ವಾಂತಿ ಸಮಸ್ಯೆ-ನೀವು ತಿಳಿಯಲೇಬೇಕಾದ ಸತ್ಯ ಸಂಗತಿಗಳು!

ಮಾಹಿತಿ #1

ಕೆಲವೊಮ್ಮೆ ವೈರಲ್ ಜ್ವರ ಆವರಿಸಿದರೆ ವಾಂತಿ ಕಾಡುತ್ತದೆ. ಮಕ್ಕಳಲ್ಲಿ ಈ ಪ್ರಕ್ರಿಯೆ ಹೆಚ್ಚಾಗಿ ಕಂಡುಬರುತ್ತದೆ. ವಾಂತಿಗೆ ಹೊಟ್ಟೆಯ ಆಮ್ಲ ಹಿಮ್ಮೆಟ್ಟುವುದು,ಮೈಗ್ರೇನ್ ತಲೆನೋವು, ಗಂಟಲಲ್ಲಿ ಸೋಂಕು ಸಹಾ ವಾಂತಿ ತರಿಸಬಹುದು.

ಮಾಹಿತಿ #2

ವಾಂತಿಯಾದ ತಕ್ಷಣ ದ್ರವ ಯಾವ ಬಣ್ಣದಲ್ಲಿದೆ ಎಂಬುದನ್ನು ಗಮನಿಸಬೇಕು. ಸಾಮಾನ್ಯವಾಗಿ ಜೀರ್ಣವಾದ ಆಹಾರದ ವಾಸನೆ ಹಿತಕರವಾಗಿರುವುದಿಲ್ಲ. ಆದರೂ ಕೊಂಚ ಸಹನೆ ವಹಿಸಿ ಬಣ್ಣವನ್ನು ಗಮನಿಸಬೇಕು. ಏಕೆಂದರೆ ಬಣ್ಣ ಹಲವು ಮಾಹಿತಿಗಳನ್ನು ನೀಡುತ್ತದೆ.

ಮಾಹಿತಿ #2

ಒಂದು ವೇಳೆ ಕಪ್ಪು ಅಥವಾ ಕೆಂಪು ಬಣ್ಣದಲ್ಲಿದ್ದರೆ ಇದರಲ್ಲಿ ರಕ್ತ ಇರುವ ಸಾಧ್ಯತೆ ಇದ್ದು ಇದು ಯಾವುದೋ ರೋಗದ ಮಾಹಿತಿಯನ್ನೂ ನೀಡಬಹುದು. (ನೂರೆಂಟು ನೆನಪು ಎದೆಯಾಳದಿಂದ ದಂತಹ ಹಾಡಿಗೆ ಪ್ರೇರಣೆಯನ್ನೂ ನೀಡಬಹುದು). ತಕ್ಷಣ ವೈದ್ಯರ ತಪಾಸಣೆ ಅಗತ್ಯವಾಗಿದೆ.

ಮಾಹಿತಿ #3

ಒಂದು ಅರ್ಥದಲ್ಲಿ ವಾಂತಿ ಒಳ್ಳೆಯದೇ. ಏಕೆಂದರೆ ಜೀರ್ಣಗೊಂಡ ಆಹಾರದಲ್ಲಿ ಸೋಂಕು ತಗಲುವ ಸಾಧ್ಯತೆಯಿದ್ದರೆ ವಾಂತಿಯ ಮೂಲಕ ಈ ಅಪಾಯ ದೂರವಾಗುತ್ತದೆ.

ಮಾಹಿತಿ #4

ವಾಂತಿಯನ್ನು ಕಲ್ಪಿಸಿಕೊಂಡು ಒಂದು ಭಯವೂ ಇದೆ. ಇದೇ emetophobia. ಈ ಭಯವಿರುವ ವ್ಯಕ್ತಿಗಳು ತಾವು ವಾಂತಿ ಮಾಡಿಕೊಳ್ಳಲೂ ಹೆದರುತ್ತಾರೆ ಅಥವಾ ಇತರರು ವಾಂತಿ ಮಾಡುವುದನ್ನು ನೋಡಿದರೂ ಭಯಪಡುತ್ತಾರೆ. ಕೆಲವೊಮ್ಮೆ ಈ ಭಯ ಪ್ರಾಣಕ್ಕೂ ಅಪಾಯಕಾರಿಯಾಗಬಹುದು.

ಮಾಹಿತಿ #5

ಒಂದು ವೇಳೆ ವಾಂತಿಯ ಕಾರಣವನ್ನು ಕಂಡುಕೊಂಡು ಸೂಕ್ತ ಚಿಕಿತ್ಸೆ ಪಡೆಯದೇ ಇದ್ದರೆ ಇದರಿಂದ ದೇಹದಲ್ಲಿ ಅತೀವವಾದ ದ್ರವದ ಕೊರತೆಯುಂಟಾಗಿ ದೇಹದ ಹಲವು ಪ್ರಮುಖ ಅಂಗಗಳು ನಿಷ್ಫಲಗೊಳ್ಳುವ ಸಾಧ್ಯತೆ ಇದೆ.

ಮಾಹಿತಿ #6

ಕೆಲವು ಜನರಲ್ಲಿ ವಾಂತಿ ಒಂದು ನಿಯಮಿತವಾದ ಪ್ರಕ್ರಿಯೆಯಂತೆ ಕಂಡುಬರುತ್ತದೆ. ಅಂದರೆ ಇವರು ದಿನದ ಅಥವಾ ವಾರದ ಒಂದು ನಿಗದಿತ ಅವಧಿಯಲ್ಲಿ ತಪ್ಪದೇ ವಾಂತಿಯಾಗುತ್ತದೆ. ಈ ವಿದ್ಯಮಾನ ಇಂದಿಗೂ ಬಗೆಹರಿಯದ ರಹಸ್ಯವಾಗಿದೆ.

ಮಾಹಿತಿ #7

ಇನ್ನೊಂದು ಸಂಶೋಧನೆಯಲ್ಲಿ ಕಂಡುಕೊಂಡಂತೆ ಉದ್ವೇಗ, ಖಿನ್ನತೆ ಮೊದಲಾದ ಮಾನಸಿಕ ತೊಂದರೆಗಳಿಂದ ಬಳಲುವವರು ಹೆಚ್ಚು ವಾಂತಿ ಮಾಡಿಕೊಳ್ಳುತ್ತಾರೆ. ಮೆದುಳಿನಲ್ಲಿ ಆಗುವ ಕೆಲವು ರಾಸಾಯನಿಕ ಕ್ರಿಯೆಗಳು ವಾಂತಿಗೆ ಪ್ರಚೋದನೆ ನೀಡುವುದೇ ಇದಕ್ಕೆ ಕಾರಣ.