ಇದೇ ಕಾರಣಕ್ಕೆ 'ಅಸಿಡಿಟಿ' ಕಾಣಿಸಿಕೊಳ್ಳುವುದು, ನೆನಪಿಡಿ....

ಕಾಫಿ

ಕೆಲವರಿಗೆ ಬೆಳಿಗ್ಗೆ ಎದ್ದ ತಕ್ಷಣ ಕಾಫಿ ಕುಡಿಯುವ ಅಭ್ಯಾಸವಿರುತ್ತದೆ. ಆದರೆ ಖಾಲಿಹೊಟ್ಟೆಯಲ್ಲಿ ಕಾಫಿ ಕುಡಿಯುವ ಮೂಲಕ ಆಮ್ಲೀಯತೆ ಇನ್ನಷ್ಟು ಹೆಚ್ಚುತ್ತದೆ.

ಮದ್ಯಪಾನ

ಹುಳಿತೇಗು, ವಾಕರಿಕೆ ಮೊದಲಾದವುಗಳಿಗೆ ಮದ್ಯಪಾನ ನೇರವಾಗಿ ಕಾರಣವಾಗಿದೆ. ನಿಯಮಿತವಾಗಿ ಸೇವಿಸುವವರೂ ಆಗಾಗ ಸೇವಿಸುವವರೂ ಆಮ್ಲೀಯತೆಗೆ ಒಳಗಾಗುತ್ತಾರೆ. ರಾತ್ರಿ ಮಲಗುವ ಮುನ್ನ ಮದ್ಯಪಾನದ ಅಭ್ಯಾಸವಿರುವವರಿಗೆ ಮರುದಿನ ಆಮ್ಲೀಯತೆ ಖಾತರಿಯಾಗಿದೆ. ಪುರುಷರೇ ವಯಸ್ಸು ಮೂವತ್ತಾಯಿತೇ?, ಮದ್ಯಪಾನ ಬಿಟ್ಟು ಬಿಡಿ!

ಚ್ಯೂಯಿಂಗ್ ಗಮ್ ಮೆಲ್ಲುವುದು

ಇತ್ತೀಚಿನ ಸಂಶೋಧನೆಯೊಂದರ ಪ್ರಕಾರ ದಿನದ ಹೆಚ್ಚಿನ ಸಮಯ ಚ್ಯೂಯಿಂಗ್ ಗಮ್ ಮೆಲ್ಲುವ ಅಭ್ಯಾಸವುಳ್ಳವರು ಆಮ್ಲೀಯತೆಗೆ ಒಳಗಾಗುತ್ತಾರೆ. ವಿಶೇಷವಾಗಿ ಪುದೀನಾ ಅಥವಾ ಮಿಂಟ್ ಸ್ವಾದದ ಗಮ್ ಮೆಲ್ಲುವವರಲ್ಲಿ ಈ ಪ್ರಮಾಣ ಅತ್ಯಧಿಕವಿರುತ್ತದೆ.

ತಡರಾತ್ರಿ ಆಹಾರ ಸೇವನೆ

ಇನ್ನೊಂದು ಸಂಶೋಧನೆಯಲ್ಲಿ ಕಂಡುಕೊಂಡ ಪ್ರಕಾರ ತಡರಾತ್ರಿಯವರೆಗೆ ಎಚ್ಚರಾಗಿದ್ದು ಅನಾರೋಗ್ಯಕರ ಆಹಾರ ಸೇವಿಸುವುದು ಅಥವಾ ಊಟದ ತಕ್ಷಣ ಮಲಗುವುದು ಆಮ್ಲೀಯತೆ ಹೆಚ್ಚಿಸುತ್ತದೆ. ಏಕೆಂದರೆ ಮಲಗಿದ ಬಳಿಕ ಅಡ್ದಲಾಗಿದ್ದ ಅನ್ನನಾಳದಿಂದ ಅರೆಜೀರ್ಣಗೊಂಡ ಆಹಾರ ಹಿಂದೆ ಬರಲು ಸುಲಭವಾಗುತ್ತದೆ. ಇದು ಎದೆಯುರಿ ಮತ್ತು ಹುಳಿತೇಗಿಗೆ ಕಾರಣವಾಗುತ್ತದೆ.

ಲಗುಬಗನೇ ತಿನ್ನುವುದು

ಕೆಲಸದ, ಪ್ರಯಾಣ, ಬೇಗ ತಲುಪುವ ಆತುರದಲ್ಲಿ ಲಗುಬಗನೇ ತಿನ್ನುವ ಮೂಲಕವೂ ಆಮ್ಲೀಯತೆಯುಂಟಾಗುತ್ತದೆ. ಏಕೆಂಅರೆ ಈ ಮೂಲಕ ಆಹಾರ ಲಾಲಾರಸದಲ್ಲಿ ಸಾಕಷ್ಟು ಬೆರೆತಿರುವುದಿಲ್ಲ. ಅರ್ಧಬರ್ಧ ಅರೆದಿದ್ದ ಆಹಾರ ಹೊಟ್ಟೆ ಸೇರಿದಾಗ ಇಲ್ಲಿಯೂ ಅಜೀರ್ಣವಾಗಿ ಆಮ್ಲೀಯತೆ ಉಂಟಾಗುತ್ತದೆ.

ಧೂಮಪಾನ

ಆಮ್ಲೀಯತೆಗೆ ಧೂಮಪಾನವೂ ಇನ್ನೊಂದು ಕಾರಣವಾಗಿದೆ. ಹೊಗೆ ಶ್ವಾಸಕೋಶಗಳಿಗೆ ತಲುಪಿದರೂ ಬೂದಿ ಮತ್ತು ಇತರ ಕಣಗಳು ಹೊಟ್ಟೆ ಸೇರಬಹುದು. ಇದು ಹೊಟ್ಟೆಯಲ್ಲಿ ಆಮ್ಲೀಯತೆಗೆ ಕಾರಣವಾಗುತ್ತದೆ.