ಆಯುರ್ವೇದದಲ್ಲಿ ತುಳಸಿಯು ಏಕೆ ಮಹತ್ವಪೂರ್ಣ?

ಜ್ವರವನ್ನು ಶಮನ ಮಾಡುತ್ತದೆ:

ತುಳಸಿಯು ಜ್ವರವನ್ನು ಶಮನ ಮಾಡುವಲ್ಲಿ ಮುಖ್ಯ ಪಾತ್ರ ವಹಿಸುತ್ತದೆ. ಮಲೇರಿಯಾದಂತಹ ಅತಿ ಭಯಾನಕ ಜ್ವರವನ್ನು ಶಮನ ಮಾಡುವುದು ತುಳಸಿಗೆ ಚಿಟಿಕೆಯಷ್ಟು ಸಣ್ಣದಾದ ಕಾರ್ಯವಾಗಿದೆ. ಸೋಂಕಿನಿಂದ ಹರಡುವ ಯಾವುದೇ ಜ್ವರವನ್ನು ಇದು ಕ್ಷಣದಲ್ಲಿ ಶಮನ ಮಾಡುತ್ತದೆ. ತುಳಸಿಯ ಡಿಕಾಕ್ಷನ್ ಅನ್ನು ಸೇವಿಸುವುದು ಜ್ವರದ ತೀವ್ರತೆಯನ್ನು ಕಡಿಮೆ ಮಾಡಿ ನಿಮಗೆ ಆರಾಮವನ್ನು ನೀಡುತ್ತದೆ. ಈ ಕಷಾಯಕ್ಕೆ ಸಕ್ಕರೆ ಮತ್ತು ಹಾಲು ಬೆರೆಸಿ ಸ್ವಲ್ಪ ಸ್ವಲ್ಪವಾಗಿ ಸೇವಿಸುವುದು ಜ್ವರಕ್ಕೆ ತೀವ್ರ ಉಪಶಮನವನ್ನು ನೀಡುತ್ತದೆ.

ಮಧುಮೇಹಕ್ಕೆ ನೆರವು:

ಹಲವಾರು ಜನರು ತುಳಸಿಯನ್ನು ಇನ್ನೊಂದು ಮಹತ್ವಕಾರಿ ಪ್ರಯೋಜನಕ್ಕೂ ಬಳಸುತ್ತಾರೆ. ತುಳಸಿಯಲ್ಲಿರುವ ಒಂದು ಶಕ್ತಿಶಾಲಿ ಅಂಶವಾದ ಯುಜೋನಲ್ ನಿಮ್ಮ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿರಿಸಿ ಹೃದಯವನ್ನು ಕಾಪಾಡುತ್ತದೆ. ನಿಮ್ಮ ಕೊಲೆಸ್ಟ್ರಾಲ್ ಮಟ್ಟವನ್ನು ತಗ್ಗಿಸುವ ಗುಣ ಕೂಡ ಇದಕ್ಕಿದೆ. ಪ್ರತೀ ದೀನ ಖಾಲಿ ಹೊಟ್ಟೆಯಲ್ಲಿ ತುಳಸಿ ಎಲೆಗಳನ್ನು ಅಗೆಯುವುದು ಹೆಚ್ಚಿನ ಕಾಯಿಲೆಗಳಿಂದ ನಿಮ್ಮ ಹೃದಯವನ್ನು ಕಾಪಾಡುತ್ತದೆ.

ಕೆಮ್ಮು:

ನಿರಂತರ ಕೆಮ್ಮು ನಿಮ್ಮ ವೈರಿಯಾಗಿದ್ದಲ್ಲಿ ತುಳಸಿಯ ಸಹಾಯವನ್ನು ನಿಮಗೆ ಪಡೆದುಕೊಳ್ಳಬಹುದು. ಹೆಚ್ಚಿನ ಕೆಮ್ಮು ಸಿರಪ್‌ಗಳಲ್ಲಿ ಅತೀ ಮುಖ್ಯವಾದ ಸಾಮಾಗ್ರಿಯಾಗಿ ತುಳಸಿಯನ್ನು ಬಳಸುತ್ತಾರೆ. ಬ್ರಾಂಕೈಟೀಸ್ ಮ್ಯೂಕಸ್ ಮತ್ತು ಅಸ್ತಮಾವನ್ನು ಇದು ಶಮನ ಮಾಡುವುದರಿಂದ ಕೆಮ್ಮಿಗೆ ತುರ್ತು ಪರಿಹಾರವನ್ನು ತುಳಸಿ ನೀಡುತ್ತದೆ. ಶೀತ ಹಾಗೂ ಫ್ಲೂನಿಂದ ಕೂಡ ನಿಮಗೆ ನಿರಂತರ ಆರಾಮ ದೊರಕುತ್ತದೆ.

ಉಸಿರಾಟ ತೊಂದರೆಗಳು:

ಉಸಿರಾಟ ತೊಂದರೆಗಳಿಂದ ಬಳಲುತ್ತಿರುವವರಿಗೆ ಸಂಜೀವಿನಿಯಾಗಿದೆ ತುಳಸಿ. ಜೇನು ಮತ್ತು ಶುಂಠಿಯನ್ನು ಸೇರಿಸಿ ತಯಾರುಮಾಡಲಾದ ತುಳಸಿ ಕಷಾಯ ಬ್ರಾಂಕೈಟೀಸ್, ಅಸ್ತಮಾ, ಇನ್‌ಫ್ಲುಯೆಂಜಾ, ಕೆಮ್ಮು ಮತ್ತು ಶೀತಕ್ಕೆ ರಾಮಬಾಣವಾಗಿದೆ. ತುಳಸಿ ಎಲೆಗಳು, ಲವಂಗ ಹಾಗೂ ಉಪ್ಪು ಬೆರೆಸಿ ತಯಾರು ಮಾಡಲಾದ ಕಷಾಯ ಇನ್‌ಫ್ಲುಯೆಂಜಾಗೆ ಶೀಘ್ರ ಪರಿಹಾರವನ್ನು ನೀಡುತ್ತದೆ. ಅರ್ಧ ಲೀಟರ್ ನೀರಿನಲ್ಲಿ ನೀರು ಉಳಿಯುವವರೆಗೆ ಅವುಗಳನ್ನು ಕುದಿಸಬೇಕು ನಂತರ ಸೇರಿಸಿ ಅದನ್ನು ಸೇವಿಸಿ.

ತಲೆನೋವು:

ನಿರಂತರವಾಗಿ ಎಲ್ಲರನ್ನೂ ಕಾಡುವ ಒಂದು ಸಮಸ್ಯೆಯಾಗಿದೆ ತಲೆನೋವು. ತುಳಸಿ ಎಲೆಗಳನ್ನು ಶ್ರೀಗಂಧದ ಪೇಸ್ಟ್‌ನಲ್ಲಿ ಅರೆದು ನಂತರ ನೆತ್ತಿಗೆ ಅದನ್ನು ಹಚ್ಚುವುದರಿಂದ ನೆತ್ತಿ ತಂಪಾಗಿ ತಲೆನೋವು ನಿವಾರಣೆಯಾಗುತ್ತದೆ. ತುಳಸಿ ತುಂಬಾ ಪರಿಣಾಮಕಾರಿಯಾಗಿರುವುದರಿಂದ ಅದನ್ನು ಎಲ್ಲಿ ಮತ್ತು ಹೇಗೆ ಬಳಸಬೇಕು ಎಂಬುದನ್ನು ನೀವು ತಿಳಿದುಕೊಳ್ಳುವುದು ಒಳಿತು.