ಕಣ್ಣಿಗೆ ಧೂಳು ಬಿದ್ದರೆ ಚಿಂತಿಸದಿರಿ, ಇಲ್ಲಿದೆ ಸರಳ ಟ್ರಿಕ್ಸ್

ಪಟಪಟನೇ ಕಣ್ಣು ಮಿಟುಕಿಸುವುದು

ಕಣ್ಣಿನಲ್ಲಿ ಕಸ ಬಿದ್ದರೆ ಪಟಪಟನೇ ಕಣ್ಣು ಮಿಟುಕಿಸುವುದರಿಂದ ಶಮನ ದೊರಕುತ್ತದೆ. ವಾಸ್ತವವಾಗಿ ಕಾರಿನ ಗಾಜಿನ ವೈಪರ್ ವೇಗ ಹೆಚ್ಚಿಸಿ ನೀರನ್ನು ಬೇಗಬೇಗನೇ ತೊಡೆಯುವಂತೆ ಕಸವನ್ನು ಕಣ್ಣಿನ ತಳಭಾಗಕ್ಕೆ ಇದರಿಂದ ನೂಕಲು ಸಾಧ್ಯ. ಬಳಿಕ ನಿಧಾನವಾಗಿ ಕಸವನ್ನು ಕಣ್ಣಿನ ತುದಿಯಿಂದ ನಿವಾರಿಸಬಹುದು. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಪಟಪಟನೇ ಕಣ್ಣು ಮಿಟುಕಿಸುವುದು

ಆದರೆ ಇದು ಸೂಕ್ಷ್ಮ ಧೂಳು ಮತ್ತು ನವಿರಾದ ಕಸವಾಗಿದ್ದರೆ ಮಾತ್ರ ಉಳಿತು. ದೊಣ್ಣ ಕಣ, ಉದಾಹರಣೆಗೆ ಮರಳು, ಗಾಳಿಯಲ್ಲಿ ಹಾರಿಬಂದ ಕಡ್ಡಿ, ಕಸ, ಹುಳ ಮೊದಲಾದವುಗಳಿಗೆ ಈ ವಿಧಾನ ಸೂಕ್ತವಲ್ಲ, ಮತ್ತು ಅಪಾಯಕರ ಸಹಾ.

ಕಣ್ರೆಪ್ಪೆಯನ್ನು ಮೇಲಕ್ಕೆತ್ತಿ ಕಸ ನಿವಾರಿಸಿ

ಕೆಲವೊಮ್ಮೆ ದೊಣ್ಣ ಕಣಗಳು ಕಣ್ಣಿಗೆ ಬಿದ್ದು ಆ ಕ್ಷಣದಲ್ಲಿಯೇ ಕಣ್ಣನ್ನು ಮಿಟುಕಿಸಿದ ಕಾರಣ ಆ ಕಸ ಕಣ್ರೆಪ್ಪೆಯ ಅಡಿಗೆ ತೂರಿಬಿಡುತ್ತದೆ. ಹೀಗಾದಾಗ ಬಹುತೇಕ ಜನರು ಮಾಡುವ ದೊಡ್ಡ ತಪ್ಪೆಂದರೆ ಕಣ್ಣನ್ನು ಉಜ್ಜಿಕೊಳ್ಳುವುದು. ಇದರಿಂದ ರೆಪ್ಪೆಯ ಒಳಭಾಗದಲ್ಲಿರುವ ಕಸ ಕಣ್ಣಿನ ಮಸೂರದ ಮೇಲೆ ಒತ್ತಡಹೇರಿ ಸೂಕ್ಷ್ಮ ಗೀರು ಮತ್ತು ಗಾಯವನ್ನುಂಟುಮಾಡುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಕಣ್ರೆಪ್ಪೆಯನ್ನು ಮೇಲಕ್ಕೆತ್ತಿ ಕಸ ನಿವಾರಿಸಿ

ಬದಲಿಗೆ ಕಣ್ರೆಪ್ಪೆಯನ್ನು ನಿಧಾನವಾಗಿ ಎತ್ತಿ ಕೆಳಗಿನ ರೆಪ್ಪೆಯ ಮೇಲೆ ಅಂಟಿಸಿ. ಆಗ ಮೇಲ್ರೆಪ್ಪೆಗೆ ಅಂಟಿಕೊಂಡಿದ್ದ ಕಸ ಕಳಗೆ ಅಂಟಿಕೊಂಡು ಸುಲಭವಾಗಿ ನಿವಾರಿಸಲು ಸಾಧ್ಯವಾಗುತ್ತದೆ. ಸ್ವತಃ ನಿವಾರಿಸಲು ಸಾಧ್ಯವಾಗದಿದ್ದಲ್ಲಿ ಯಾರದ್ದಾದರೂ ಸಹಾಯ ಪಡೆಯಿರಿ. ಒಮ್ಮೆಯೇ ನಿವಾರಿಸಲು ಸಾಧ್ಯವಾಗದಿದ್ದರೆ ಕೆಲವಾರು ಬಾರಿ ಪುನರಾವರ್ತಿಸಿ.

ತಣ್ಣೀರಿನಿಂದ ತೊಳೆದುಕೊಳ್ಳಿ

ಇದೊಂದು ಸುರಕ್ಷಿತವಾದ ವಿಧಾನವಾಗಿದೆ. ಧೂಳು ಚಿಕ್ಕದಾಗಿದ್ದರೆ ಅಂಗೈಯಲ್ಲಿ ನೀರು ತುಂಬಿಸಿ ಕಣ್ಣನ್ನು ಆ ನೀರಿನಲ್ಲಿ ಮುಳುಗಿಸಿ ಆ ನೀರಿನಲ್ಲಿ ತೆರೆದು ಮುಚ್ಚಬೇಕು. ಆಗ ಧೂಳು ನೀರಿನಲ್ಲಿ ಬಂದುಬಿಡುತ್ತದೆ. ಕಣ ದೊಡ್ಡದಾಗಿದ್ದರೆ ನಲ್ಲಿಯ ನೀರು ನಿಧಾನವಾಗಿ ತೆರೆದ ಕಣ್ಣುಗಳ ಮೂಲಕ ಹರಿಯುವಂತೆ ಮಾಡಬೇಕು. ಆದರೆ ಈ ನೀರು ತಣ್ಣಗೆ ಮತ್ತು ಸ್ವಚ್ಛವಾಗಿರುವುದು ಅಗತ್ಯ. ನೀರು ಕಣ್ಣಿಗೆ ಯಾವುದೇ ಹಾನಿ ಎಸಗುವುದಿಲ್ಲ.

ಹತ್ತಿಯ ಕಡ್ಡಿಯನ್ನು ಉಪಯೋಗಿಸಿ

ಒಂದು ವೇಳೆ ಕಣ ಕಣ್ಣುರೆಪ್ಪೆಯ ಅಡಿ ಸಿಲುಕಿಕೊಂಡಿದ್ದರೆ ಮೊದಲು ಮೇಲ್ರೆಪ್ಪೆಯನ್ನು ಮಡಚಿ ಒಳಭಾಗ ಹೊರಬರುವಂತೆ ಮಾಡಿ. ಸಾಮಾನ್ಯವಾಗಿ ಕಸ ಇಲ್ಲಿ ಅಂಟಿಕೊಂಡಿರುತ್ತದೆ. ಈಗ ಹತ್ತಿಯ ಕಡ್ಡಿಯನ್ನು ಉಪಯೋಗಿಸಿ ಈ ಕಸವನ್ನು ನಿವಾರಿಸಿ. ಕಡ್ಡಿ ಕಣ್ಣಿನ ಪಾಪೆಗೆ ತಾಕದಂತೆ ಎಚ್ಚರವಹಿಸಿ.

ಮನೆಯವರ ಸಹಾಯ ಪಡೆಯಿರಿ

ಒಂದು ವೇಳೆ ಕಣ ಸಾಕಷ್ಟು ದೊಡ್ಡದಾಗಿದ್ದು ಬಡಪೆಟ್ಟಿಗೆ ಮಣಿಯುವಂತೆ ಕಾಣದಿದ್ದರೆ ಸ್ವತಃ ನಿವಾರಿಸಲು ಹೋಗಬೇಡಿ. ಮನೆಯವರ ಸಹಾಯದಿಂದ ಕಣ್ಣುರೆಪ್ಪೆಯನ್ನು ಮೇಲೆಳೆದು ಹತ್ತಿಯ ಸುರುಳಿಯ ತುದಿ ಇರುವ ಕಣ್ಣಿಯನ್ನು ಉಪಯೋಗಿಸಿ ನವಿರಾಗಿ ಕಸವನ್ನು ಹೊರತೆಗೆಯಿರಿ. ಇದಕ್ಕೆ ಕೊಂಚ ಪರಿಣಿತಿ ಅಗತ್ಯ.