ಚಿಕನ್‌ಗುನ್ಯಾಕ್ಕೆ ಪರಿಣಾಮಕಾರಿ ಮನೆಮದ್ದು

ಎಳನೀರು:

ಚಿಕನ್‌ಗುನ್ಯಾ ರೋಗಾಣು ಲಿವರ್ (ಜಠರದಲ್ಲಿ) ಅಭಿವೃದ್ಧಿಯಾಗುತ್ತದೆ. ಎಳನೀರಿಗೆ ಈ ರೋಗಾಣುವನ್ನು ಜಠರದಿಂದ ಹೊರಹಾಕುವ ಸಾಮರ್ಥ್ಯವಿದ್ದು ಚಿಕನ್‌ಗುನ್ಯಾ ಸಂದರ್ಭದಲ್ಲಿ ಉಪಶಮನ ನೀಡುತ್ತದೆ.

ತುಳಸಿ ಎಲೆಗಳು:

ತುಳಸಿ ಎಲೆಯು ರೋಗನಿರೋಧಕ ಶಕ್ತಿಯನ್ನು ವರ್ಧಿಸುತ್ತದೆ. ಇದು ರೋಗಗಳ ವಿರುದ್ಧ ಹೋರಾಡುವ ಶಕ್ತಿಯನ್ನು ನಮಗೆ ನೀಡುತ್ತದೆ. ಪ್ರತೀ ದಿನ ತುಳಸೀ ಎಲೆಗಳನ್ನು ಜಗಿದು ಅದರ ರಸ ಸೇವಿಸುವುದು ಚಿಕನ್‌ಗುನ್ಯಾದ ಜ್ವರವನ್ನು ಕಡಿಮೆ ಮಾಡುತ್ತದೆ.

ಬೀಜರಹಿತ ದ್ರಾಕ್ಷಿ:

ಚಿಕನ್‌ಗುನ್ಯಾದ ಲಕ್ಷಣಗಳನ್ನು ಇಳಿಕೆ ಮಾಡಿ ಶಕ್ತಿಯನ್ನು ಪುನಃ ಪಡೆಯಲು ಒಣಗಿದ ಬೀಜರಹಿತ ದ್ರಾಕ್ಷಿಯನ್ನು ಹಾಲಿನೊಂದಿಗೆ ಪ್ರತೀ ದಿನ ತೆಗೆದುಕೊಳ್ಳುವುದು ಉತ್ತಮ ಪರಿಹಾರವಾಗಿದೆ.

ಲವಂಗ ಮತ್ತು ಬೆಳ್ಳುಳ್ಳಿ:

ಬೆಳ್ಳುಳ್ಳಿ ಅಥವಾ ಲವಂಗದೆಣ್ಣೆಯನ್ನು ಕಾಳುಮೆಣಸಿನ ಹುಡಿಯೊಂದಿಗೆ ಪೇಸ್ಟ್ ಮಾಡಿಕೊಳ್ಳಿ ನಂತರ ಇದನ್ನು ನೋವಿರುವ ಗಂಟುಗಳಿಗೆ ಹಚ್ಚಿಕೊಳ್ಳಿ. ಗಂಟು ನೋವನ್ನು ಈ ಮದ್ದು ಪರಿಹರಿಸಿ ಶೀಘ್ರ ಗುಣಮುಖರಾಗಲು ನಿಮಗೆ ಸಹಾಯ ಮಾಡುತ್ತದೆ.

ಮೆಗ್ನೇಶಿಯಂ ಸಲ್ಫೇಟ್ :

ಏಪ್ಸಂ ಉಪ್ಪು (ಮೆಗ್ನೇಶಿಯಂ ಸಲ್ಫೇಟ್) ಅನ್ನು ಬೆಚ್ಚಗಿನ ನೀರಿನೊಂದಿಗೆ ಸ್ನಾನದ ಟಬ್‌ನಲ್ಲಿ ಮಿಶ್ರ ಮಾಡಿ ನಂತರ ಇದರಲ್ಲಿ ಕೆಲ ಸಮಯ ನಿಮ್ಮ ದೇಹವನ್ನು ತೋಯಿಸಿ. ಇದರೊಂದಿಗೆ ಬೇವಿನ ಎಲೆಗಳನ್ನು ನೀವು ಬಳಸಬಹುದು. ಇದು ದೇಹವನ್ನು ವಿಶ್ರಮಗೊಳಿಸಿ ನೋವಿನಿಂದ ಮುಕ್ತಿ ನೀಡುತ್ತದೆ.

ಹಸಿ ಕ್ಯಾರೇಟ್:

ಚಿಕನ್‌ಗುನ್ಯಾದಿಂದ ಬಳಲುತ್ತಿರುವ ವ್ಯಕ್ತಿಗೆ ಹಸಿ ಕ್ಯಾರೇಟ್ ಉತ್ತಮ ಸಿದ್ಧೌಷಧವಾಗಿದೆ. ಇದರಲ್ಲಿರುವ ರೋಗನಿರೋಧಕ ಶಕ್ತಿ ಗಂಟು ನೋವನ್ನು ಉಪಚರಿಸಿ ದೇಹಕ್ಕೆ ಸಾಮರ್ಥ್ಯವನ್ನು ನೀಡುತ್ತದೆ.

ಅಶ್ವಗಂಧ:

ಚಿಕನ್‌ಗುನ್ಯಾದಿಂದ ಬಳಲುತ್ತಿರುವ ದೇಹಕ್ಕೆ ಇದು ಪ್ರತಿರಕ್ಷಣಾ ಔಷಧಿಯಾಗಿ ನೆರವಾಗುತ್ತದೆ. ಇದರಲ್ಲಿರುವ ವೈದ್ಯಕೀಯ ಅಂಶಗಳು ಸ್ವಾಸ್ಥ್ವವನ್ನು ವರ್ಗಿಸುತ್ತದೆ. ರೋಗಾಣುವಿನ ವಿರುದ್ಧ ಹೋರಾಡುವ ಪ್ರತಿರೋಧ ಶಕ್ತಿಯು ಅಶ್ವಗಂಧದ ಎಲೆಯನ್ನು ನಿತ್ಯವೂ ಸೇವಿಸುವುದರಿಂದ ದೊರೆಯುತ್ತದೆ.