ಬೇಸಿಗೆಯಲ್ಲಿ ಬೆನ್ನೇರಿ ಕಾಡುವ 'ಷೇಫಿಂಗ್' ಸಮಸ್ಯೆ!

ಟೀ ಟ್ರೀ ಆಯಿಲ್

ಹಲವು ಬಗೆಯ ತ್ವಚೆಯ ತುರಿಕೆಗೆ ರಾಮಬಾಣ ಟೀ ಟ್ರೀ ಆಯಿಲ್. ಇದರಲ್ಲಿರುವ ಆಂಟಿ ಮೈಕ್ರೋಬೈಯಲ್ ಅಂಶಗಳಿಂದಾಗಿ ಇದಕ್ಕೆ ಈ ಸತ್ವ ಬಂದಿರುತ್ತದೆ. ಈ ಎಣ್ಣೆಯನ್ನು ನೀರಿನಲ್ಲಿ ಬೆರೆಸಿಕೊಂಡು ತುರಿಕೆಯಿರುವ ಭಾಗಕ್ಕೆ ಹಚ್ಚಿ, ಈ ಸಮಸ್ಯೆಯಿಂದ ನಿವಾರಣೆಯನ್ನು ಪಡೆಯಿರಿ.

ಅರಿಶಿನ

ಅರಿಶಿನದಲ್ಲಿ ಉರಿಬಾವು ನಿರೋಧಕ ಮತ್ತು ಬ್ಯಾಕ್ಟೀರಿಯಾ ನಿರೋಧಕ ಗುಣಗಳು ಇರುತ್ತವೆ. ಅರಿಶಿನದ ಪೇಸ್ಟ್ ಮಾಡಿಕೊಂಡು ಅದನ್ನು ಸಮಸ್ಯೆ ಇರುವ ಭಾಗಕ್ಕೆ ಲೇಪಿಸುವ ಮೂಲಕ ಇದಕ್ಕೆ ಪರಿಹಾರವನ್ನು ಕಂಡುಕೊಳ್ಳಬಹುದು. ಆದರೆ ಈ ಪೇಸ್ಟ್ ಲೇಪಿಸಿದ ನಂತರ 25 ನಿಮಿಷ ತೊಳೆಯಬೇಡಿ.

ಬೇಕಿಂಗ್ ಸೋಡಾ

ಬೇಕಿಂಗ್ ಸೋಡಾ ಸಹ ಉಪಶಮನಕಾರಿ ಗುಣಗಳನ್ನು ಹೊಂದಿರುತ್ತದೆ. ಇದು ಸಹ ಷೇಫಿಂಗ್ ಆದ ತ್ವಚೆಗೆ ಒಳ್ಳೆಯ ಪರಿಹಾರವನ್ನು ಒದಗಿಸುತ್ತದೆ. ಇದಕ್ಕಾಗಿ ಒಂದು ಚಿಟಿಕೆ ಬೇಕಿಂಗ್ ಸೋಡಾಕ್ಕೆ 3 ಚಮಚ ನೀರು ಬೆರೆಸಿಕೊಳ್ಳಿ. ಇದನ್ನು ಮೃದುವಾಗಿ ಮಿಶ್ರಣ ಮಾಡಿಕೊಂಡು, ನಿಮಗೆ ಸಮಸ್ಯೆಯನ್ನು ಉಂಟು ಮಾಡಿರುವ ಭಾಗಕ್ಕೆ ಲೇಪಿಸಿ, ಐದು ನಿಮಿಷದ ನಂತರ ತೊಳೆದುಕೊಳ್ಳಿ.

ಆಲೀವ್ ಎಣ್ಣೆ

ಸಮಸ್ಯೆ ಇರುವ ಭಾಗಕ್ಕೆ ನೀವು ಆಲೀವ್ ಎಣ್ಣೆಯಿಂದ ಸಹ ಮಸಾಜ್ ಮಾಡಿಕೊಳ್ಳಬಹುದು. ಇದು ನಿಮ್ಮ ತ್ವಚೆಗೆ ಪೋಷಕಾಂಶಗಳನ್ನು ಒದಗಿಸಿ, ಅದರಲ್ಲಿರುವ ಸಮಸ್ಯೆಯನ್ನು ಬಗೆಹರಿಸುತ್ತದೆ. ಇದನ್ನು ನೀವು ಮಲಗುವ ಮುನ್ನ ಸಹ ಮಾಡಬಹುದು.

ಓಟ್ ಮೀಲ್

ಓಟ್ ಮೀಲ್ ಸಹ ನಿಮ್ಮ ತ್ವಚೆಗೆ ಒಳ್ಳೆಯ ಆರೈಕೆಯನ್ನು ನೀಡುತ್ತದೆ. ಬಿಸಿ ನೀರಿಗೆ ಸ್ವಲ್ಪ ಓಟ್ ಮೀಲ್ ಹಾಕಿ, ಅದನ್ನು ನೆನೆಯಲು ಬಿಡಿ. ನಂತರ ಅದರಿಂದ ನಿಮ್ಮ ಮುಖವನ್ನು ಮಸಾಜ್ ಮಾಡಿ, ಸ್ವಲ್ಪ ಸಮಯ ಬಿಟ್ಟು ತೊಳೆಯಿರಿ.

ಅಲೋವಿರಾ ಜೆಲ್

ಎಲ್ಲಿ ಷೇಫಿಂಗ್ ಸಮಸ್ಯೆ ಕಂಡುಬರುತ್ತದೆಯೋ, ಅಲ್ಲಿ ಅಲೋವಿರಾ ಜೆಲ್ ಅನ್ನು ಲೇಪಿಸಿ. ನಮಗೆಲ್ಲಾ ತಿಳಿದಿರುವಂತೆ ಅಲೋವಿರಾ ಜೆಲ್ ಎನ್ನುವುದು ತ್ವಚೆಯ ಸಮಸ್ಯೆಗಳಿಗೆ ಸಂಜೀವಿನಿ ಇದ್ದಂತೆ. ಇದನ್ನು ಬಳಸಿದರೆ ಷೇಫಿಂಗ್ ಸಮಸ್ಯೆಯನ್ನು ದೂರ ಮಾಡಿಕೊಳ್ಳಬಹುದು.

ಐಸ್ ಕ್ಯೂಬ್‍ಗಳು

ಕೆಲವು ಐಸ್ ಕ್ಯೂಬ್‌ಗಳನ್ನು ತೆಗೆದುಕೊಳ್ಳಿ. ಅದನ್ನು ಬಟ್ಟೆಯಲ್ಲಿ ಸುತ್ತಿ, ನಿಮಗೆ ಸಮಸ್ಯೆ ಕಂಡುಬಂದಿರುವ ಭಾಗದಲ್ಲಿ ಇರಿಸಿ. ಇದನ್ನು ಐದು ನಿಮಿಷಗಳ ಕಾಲ ಮಾಡಿ, ನಂತರ 30 ನಿಮಿಷಗಳ ನಂತರ ಪುನರಾವರ್ತಿಸಿ...