ಪ್ರಯಾಣದ ವೇಳೆಯಲ್ಲಿ ವಾಂತಿಯ ಸಮಸ್ಯೆಗೆ ಪರಿಹಾರವೇನು?

ಶುಂಠಿ

ಶುಂಠಿ ವಾಂತಿ ನಿರೋಧಕ(ಇದು ವಾಂತಿ ಬರದಂತೆ ತಡೆಯುವುದು). ಇದು ಜೀರ್ಣಕ್ರಿಯೆಗೂ ಒಳ್ಳೆಯದು.ವಾಂತಿ ಮಾಡಿಕೊಳ್ಳುವ ಲಕ್ಷಣವಿದ್ದರೆ ಪ್ರಯಾಣಕ್ಕೆ ಮೊದಲು ಶುಂಠಿ ಚಾ ಕುಡಿಯಿರಿ. ಗರ್ಭಧಾರಣೆ ವೇಳೆ ಉಂಟಾಗುವಂತಹ ವಾಂತಿಯನ್ನು ತಡೆಯಲು ಇದು ಅತೀ ಉತ್ತಮ ಮತ್ತು ಸುರಕ್ಷಿತ ನೈಸರ್ಗಿಕ ವಿಧಾನ.

ಆ್ಯಪಲ್ ಸಿಡರ್ ವಿನೇಗರ್

ಒಂದು ಕಪ್ ನೀರಿಗೆ ಒಂದು ಚಮಚದಷ್ಟು ಆ್ಯಪಲ್ ಸೀಡರ್ ವಿನೇಗರ್ ಹಾಕಿ. ನೀವು ಪ್ರಯಾಣಿಸುವ ಮೊದಲು ಅಥವಾ ನಿಮಗೆ ಪ್ರಯಾಣದ ವೇಳೆ ಪಿತ್ತೋದ್ರೇಕವಾಗುವಂತಿದ್ದರೆ ಈ ನೀರಿನಿಂದ ಬಾಯಿ ತೊಳೆಯಿರಿ. ಇದು ಪಿತ್ತೋದ್ರೇಕ ಮತ್ತು ವಾಂತಿಯಾಗುವುದನ್ನು ನಿಲ್ಲಿಸುತ್ತದೆ.

ಪುದೀನಾ

ವಾಂತಿಯಾಗುವುದನ್ನು ತಡೆಯಲು ಪುದೀನಾ ಚಾ ತುಂಬಾ ಸಹಾಯಕಾರಿ. ಹಸಿ ಅಥವಾ ಒಣಗಿಸಿದ ಪುದೀನಾ ಎಲೆಗಳನ್ನು ನೀರಿನಲ್ಲಿ ಕುದಿಸಿ ಅದಕ್ಕೆ ಜೇನಿನ ಹನಿಯನ್ನು ಹಾಕಿದರೆ ಸುಲಭವಾಗಿ ಪುದೀನಾ ಚಹಾ ತಯಾರಿಸಬಹುದು. ಪ್ರಯಾಣದ ವೇಳೆ ಪುದೀನಾ ಎಲೆಗಳನ್ನು ಜಗಿಯಬಹುದು. ಇದರ ಸುವಾಸನೆಯಿಂದಲೂ ವಾಂತಿಯನ್ನು ತಡೆಯಬಹುದು.

ಅಕ್ಕಿ ನೀರು

ಅಕ್ಕಿ ನೀರು ಪಿಷ್ಟಭರಿತವಾಗಿದೆ ಮತ್ತು ಹೊಟ್ಟೆಯಲ್ಲಿ ತಳಮಳ ಉಂಟುಮಾಡುವ ಆ್ಯಸಿಡ್ ಗಳನ್ನು ಇದು ತಟಸ್ಥಗೊಳಿಸುತ್ತದೆ ಇದರಿಂದ ಪಿತ್ತೋದ್ರೇಕ ಮತ್ತು ವಾಂತಿ ನಿಲ್ಲುತ್ತದೆ. ನೀರಿನಲ್ಲಿ ಬಿಳಿ ಅಕ್ಕಿಯನ್ನು ಬೇಯಿಸಿ ಮತ್ತು ಸ್ವಲ್ಪ ಸಮಯ ಬೇಯಲು ಬಿಡಿ. ಅದು ತಂಪಾದ ಬಳಿಕ ಅಕ್ಕಿಯ ನೀರನ್ನು ತೆಗೆಯಿರಿ. ಇದು ವಾಂತಿಯಿಂದ ತಕ್ಷಣ ಪರಿಹಾರ ನೀಡುತ್ತದೆ.

ಈರುಳ್ಳಿ ರಸ

ಇದು ವಾಂತಿ ಮತ್ತು ಪಿತ್ತೋದ್ರೇಕವನ್ನು ಕ್ಷಣಮಾತ್ರದಲ್ಲಿ ನಿಲ್ಲಿಸುತ್ತದೆ. ಮಿಕ್ಸಿಗೆ ಹಾಕಿ ಕೆಲವು ಈರುಳ್ಳಿಗಳನ್ನು ಪುಡಿಮಾಡಿ ಮತ್ತು ಅದರಿಂದ ರಸ ತೆಗೆಯಿರಿ. ಇದಕ್ಕೆ ನೀವು ಪುದೀನಾ ಸಾರವನ್ನು ಸೇರಿಸಬಹುದು. ಈ ಮಿಶ್ರಣವು ಪಿತ್ತೋದ್ರೇಕ ಮತ್ತು ವಾಂತಿಯನ್ನು ನಿಲ್ಲಿಸುವಲ್ಲಿ ಅದ್ಭುತವಾಗಿ ಕೆಲಸ ಮಾಡಲಿದೆ.

ಕಾಳುಮೆಣಸು ಮತ್ತು ಲಿಂಬೆ

ಇದು ತಲೆನೋವು, ಪಿತ್ತೋದ್ರೇಕ ಮತ್ತು ತಲೆತಿರುಗುವಿಕೆಯನ್ನು ತಡೆಯುತ್ತದೆ. ಉಪ್ಪು ಅಥವಾ ಕರಿಮೆಣಸನ್ನು ಬಿಸಿಯಾದ ಲಿಂಬೆರಸದೊಂದಿಗೆ ಮಿಶ್ರಣ ಮಾಡಿ ಮತ್ತು ಪ್ರಯಾಣಕ್ಕೆ ಮೊದಲು ಇದನ್ನು ಕುಡಿಯಿರಿ. ಇದು ಪಿತ್ತೋದ್ರೇಕ ಮತ್ತು ವಾಂತಿಯನ್ನು ತಡೆಯುತ್ತದೆ.