ಬೇಸಿಗೆಯಲ್ಲಿ ಒಳ ಉಡುಪು ಧರಿಸದಿರುವುದೇ ಒಳ್ಳೆಯದಂತೆ!

ಪುರುಷರಿಗೆ

ಸೆಖೆಯ ಸಮಯದಲ್ಲಿ ಜನನಾಂಗಗಳಿಗೆ ಹೆಚ್ಚಿನ ಗಾಳಿ ಮತ್ತು ತಂಪು ಬೇಕಾಗುತ್ತದೆ. ವಾಸ್ತವವಾಗಿ ವೀರ್ಯದ ಉತ್ಪಾದನೆಗೆ ಶರೀರಕ್ಕಿಂತ ಕೊಂಚ ಕಡಿಮೆ ತಾಪಮಾನದ ಅಗತ್ಯವಿದ್ದು ಇದೇ ಕಾರಣಕ್ಕೆ ವೃಷಣಗಳು ದೇಹದಿಂದ ಹೊರಗೆ ಚಾಚಿಕೊಂಡಿವೆ. ಆದ್ದರಿಂದ ದಿನದ ಇಪ್ಪತ್ತನಾಲ್ಕೂ ಗಂಟೆ, ವರ್ಷಪೂರ್ತಿ ಒಳ ಉಡುಪನ್ನು ತೊಟ್ಟೇ ಇರುವುದು ಮಾತ್ರ ಸರ್ವಥಾ ಆರೋಗ್ಯಕರವಲ್ಲ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಪುರುಷರಿಗೆ

ಇದು ವೃಷಣಗಳ ತಾಪಮಾನವನ್ನು ಹೆಚ್ಚಿಸಿ ಪೌರುಷ ಮತ್ತು ವೀರ್ಯಾಣುಗಳ ಸಂಖ್ಯೆ, ಗುಣಮಟ್ಟವನ್ನು ಕುಂದಿಸುತ್ತದೆ. ಒಳ ಉಡುಪು ಇಲ್ಲದಿದ್ದಾಗ ರಕ್ತಸಂಚಾರ ಉತ್ತಮಗೊಂಡು ಜನನಾಂಗಗಳ ಕ್ಷಮತೆ ಉತ್ತಮವಾಗಿರುತ್ತದೆ.

ಮಹಿಳೆಯರಿಗೆ

ದಿನದ ಸಾಕಷ್ಟು ಸಮಯ ಒಳ ಉಡುಪು ಧರಿಸದೇ ಇರುವ ಮೂಲಕ ಜನನಾಂಗಗಳ ಸುತ್ತಲ ಮಾಂಸಖಂಡಗಳು ಸಡಿಲಗೊಂಡು ರಕ್ತಪರಿಚಲನೆ ಉತ್ತಮಗೊಳ್ಳುತ್ತದೆ ಹಾಗೂ ಸ್ವಚ್ಛಗೊಳ್ಳಲು ನೆರವಾಗುತ್ತದೆ. ತಂಪಾದ ಗಾಳಿಯಾಡುವ ಮೂಲಕ ಕೆಳಹೊಟ್ಟೆಯ ಭಾಗವೂ ಒಣ ಮತ್ತು ತಂಪಾಗಿದ್ದು ದೇಹಕ್ಕೆ ಆರಾಮವೂ ದೊರಕುತ್ತದೆ. ವಾಸ್ತವವಾಗಿ ರಾತ್ರಿ ಮಲಗುವಾಗ ಒಳ ಉಡುಪುರಹಿರತರಾಗಿರುವುದೇ ಉತ್ತಮ ಎಂದು ತಜ್ಞರು ಸಲಹೆ ಮಾಡುತ್ತಾರೆ.

ಪುರುಷರ ವೀರ್ಯಾಣುಗಳು ಉತ್ತಮವಾಗಿರುತ್ತವೆ

ವೃಷಣಗಳನ್ನು ಸದಾ ಒಳ ಉಡುಪಿನಲ್ಲಿ ಕೈದಿಯಂತೆ ಇಡುವ ಮೂಲಕ ವೃಷಣಗಳ ತಾಪಮಾನ ಹೆಚ್ಚಿ ಒಳಗೆ ಉತ್ಪತ್ತಿಯಾಗುವ ವೀರ್ಯಾಣುಗಳ ಮೇಲೆ ನೇರವಾದ ಪರಿಣಾಮ ಬೀರುತ್ತದೆ. ವೀರ್ಯಾಣುಗಳ ಸಂಖ್ಯೆಯಲ್ಲಿ ಇಳಿಕೆ, ಗುಣಮಟ್ಟದಲ್ಲಿ ಇಳಿಕೆ ಹಾಗೂ ಕೆಲವೊಮ್ಮೆ ಉದ್ರೇಕಗೊಳ್ಳದ ತೊಂದರೆಯೂ ಎದುರಾಗಬಹುದು.

ಪುರುಷರ ವೀರ್ಯಾಣುಗಳು ಉತ್ತಮವಾಗಿರುತ್ತವೆ

ಆದ್ದರಿಂದ, ವಿಶೇಷವಾಗಿ ತಂದೆಯಾಗಬಯಸುವವರಿಗೆ ಈ ಅಭ್ಯಾಸ ಭಾರೀ ಹಿನ್ನಡೆ ನೀಡುತ್ತದೆ. ಪುರುಷರು ಸಾಧ್ಯವಿದ್ದಷ್ಟು ದಿನದ ಸಮಯದಲ್ಲಿ ಹಾಗೂ ರಾತ್ರಿ ಮಲಗುವ ಸಮಯದಲ್ಲಿ ಒಳ ಉಡುಪು ತೊಡದೇ ಇರುವುದೇ ಆರೋಗ್ಯಕರ.

ಸಂಧಿಗಳಲ್ಲಿ ಉರಿ, ಗೀರುಗಳು ಇಲ್ಲವಾಗುತ್ತವೆ

ಸಾಮಾನ್ಯವಾಗಿ ಒಳ ಉಡುಪುಗಳು ದೇಹವನ್ನು ಬಿಗಿಯಾಗಿ ಅಪ್ಪಿ ಹಿಡಿದಿರುತ್ತವೆ. ಹಿಂದೆ ಪಟಾಪಟ್ಟಿ ಚಡ್ಡಿ ಸಡಿಲವಾಗಿದ್ದುದು ಇಂದು ಯಾರಿಗೂ ಬೇಡವಾಗಿದೆ. ಮೈಯನ್ನು ಅಪ್ಪಿ ಹಿಡಿದಿರುವ ಕಾರಣ ವಿಶೇಷವಾಗಿ ಸಂಧಿಗಳಲ್ಲಿ ಸೂಕ್ಷ್ಮವಾದ ಗೀರುಗಳು ಬಿದ್ದು ಉರಿ ಪ್ರಾರಂಭವಾಗುತ್ತದೆ. ವಿಶೇಷವಾಗಿ ನಡೆಯುವಾಗ ಎರಡೂ ತೊಡೆಗಳು ಘಾರ್ಷಿಸುವಲ್ಲಿ ಮತ್ತು ಜನನಾಂಗದ ಪಕ್ಕದ ವಿ. ಆಕಾರದ ಸಂದುಗಳಲ್ಲಿ ಈ ಪ್ರಮಾಣ ಅತ್ಯಧಿಕವಾಗಿರುತ್ತದೆ. ಒಳ ಉಡುಪು ಇಲ್ಲದೇ ಇದ್ದಾಗ ಈ ಗೀರುಗಳು ತುಂಬಿಕೊಳ್ಳಲು ಸಮಯಾವಕಾಶ ಸಿಗುತ್ತದೆ.

ಸೋಂಕುಗಳಿಂದ ರಕ್ಷಣೆ

ಕೆಲವು ಕ್ರಿಮಿಗಳಿಗೆ ಕೊಂಚವೇ ತೇವಾಂಶವಿದ್ದರೂ ಸಾಕು, ಅಲ್ಲಿಯೇ ಬೀಡು ಬಿಟ್ಟು ಮನೆ ಮಾಡಿ ಸಂತಾನ ಅಭಿವೃದ್ಧಿಗೆ ತೊಡಗಿಯೇ ಬಿಡುತ್ತವೆ. ಅಲ್ಪಕಾಲದಲ್ಲಿಯೇ ಬಹಳವಾಗಿ ವೃದ್ಧಿಸಿ ಚರ್ಮಕ್ಕೆ ಸೋಂಕು ಉಂಟುಮಾಡುತ್ತವೆ. ಬೆವರನ್ನು ಹೀರಿರುವ ಒಳ ಉಡುಪು ಈ ಕ್ರಿಮಿಗಳಿಗೆ ಅತ್ಯಂತ ಸಮರ್ಪಕ ತಾಣವಾಗಿದೆ. ಇದನ್ನು ತೊಟ್ಟೇ ಇಡಿಯ ದಿನ ಇದ್ದರೆ ಈ ಕ್ರಿಮಿಗಳು ಸೋಂಕು ಹರಡಿ ಹಬ್ಬ ಹುಡಿ ಹಾರಿಸುತ್ತವೆ. ಈ ಕ್ರಿಮಿಗಳಿಗೆ ಸೋಲುವ ಬದಲು ಒಳ ಉಡುಪು ತೆಗೆದಿಡುವುದು ಜಾಣತನದ ಕ್ರಮ. ಕೆಲವರಲ್ಲಿ ಒಂದೇ ಒಳ ಉಡುಪನ್ನು ಒಂದಕ್ಕಿಂತ ಹೆಚ್ಚು ದಿನ ಧರಿಸುವ ಅಭ್ಯಾಸವಿರುತ್ತದೆ. ಇವರಿಗೆ ಸೋಂಕು ಹರಡುವ ಸಾಧ್ಯತೆ ಅತ್ಯಂತ ಹೆಚ್ಚು.

ಲೈಂಗಿಕ ಜೀವನ ಸುಖಕರವಾಗಿರುತ್ತದೆ

ಒಳ ಉಡುಪನ್ನು ದಿನದ ಕೆಲಹೊತ್ತು ತೊಡದೇ ಇದ್ದಾಗ ಪುರುಷರ ಲೈಂಗಿಕ ಸಾಮರ್ಥ್ಯ ಹೆಚ್ಚಿರುವುದು ಕಂಡುಬಂದಿದೆ. ಮಹಿಳೆಯರಲ್ಲಿಯೂ ಇದೇ ಬಗೆಯ ಪರಿಣಾಮವನ್ನು ಕಂಡುಕೊಳ್ಳಲಾಗಿದ್ದು ಸಂತೃಪ್ತ ಲೈಂಗಿಕ ಜೀವನಕ್ಕೆ ಒಳ ಉಡುಪು ತೊಡದೇ ಇರುವುದು ಶ್ರೇಯಸ್ಕರ ಎಂದು ತಜ್ಞರು ತಿಳಿಸುತ್ತಾರೆ.

ತುರಿಕೆ ಇಲ್ಲವಾಗುತ್ತದೆ

ಜನನಾಂಗಗಳಲ್ಲಿ ಯಾವುದಾದರೂ ಕಾರಣಕ್ಕೆ ತುರಿಕೆಯುಂಟಾದರೆ ಸಾರ್ವಜನಿಕವಾಗಿ ತುರಿಸಿಕೊಳ್ಳುವುದು ಅತ್ಯಂತ ಮುಜುಗರ ತರಿಸುವ ಕ್ರಿಯೆಯಾಗಿದೆ. ಒಳ ಉಡುಪು ಧರಿಸದೇ ಇದ್ದರೆ ತುರಿಕೆಗೆ ಕಾರಣವಾಗುವ ಸಾಧ್ಯತೆಗಳೂ ಕಡಿಮೆಯಾಗಿ ಈ ಮುಜುಗರದಿಂದ ತಪ್ಪಿಸಿಕೊಳ್ಳಬಹುದು.

ನೆಚ್ಚಿನ ಉಡುಪು ತೊಡಲು ನೆರವಾಗುತ್ತದೆ

ಕೆಲವು ಮಹಿಳೆಯರಿಗೆ ತಮ್ಮ ನೆಚ್ಚಿನ ವಿನ್ಯಾಸದ ಉಡುಪು ತೊಡಲು ಹೆಚ್ಚಿನ ಆಸಕ್ತಿ ಇದ್ದರೂ ಒಳ ಉಡುಪಿನ ಅಂಚುಗಳು ಈ ವಿನ್ಯಾಸದ ಬಟ್ಟೆಯಲ್ಲಿ ಸ್ಪಷ್ಟವಾಗಿ ಗೋಚರಿಸುವ ಕಾರಣ ಇದನ್ನು ತೊಡದೇ ಹೋಗುತ್ತಾರೆ. ಆದರೆ ಒಳ ಉಡುಪು ಇಲ್ಲದೇ ಇದ್ದಾಗ ಈ ತೊಂದರೆ ಇರುವುದಿಲ್ಲ. ಇದರಿಂದ ತಮ್ಮ ಮೆಚ್ಚಿನ ಉಡುಪನ್ನೇ ತೊಟ್ಟು ಆತ್ಮವಿಶ್ವಾಸ ಹೆಚ್ಚಿಸಿಕೊಳ್ಳಲು ಸಾಧ್ಯವಾಗುತ್ತದೆ.