ತ್ವಚೆಯ ಕಾಂತಿಯನ್ನು ಹೆಚ್ಚಿಸುವ ಸೂಪರ್ ತರಕಾರಿಗಳು

ಲಿಂಬೆಹಣ್ಣು

ಲಿಂಬೆ ಒಂದು ನೈಸರ್ಗಿಕ ಬಿಳಿಚಿಸುವ ವಸ್ತುವಾಗಿದೆ. ಒಂದು ವೇಳೆ ಲಿಂಬೆಯಲ್ಲಿ ಬೀಜವಿಲ್ಲದೇ ಇರುತ್ತಿದ್ದರೆ ಸಂಜೀವಿನಿಯಾಗುತ್ತಿತ್ತೆಂಬುದು ಒಂದು ಹಳೆಯ ಗಾದೆ. ಲಿಂಬೆಯಲ್ಲಿ ಹೇರಳವಾಗಿ ವಿಟಮಿನ್ ಸಿ. ಹಾಗೂ ಸಿಟ್ರಿಕ್ ಆಮ್ಲವಿದೆ. ಚರ್ಮದ ಕಲೆಗಳನ್ನು ಹೋಗಲಾಡಿಸಿ ನೈಸರ್ಗಿಕ ಹೊಳಪನ್ನು ನೀಡುವಲ್ಲಿ ಸಿಟ್ರಿಕ್ ಆಮ್ಲದ ಕಾರ್ಯ ಮಹತ್ವದ್ದಾಗಿದೆ.

ಬೀಟ್‌ರೂಟ್

ತ್ವಚೆಗೆ ಗೌರವರ್ಣ ತರುವಲ್ಲಿ ಬೀಟ್‌ರೂಟ್ ಅತ್ಯಂತ ಪರಿಣಾಮಕಾರಿಯಾಗಿದೆ. ಬೀಟ್‌ರೂಟ್‌ನ ಕೆಂಪು ಬಣ್ಣಕ್ಕೆ betanin ಮತ್ತು vulgaxantin ಎಂಬ ಆಂಟಿ ಆಕ್ಸಿಡೆಂಟುಗಳು ಕಾರಣವಾಗಿವೆ. ಅದರಲ್ಲೂ ಬಿಟಾನಿನ್ ರಕ್ತ ಮತ್ತು ಪಿತ್ತಜನಕಾಂಗಗಳನ್ನು ಶುದ್ಧಗೊಳಿಸುವುದು ಮಾತ್ರವಲ್ಲದೇ ರಕ್ತದಲ್ಲಿರುವ ವಿಷಕಾರಿ ವಸ್ತುಗಗಳನ್ನು ಕೊಲ್ಲುತ್ತವೆ. ಇದರಲ್ಲಿ ಹೇರಳವಾಗಿರುವ ಪೊಟ್ಯಾಸಿಯಂ, ಕಬ್ಬಿಣ, ಮೆಗ್ನೇಶಿಯಂ, ಗಂಧಕ, ವಿವಿಧ ವಿಟಮಿನ್ ಗಳು ಹಾಗೂ ಕರಗುವ ನಾರು ಪಚನಕ್ರಿಯೆಯನ್ನು ಸುಲಭಗೊಳಿಸುತ್ತದೆ. ಶುದ್ಧಗೊಂಡ ರಕ್ತದ ಮೂಲಕ ಚರ್ಮ ನೈಸರ್ಗಿಕ ಕಾಂತಿಯನ್ನು ಪಡೆಯುತ್ತದೆ.

ಕ್ಯಾರೆಟ್

ಕ್ಯಾರೆಟ್ ಅಥವಾ ಗಜ್ಜರಿಯಲ್ಲಿ ವಿಟಮಿನ್ ಸಿ. ಉತ್ತಮ ಪ್ರಮಾಣದಲ್ಲಿದೆ. ಹಸಿಯಾಗಿ ಅಥವಾ ಬೇಯಿಸಿ ವ್ಯಂಜನಗಳೊಂದಿಗೆ ಸೇವಿಸಬಹುದಾದ ಕ್ಯಾರಟ್ ಚರ್ಮದ ನೈಸರ್ಗಿಕ ಕಾಂತಿಯನ್ನು ಹೆಚ್ಚಿಸಲು ನೆರವಾಗುತ್ತದೆ.

ಪಾಲಕ್ ಸೊಪ್ಪು

ಪಾಲಕ್ ಮತ್ತು ಬಸಲೆ ಸೊಪ್ಪುಗಳಲ್ಲಿ ಹೇರಳವಾಗಿ ಆಂಟಿ ಆಕ್ಸೆಡೆಂಟುಗಳಿವೆ. ಇವು ಚರ್ಮ ಸುಕ್ಕುಗೊಳಿಸುವುದನ್ನು ತಡೆದು ಯೌವನವನ್ನು ಕಾಪಾಡುತ್ತವೆ. ಸಡಿಲವಾಗಿರುವ ಚರ್ಮವನ್ನು ಬಿಗಿಯಾಗಿಸಿ, ಚರ್ಮದಲ್ಲಿ ರಕ್ತಸಂಚಾರ ಹೆಚ್ಚಿಸಿ ಕಲೆಗಳನ್ನು ತೊಲಗಿಸುತ್ತದೆ. ಪರಿಣಾಮವಾಗಿ ಚರ್ಮ ಹೆಚ್ಚಿನ ಕಾಂತಿಯನ್ನು ಪಡೆಯುತ್ತದೆ.

ಗೆಣಸು

ಬಿಳಿ ಅಥವಾ ಕೆಂಪು ಗೆಣಸುಗಳಲ್ಲಿ ವಿಟಮಿನ್ ಎ ಹೇರಳವಾಗಿದ್ದು ಒಂದು ನೈಸರ್ಗಿಕ ಉರಿಯೂತ ನಿವಾರಕವಾಗಿದೆ. (anti-inflammatory). ಗೆಣಸನ್ನು ಹಸಿಯಾಗಿ ಅಥವಾ ಬೇಯಿಸಿ ಸೇವಿಸುವ ಮೂಲಕ ಮುಖದಲ್ಲಿ ಮೊಡವೆಗಳಾಗುವುದನ್ನು ತಪ್ಪಿಸಬಹುದು.