ಪ್ರತಿದಿನ ಮಲಗುವ ಮುನ್ನ ಹಲ್ಲುಜ್ಜಿ-ವೈದ್ಯರಿಂದ ದೂರವಿರಿ!

ದಂತಕುಳಿ ತಡೆ

ರಾತ್ರಿ ವೇಳೆ ಹಲ್ಲುಜ್ಜುವುದರಿಂದ ಬಾಯಿಯಲ್ಲಿ ಬ್ಯಾಕ್ಟೀರಿಯಾ ಶೇಖರಣೆಯಾಗುವುದು ತಪ್ಪುವುದು. ಪದರಗಳಿಂದಾಗಿ ನಿರ್ಮಾಣವಾಗುವ ದಂತಕುಳಿಯನ್ನು ತಡೆಯುವುದು. ಬಾಯಿಯ ಸಮಸ್ಯೆಯನ್ನು ನಿವಾರಣೆ ಮಾಡಲು ರಾತ್ರಿ ಮಲಗುವ ಮೊದಲು ಹಲ್ಲುಜ್ಜುವುದನ್ನು ಮರೆಯಬೇಡಿ.

ಒಸಡಿನ ರೋಗಗಳ ಅಪಾಯವಿರಲ್ಲ

ದಿನದಲ್ಲಿ ಎರಡು ಸಲ ಹಲ್ಲುಜ್ಜುವುದರಿಂದ ಬಾಯಿಯ ಆರೋಗ್ಯವನ್ನು ಸುಧಾರಿಸುವುದರೊಂದಿಗೆ ಒಸಡು ಮತ್ತು ಹಲ್ಲಿನ ಸಮಸ್ಯೆಗಳನ್ನು ನಿವಾರಣೆ ಮಾಡುವುದು.

ಒಸಡಿನ ರೋಗಗಳ ಅಪಾಯವಿರಲ್ಲ

ರಾತ್ರಿ ವೇಳೆ ಹಲ್ಲುಜ್ಜದೆ ಇದ್ದಾಗ ಹಲ್ಲುಗಳಲ್ಲಿ ಆಹಾರದ ಕಣಗಳು ತುಂಬಿಕೊಂಡು ಟಾರ್ಟರ್ ನಿರ್ಮಾಣ ಮಾಡುತ್ತದೆ. ಇದರಿಂದ ಒಸಡುಗಳಲ್ಲಿ ಉರಿಯೂತ ಮತ್ತು ರಕ್ತಸ್ರಾವ ಕಾಣಿಸಿಕೊಳ್ಳುವುದು.

ಬಾಯಿ ವಾಸನೆ ನಿವಾರಣೆ

ಬೆಳಿಗ್ಗೆ ಎದ್ದ ಕೂಡಲೇ ಬಾಯಿಯು ದುರ್ವಾಸನೆ ಬೀರಲು ಕಾರಣ ರಾತ್ರಿ ಹಲ್ಲುಜ್ಜದೆ ಇರುವುದು. ಹಲ್ಲುಗಳ ಸಂಧಿನಲ್ಲಿರುವ ಆಹಾರದ ಕಣಗಳಲ್ಲಿ ಬ್ಯಾಕ್ಟೀರಿಯಾ ಉತ್ಪತ್ತಿಯಾಗಿ ಅದು ಬಿಡುಗಡೆ ಮಾಡುವ ರಾಸಾಯನಿಕದಿಂದ ವಾಸನೆ ಬರುತ್ತದೆ. ಬಾಯಿಯ ಕೆಟ್ಟ ವಾಸನೆ ನಮಗೆ ಮುಜುಗರ ಉಂಟು ಮಾಡುವುದು. ಬಾಯಿ ದುರ್ವಾಸನೆ ತಡೆಗೆ, ಸ್ಟೆಪ್ ಬೈ ಸ್ಟೆಪ್ ಟಿಪ್ಸ್

ತೂಕ ಕಳೆದುಕೊಳ್ಳಲು ಸಹಕಾರಿ

ರಾತ್ರಿ ಮಲಗುವ ಮುನ್ನ ಹಲ್ಲುಜ್ಜುದರಿಂದ ಹುಮ್ಮಸ್ಸು ಬರುವುದು ಮತ್ತು ತಡರಾತ್ರಿ ಮತ್ತೆ ಏನಾದರೂ ತಿನ್ನುವುದರಿಂದ ತಡೆಯುತ್ತದೆ. ಕ್ಯಾಲೋರಿ ಸೇವನೆ ಕಡಿಮೆಯಾದರೆ ಅದರಿಂದ ತೂಕ ಕಳೆದುಕೊಳ್ಳಲು ನೆರವಾಗುವುದು.

ಹೃದಯದ ರಕ್ಷಣೆ

ಬಾಯಿಯ ಆರೋಗ್ಯವು ಹೃದಯದ ಆರೋಗ್ಯದ ಮೇಲೂ ಪರಿಣಾಮ ಬೀರಬಲ್ಲದು. ಟಾರ್ಟರ್ ಮತ್ತು ಪದರಗಳಿಗೆ ಕಾರಣವಾಗುವಂತಹ ಬ್ಯಾಕ್ಟೀರಿಯಾಗಳು ರಕ್ತನಾಳಗಳನ್ನು ಸೇರಿಕೊಂಡು ಹೃದಯದಲ್ಲಿನ ರಕ್ತನಾಳಗಳಲ್ಲಿ ತಡೆ ಉಂಟು ಮಾಡಬಹುದು.

ಹೃದಯದ ರಕ್ಷಣೆ

ಇದರಿಂದ ಹೃದಯದೊಳಗೆ ರಕ್ತಸ್ರಾವವಾಗಿ ಅಪಧಮನಿಗಳು ಛಿದ್ರವಾಗುವಂತೆ ಮಾಡಿ ಹೃದಯದ ಸಮಸ್ಯೆಗೆ ಕಾರಣವಾಗಬಹುದು. ನೆನಪಿಡಿ: ಪುಟ್ಟ ಹೃದಯದ ಆರೋಗ್ಯವನ್ನು ಕಡೆಗಣಿಸದಿರಿ!