ಚಳಿಗಾಲದಲ್ಲಿ ಕಾಡುವ ಮೂಳೆ ಸಂದುಗಳ ನೋವು! ಪರಿಹಾರವೇನು?

ಸಂದು ನೋವು ಹೇಗೆ ಬರುತ್ತದೆ?

ನಮ್ಮ ಮೂಳೆಗಳು ದೃಢವಾಗಿದ್ದರೂ ಎರಡು ಮೂಳೆಗಳು ಕೂಡುವಲ್ಲಿ, ಅಂದರೆ ಮಡಚುವಲ್ಲಿ ಕೀಲಿನ ಆಕೃತಿಯಲ್ಲಿದ್ದು ಈ ಭಾಗ ಸಾಕಷ್ಟು ಮೃದುವಾಗಿರುತ್ತದೆ. ಮೂಳೆಗಳು ಪರಸ್ಪರ ಜಾರಲು ಜಾರುಕದಂತಹ ದ್ರವ ಸದಾ ಇಲ್ಲಿ ಇರಬೇಕು. ಚಳಿಗಾಲದಲ್ಲಿ ಈ ದ್ರವ ಕೊಂಚ ಗಟ್ಟಿಯಾಗಿ ಮೃದುಭಾಗವೂ ಗಟ್ಟಿಯಾಗುತ್ತದೆ. ಇದರಿಂದ ಈ ಭಾಗಕ್ಕೆ ಅಂಟಿಕೊಂಡಿದ್ದ ನರಾಗ್ರಗಳು ಕೊಂಚ ಒತ್ತಡಕ್ಕೇ ಸಂವೇದನೆ ನೀಡುತ್ತವೆ. ಇದೇ ಸಂದುನೋವು.

ಆಹಾರದಲ್ಲಿ ಒಮೆಗಾ-3 ಕೊಬ್ಬಿನ ಆಮ್ಲವಿರಲಿ

ಒಮೆಗಾ-3 ಕೊಬ್ಬಿನ ಆಮ್ಲ ಇರುವ ಆಹಾರಗಳನ್ನು ನಿಮ್ಮ ದಿನದ ಆಹಾರಗಳಲ್ಲಿ ಕಡ್ಡಾಯವಾಗಿ ಇರುವಂತೆ ನೋಡಿಕೊಳ್ಳಿ. ಈ ಆಮ್ಲಗಳು ಉತ್ತಮ ಉರಿಯೂತ ನಿವಾರಕವಾಗಿದ್ದು ಮೂಳೆಗಳು ಚಳಿಗಾಲದಲ್ಲಿ ಪೆಡಸಾಗುವುದನ್ನು ತಡೆಯುತ್ತದೆ.

ಒಮೆಗಾ-3 ಆಹಾರಗಳು....

ಸಾಲ್ಮನ್ ಮೀನು, ಮೀನಿನೆಣ್ಣೆ, ಅಕ್ರೋಟು ಮೊದಲಾವುಗಳಲ್ಲಿ ಈ ಆಮ್ಲ ಹೇರಳವಾಗಿದ್ದು ನಿತ್ಯವೂ ಕೊಂಚ ಪ್ರಮಾಣದಲ್ಲಿ ಸೇವಿಸುವ ಮೂಲಕ ಈ ತೊಂದರೆಯಿಂದ ರಕ್ಷಣೆ ಪಡೆಯಬಹುದು.

ನಿಮ್ಮ ಆಹಾರದಲ್ಲಿ ಇಡಿಯ ಕಾಳುಗಳಿರಲಿ

ಇಡಿಯ ಕಾಳುಗಳಲ್ಲಿ ಹೆಚ್ಚಿನ ನಾರಿನಂಶವಿರುತ್ತದೆ. ಅಲ್ಲದೇ ಇದರೊಂದಿಗೆ ವಿಟಮಿನ್, ಕ್ಯಾಲ್ಸಿಯಂ, ಕಬ್ಬಿಣ ಮೊದಲಾದ ಪೋಷಕಾಂಶಗಳೂ ಇರುತ್ತವೆ. ಆದ್ದರಿಂದ ಚಳಿಗಾಲದಲ್ಲಿ ಕಡ್ಡಾಯವಾಗಿ ಈ ಧಾನ್ಯಗಳನ್ನು ಸೇವಿಸುವ ಮೂಲಕ ಆರೋಗ್ಯವೂ ವೃದ್ಧಿಸುವುದಲ್ಲದೇ ಮೂಳೆಸಂಧುಗಳ ನೋವೂ ಇಲ್ಲವಾಗುತ್ತದೆ.

ಒಣಫಲಗಳನ್ನು ಸೇವಿಸಿ

ಒಣಫಲಗಳಲ್ಲಿ ಉತ್ತಮವಾದ ಕೊಬ್ಬು ಮತ್ತು ಇತರ ಪೋಷಕಾಂಶಗಳಿದ್ದು ಮೂಳೆಸಂದುಗಳ ನೋವಿನಿಂದ ರಕ್ಷಣೆ ನೀಡುತ್ತವೆ.

ಒಣಫಲಗಳನ್ನು ಸೇವಿಸಿ

ವಿಶೇಷವಾಗಿ ಈ ಪೋಷಕಾಂಶಗಳು ಮೂಳೆಗಳನ್ನು ಸವೆತದಿಂದ ರಕ್ಷಿಸುವ ಮೂಲಕ ಸಂಧುನೋವು ಬರದಂತೆ ನೋಡಿಕೊಳ್ಳುತ್ತವೆ.

ವ್ಯಾಯಾಮ ಮಾಡುತ್ತಿರಿ

ಚಳಿಗಾಲದಲ್ಲಿ ಸುಲಭ ವ್ಯಾಯಾಮಗಳಾದ ನಡೆದಾಟ, ಸೈಕಲ್ ಸವಾರಿ ಮತ್ತು ಇತರ ಮೈ ಬೆಚ್ಚಗಾಗಿಸುವ ಸುಲಭ ವಿಧಾನಗಳನ್ನು ಅನುಸರಿಸಿ. ಇದರಿಂದ ರಕ್ತಪರಿಚಲನೆ ಉತ್ತಮವಾಗಿರುವುದಲ್ಲದೇ ಸಂಧುನೋವು ಬರದಂತೆ ಇರಲೂ ನೆರವಾಗುತ್ತದೆ.

ವಿಟಮಿನ್ ಡಿ ಪ್ರಮಾಣ ಹೆಚ್ಚಿಸಿ

ವಿಟಮಿನ್ ಡಿ ಹೆಚ್ಚಿರುವ ಹಾಲು, ಹಾಲಿನ ಉತ್ಪನ್ನಗಳು, ಬ್ರೋಕೋಲಿ ಮೊದಲಾದ ತರಕಾರಿಗಳನ್ನು ನಿಮ್ಮ ನಿತ್ಯದ ಆಹಾರಗಳ ಮೂಲಕ ಸೇವಿಸಿ. ಇದರೊಂದಿಗೆ ಸಾಕಷ್ಟು ಬಿಸಿಲಿಗೆ ಒಡ್ಡಿಕೊಳ್ಳುವುದೂ ಅಗತ್ಯ.

ವಿಟಮಿನ್ ಡಿ ಪ್ರಮಾಣ ಹೆಚ್ಚಿಸಿ

ವಿಟಮಿನ್ ಡಿ ಲಭ್ಯತೆಯಿಂದ ಮೂಳೆಗಳು ದೃಢಗೊಳ್ಳುವುದು ಹಾಗೂ ಮೂಳೆಸಂದುಗಳಿಗೆ ಹೆಚ್ಚಿನ ಜಾರುಕ ಗುಣವನ್ನು ನೀಡುವ ಮೂಲಕ ಸಂಧುನೋವಿನ ತೊಂದರೆ ಬರದಂತೆ ತಡೆಯಬಹುದು.