೊಟ್ಟೆಗೆ ಹೋದ ಬಳಿಕ ಅಲರ್ಜಿ, ತಲೆಸುತ್ತು, ಉಸಿರಾಟದಲ್ಲಿ ತೊಂದರೆ, ಆಮಶಂಕೆ ಮೊದಲಾದ ತೊಂದರೆಗಳನ್ನು ಹುಟ್ಟುಹಾಕುತ್ತದೆ. ಆಹಾರದಲ್ಲಿ ಹಳದಿ ಬಣ್ಣ ಬರಲು ಉಪಯೋಗಿಸುವ tartrazinea ಮತ್ತು benzoate ಎಂಬ ರಾಸಾಯನಿಕಗಳು ಚರ್ಮದಲ್ಲಿ ದದ್ದುಗಳೆದ್ದು ಕೆಂಪಗಾಗುವ urticaria ಎಂಬ ರೋಗ ಆವರಿಸಲು ಕಾರಣವಾಗಬಹುದು.

ಸಕ್ಕರೆಯ ಬದಲಿಗೆ ಬಳಸುವ ಆಸ್ಪರ್ಟೇಮ್ ಸಿಹಿಕಾರಕ

ಕೆಲವು ಪಾನೀಯಗಳಲ್ಲಿ ಸಕ್ಕರೆ ಇಲ್ಲದೇ 'ನೋ ಶುಗರ್' ಎಂದು ಕಣ್ಣಿಗೆ ಚೆನ್ನಾಗಿ ಕಾಣುವಂತೆ ಮುದ್ರಿಸಿ ಮಾರಲಾಗುತ್ತದೆ. ವಾಸ್ತವವಾಗಿ ಈ ಪಾನೀಯಗಳಲ್ಲಿ ಸಕ್ಕರೆಯ ಬದಲಿಗೆ ಆಸ್ಪರ್ಟೇಮ್ (aspartame) ಎಂಬ ರಾಸಾಯನಿಕವನ್ನು ಉಪಯೋಗಿಸಲಾಗುತ್ತದೆ. ಇದರ ಬಳಕೆಯ ವ್ಯಾಪ್ತಿ ಇಂದು ಎಷ್ಟು ಹೆಚ್ಚಿದೆಯೆಂದರೆ ಸುಮಾರು ಐದು ಸಾವಿರಕ್ಕೂ ಹೆಚ್ಚು ಉತ್ಪನ್ನಗಳಲ್ಲಿ ಇದನ್ನು ಬಳಸಲಾಗುತ್ತಿದೆ.

ಸಕ್ಕರೆಯ ಬದಲಿಗೆ ಬಳಸುವ ಆಸ್ಪರ್ಟೇಮ್ ಸಿಹಿಕಾರಕ

ಮಕ್ಕಳ ಚ್ಯೂಯಿಂಗ್ ಗಮ್ ನಿಂದ ಹಿಡಿದು ಜೆಲ್ಲಿ, ಸಿದ್ಧ ಲಘುಪಾನೀಯಗಳವರೆಗೆ ಇದನ್ನು ಸೇರಿಸಲಾಗುತ್ತದೆ. ಈ ಆಸ್ಪರ್ಟೇಮ್ ನಲ್ಲಿ aspartic acid ಮತ್ತು phenylalanine ಎಂಬ ಎರಡು ರಾಸಾಯನಿಕಗಳಿವೆ. ಇವೆರಡೂ ರಾಸಾಯನಿಕಗಳ ಜೋಡಿ ಹೊಟ್ಟೆ ಸೇರಿದ ಬಳಿಕ ಮದ್ಯ ಕುಡಿಸಿದ ಮಂಗನಂತೆ ವರ್ತಿಸಲು ಪ್ರಾರಂಭಿಸಿ ಮೆದುಳಿನ ಜೀವಕೋಶಗಳಿಗೆ ಹಾನಿ ಎಸಗುತ್ತವೆ.

ಮೀನಿನಲ್ಲಿರುವ ಪಾದರಸ

ಕೆಲವು ಮೀನುಗಳಲ್ಲಿ ಕೊಂಚ ಪ್ರಮಾಣದ ಪಾದರಸ ಇರುವ ಆಘಾತಕಾರಿ ಅಂಶ ಬೆಳಕಿಗೆ ಬಂದಿದೆ. ಇದು ಮೆದುಳಿನ ಮುಖ್ಯ ಭಾಗವಾದ cerebellum ಮೇಲೆ ಪ್ರಭಾವ ಬೀರಿ ಯೋಚನಾ ಶಕ್ತಿಯನ್ನು ಉಡುಗಿಸುತ್ತದೆ.

ಮೀನಿನಲ್ಲಿರುವ ಪಾದರಸ

ಕೆಲವು ಆಹಾರಗಳಲ್ಲಿರುವ ಟ್ರಾನ್ಸ್ ಫ್ಯಾಟ್ ಎಂಬ ಕೊಬ್ಬು ಸಹಾ ಇದೇ ರೀತಿಯ ಹಾನಿ ಎಸಗುತ್ತದೆ. ಆದ್ದರಿಂದ ಈ ಆಹಾರಗಳನ್ನು ಸೇವಿಸದಿರುವಂತೆ ಮೆದುಳಿನ ತಜ್ಞರು ಸಲಹೆ ಮಾಡುತ್ತಾರೆ.