ಅಪ್ಪಿತಪ್ಪಿಯೂ ಹೊಟ್ಟೆ ನೋವನ್ನು ನಿರ್ಲಕ್ಷಿಸಬೇಡಿ

ಹೊಟ್ಟೆ ನೋವು

ಹೊಟ್ಟೆ ನೋವು ಅಥವಾ ಉದರ ಬೇನೆಯು, ಹೊಟ್ಟೆಯಲ್ಲಿ ಆಸಿಡ್ ಸಮಸ್ಯೆಯಿಂದಾಗಿ ಕಾಣಿಸಿಕೊಳ್ಳುವ ಒಂದು ನೋವು ಆಗಿರುತ್ತದೆ.ಇದು ಹೊಟ್ಟೆಯಲ್ಲಿ ಉರಿಯನ್ನು ನೀಡುತ್ತದೆ. ಇದಕ್ಕೆ ತಕ್ಷಣ ಉಪಶಮನವಾಗಿ ಅಂಟಾಸಿಡ್ ಜೆಲ್ (ಮೆಗ್ನಿಷಿಯಂ ಸಾಲ್ಟ್), ತಣ್ಣಗಿರುವ ಹಾಲು ಮತ್ತು ಬೇಕಿಂಗ್ ಸೋಡಾವನ್ನು ಒಂದು ಲೋಟ ನೀರಿನಲ್ಲಿ ಬೆರೆಸಿ ಸೇವಿಸಿ.

ಹೊಟ್ಟೆ ಮತ್ತು ಕರುಳಿನ ನೋವು

ಈ ಬಗೆಯ ನೋವಿನಲ್ಲಿ ಭೇದಿ ಅಥವಾ ಡಯೇರಿಯಾ ಕಾಣಿಸಿಕೊಳ್ಳಬಹುದು. ಇದಕ್ಕೆ ಕರುಳಿನಲ್ಲಿ ಆಗಿರುವ ಇನ್‌ಫೆಕ್ಷನ್ ಪ್ರಧಾನ ಕಾರಣವಾಗಿರುತ್ತದೆ. ಇದಕ್ಕೆ ನೀವು ಹೆಚ್ಚಾಗಿ ನೀರನ್ನು ಮತ್ತು ದ್ರವ ಪದಾರ್ಥಗಳನ್ನು ಸೇವಿಸಬೇಕು. ಓರಲ್ ರೀಹೈಡ್ರೇಷನ್ ಸಾಲ್ಟ್‌ಗಳು (ಓಆರ್‌ಎಸ್) ಇದಕ್ಕೆ ಒಳ್ಳೆಯ ಮದ್ದು. ನಿಮ್ಮ ಕರುಳುಗಳಿಂದ ಬ್ಯಾಕ್ಟೀರಿಯಾವು ಹೊರ ಹಾಕಲ್ಪಟ್ಟಾಗ ಡಯೇರಿಯಾ ನಿಲ್ಲುತ್ತದೆ. ಇದರೆ ಜೊತೆಗೆ ನಿಮಗೆ ಜ್ವರವಿದ್ದಲ್ಲಿ, ವೈದ್ಯರನ್ನು ಭೇಟಿ ಮಾಡಿ.

ಹೊಟ್ಟೆ ಉಬ್ಬುವಿಕೆ ಮತ್ತು ಸೆಳೆತ

ಇದು ಸಹ ಅಬ್ಡೊಮೆನ್ ಭಾಗದಲ್ಲಿರುವ ಗ್ಯಾಸ್‌ನಿಂದ ಕಾಣಿಸಿಕೊಳ್ಳುತ್ತದೆ. ಇದೊಂದು ಗಂಭೀರವಾದ ಮತ್ತು ಮುಜುಗರವನ್ನು ತರುವ ಸಮಸ್ಯೆಯಾಗಿರುತ್ತದೆ. ಇದಕ್ಕೆ ಏಲಕ್ಕಿ ಟೀಯನ್ನು ಸೇವಿಸಿ. ಇದು ನಿಮ್ಮ ಹೊಟ್ಟೆಯಿಂದ ಗ್ಯಾಸನ್ನು ಹೊರ ಹಾಕುತ್ತದೆ. ಜೊತೆಗೆ ಏಲಕ್ಕಿಯನ್ನು ಸಹ ನೀವು ಸೇವಿಸಬಹುದು.

ಇರ್ರಿಟೇಬಲ್ ಬೊವೆಲ್ ಸಿಂಡ್ರೋಮ್ (ಐಬಿಎಸ್)

ಈ ಪರಿಸ್ಥಿತಿಯಲ್ಲಿ, ಡಯೇರಿಯ ಮತ್ತು ಮಲಬದ್ಧತೆ ಎರಡೂ ಕಾಣಿಸಿಕೊಳ್ಳುತ್ತದೆ. ಕರುಳಿನ ಒಳಗೆ ಕಾಣಿಸಿಕೊಳ್ಳುವ ಉರಿಬಾವು, ನೋವು , ಮತ್ತು ಅಬ್ಡೋಮೆನ್ ಸೆಳೆತಗಳು ನಿಮ್ಮನ್ನು ತೀವ್ರತರವಾಗಿ ಭಾದಿಸುತ್ತದೆ. ಮೊಸರು ಸೇವಿಸುವ ಮೂಲಕ ಇದನ್ನು ಸರಿಪಡಿಸಿಕೊಳ್ಳಬಹುದು. ಇದು ಬ್ಯಾಕ್ಟೀರಿಯಾಗಳನ್ನು ಕೊಲ್ಲುತ್ತದೆ, ಮತ್ತು ನಿಮಗೆ ನೆಮ್ಮದಿಯನ್ನು ಒದಗಿಸುತ್ತದೆ.

ಎದೆ ಉರಿ

ಇದು ಹೊಟ್ಟೆಯಲ್ಲಿರುವ ಅಧಿಕ ಆಸಿಡ್‌ನಿಂದ ಕಾಣಿಸಿಕೊಳ್ಳುತ್ತದೆ. ಹೊಟ್ಟೆಯಲ್ಲಿರುವ ಆಸಿಡ್ ಎಸೊಫಗುಸ್ ಕಡೆಗೆ ಬರುವಾಗ ಇದರ ಅನುಭವ ನಿಮಗಾಗುತ್ತದೆ. ಅನ್ನನಾಳದಲ್ಲಿ ಸೇರಿಕೊಳ್ಳುವ ಆಸಿಡ್ ನಿಮಗೆ ಎದೆ ಉರಿಯನ್ನು ತರುತ್ತದೆ. ಇದನ್ನು ನಿವಾರಿಸಿಕೊಳ್ಳಲು, ಪ್ರೋಟಾನ್ ಪಂಪ್ ಇನ್‌ಹಿಬಿಟರ್‌ಗಳನ್ನು ಹೊಂದಿ, ಅಂದರೆ ಒಮೆಪ್ರಜೊಲ್ ಅಥವಾ ಪೆಂಟಾಪ್ರಜೋಲ್ ನಂತಹ ಗ್ಯಾಸ್ ನಿವಾರಕಗಳನ್ನು ಬೆಳಗ್ಗೆಯೇ ಸೇವಿಸಿ.