Just In
- 23 min ago ಆರೋಗ್ಯ ವಿಮೆಯಲ್ಲಿ ಮಹತ್ವದ ಬದಲಾವಣೆ..! 65 ವರ್ಷ ಮೇಲ್ಪಟ್ಟವರು ವಿಮೆ ಮಾಡಿಸಬಹುದು..!
- 2 hrs ago ಇಹಲೋಕ ತ್ಯಜಿಸಿದ ಸೂಪರ್ ಕಳ್ಳ: ಕಳ್ಳನಾಗಿದ್ದಾಗಲೇ ಜಡ್ಜ್ ಆದ, 2000 ಖೈದಿಗಳನ್ನು ಬಿಡುಗಡೆ ಮಾಡಿದ!
- 3 hrs ago 85ರ ವಯಸ್ಸಲ್ಲೂ ಕುಕ್ಕಿಂಗ್ ಚಾನಲ್ ತೆರೆದ ಅಜ್ಜಿ..! ಈಗ 5 ಲಕ್ಷ ಚಂದಾದಾರರು.!
- 5 hrs ago ಮಗನಲ್ಲಿ ಖಾಸಗಿ' ಆ ವಿಷಯ ' ಕೇಳಿದ ಮಲೈಕಾ ಅರೋರಾ: ತಾಯಿಯಾದವರೂ ಕೇಳುವ ಪ್ರಶ್ನೆಯೇ ಎಂದು ಟೀಕೆಗಳ ಸುರಿಮಳೆ
Don't Miss
- Technology ನಾಳೆ ಖರೀದಿಗೆ ಲಭ್ಯವಾಗಲಿದೆ 12GB RAM ಸೌಲಭ್ಯದ ಈ ಸ್ಟೈಲಿಶ್ ಫೋನ್!
- News ನೇಹಾ ಹತ್ಯೆ ವಿಚಾರದಲ್ಲಿ ಎನ್ಕೌಂಟರ್ ಪಕ್ಕಾ.! ಸೇಡಿಗೆ ಸೇಡು, ಮುಯ್ಯಿಗೆ ಮುಯ್ಯಿ: ಎಂ.ಪಿ.ರೇಣುಕಾಚಾರ್ಯ
- Movies ಕನ್ನಡ ಫಿಲ್ಮ್ ಮೇಕರ್ಸ್ಗೆ ಚಿತ್ರಮಂದಿರಗಳು ಬೇಡ್ವಾ? ಓಟಿಟಿ ಸಾಕಾ? ಏನಿದು ಭೀತಿ?
- Sports RR vs MI IPL 2024: ರಾಜಸ್ಥಾನ್ vs ಮುಂಬೈ ರಾಯಲ್ ಫೈಟ್; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Finance ಕೇರಳ ಪ್ರವಾಸಿಗರಿಗೆ ಸಿಹಿಸುದ್ದಿ: ಕೋಝಿಕ್ಕೋಡ್ ಬೆಂಗಳೂರು ಮಾರ್ಗದಲ್ಲಿ ನವ ಕೇರಳ ಸದಸ್ ಐಷಾರಾಮಿ ಬಸ್ ಸಂಚಾರ
- Automobiles ಫ್ಯಾಮಿಲಿ ಕಾರಾಗಿ ಜನರ ಮನಗೆದ್ದ ಹ್ಯುಂಡೈ ಅಲ್ಕಾಜರ್ ಹೊಸ ನವೀಕರಣಗಳೊಂದಿಗೆ ಬಿಡುಗಡೆಗೆ ಸಜ್ಜು
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೆನೆಪಿನ ಶಕ್ತಿ ಹೆಚ್ಚಿಸಬೇಕೆ? ಈ ರೀತಿ ಮಾಡಿ
ನಮಗೆ ಆಧುನಿಕ ಸೌಲಭ್ಯಗಳು ಜಾಸ್ತಿಯಾದಂತೆ ಜ್ಞಾಪಕ ಶಕ್ತಿಯನ್ನು ಕಳೆದುಕೊಳ್ಳುತ್ತಿದ್ದೇವೆ ಅಂದರೆ ತಪ್ಪಾಗಲಾರದು. ಎಲ್ಲಾ ವಿಷಯಗಳಿಗೂ ಕಂಪ್ಯೂಟರ್ , ಮೊಬೈಲ್ ಅಂತ ಅವಲಂಭಿಸುತ್ತೇವೆ. ಹೆಚ್ಚಿನವರಿಗೆ ತಮ್ಮ ಅಮ್ಮ, ಅಪ್ಪನ ಮೊಬೈಲ್ ನಂಬರ್ ಕೂಡ ನೆನೆಪಿನಲ್ಲಿರುವುದಿಲ್ಲ. ಏಕೆಂದರೆ ಮೊಬೈಲ್ ನಲ್ಲಿ ಸ್ಟೋರ್ ಆಗಿರುವಾಗ ತಲೆಯಲ್ಲಿ ಸ್ಟೋರ್ ಮಾಡಿಟ್ಟುಕೊಳ್ಳುವುದು ಏಕೆಂದು ಭಾವಿಸುತ್ತೇವೆ. ಇನ್ನು ಕೆಲವರಿಗೆ ಅವರ ಮೊಬೈಲ್ ನಂಬರ್ ಕೂಡ ಗೊತ್ತಿರುವುದಿಲ್ಲ, ಅದನ್ನು save ಮಾಡಿ ಇಟ್ಟು ಕೊಂಡಿರುತ್ತಾರೆ.
ಇನ್ನು ಸಣ್ಣ ಪುಟ್ಟ ಲೆಕ್ಕ ಗಳನ್ನು ಮಾಡಲು ನಮಗೆ ಕ್ಯಾಲ್ಕುಲೇಟರ್ ಸಹಾಯಬೇಕು. ನಮ್ಮ ಮೆದುಳಿಗೆ ಕೆಲಸ ಕೊಡದೆ ಅದು ಜಡವಾಗಿ ಬಿಟ್ಟಿದೆ. ಆದ್ದರಿಂದಲೇ ನಮಗೆ ಜ್ಷಾಪಕ ಶಕ್ತಿ ಕಡಿಮೆಯಾಗುತ್ತದೆ. ನಂತರ ನನಗೆ ನೆನಪಿನ ಶಕ್ತಿ ಕಡಿಮೆಯಾಗುತ್ತಿದೆ ಎಂದು ಭಯ ಪಡುತ್ತೇವೆ. ನಮ್ಮ ಮೆದುಳನ್ನು ಶಾರ್ಪ್ ಮಾಡಲು ಕೆಲವೊಂದು ಚಟುವಟಿಕೆಗಳನ್ನು ಮಾಡಬೇಕು. ಮೆದುಳು ಚುರುಕುಗೊಳಿಸುವ ಆಹಾರಗಳನ್ನು ತಿನ್ನಬೇಕು.
ಇಲ್ಲಿ ಕೆಲವು ಟಿಪ್ಸ್ ಇವೆ. ಅವುಗಳನ್ನು ಪಾಲಿಸಿದರೆ ನೀವು ಜ್ಞಾಪಕ ಶಕ್ತಿಯನ್ನು ವೃದ್ಧಿಸುತ್ತದೆ.
1. ನೆನೆಪಿನ ಶಕ್ತಿ ಕಡಿಮೆಯಾಗಿದೆ ಎಂಬ ಚಿಂತೆ ಬಿಡಿ
ನನಗೆ ಯಾವುದು ಜ್ಞಾಪಕದಲ್ಲಿ ಇರುವುದೇ ಇಲ್ಲ ಎಂದು ಚಿಂತಿಸುವ ಬದಲು ನನಗೆ ಎಲ್ಲವು ನೆನೆಪಿನಲ್ಲಿರುತ್ತದೆ ಎಂದು ನಿಮ್ಮ ಮನಸ್ಸಿಗೆ ನೀವೇ ಹೇಳಿಕೊಳ್ಳಿ. ಆತ್ಮವಿಶ್ವಾಸ ಜ್ಞಾಪಕ ಶಕ್ತಿ ವೃದ್ಧಿಸುವಲ್ಲಿ ಅವಶ್ಯಕ.
2.ಕ್ಯಾಲ್ಕುಲೇಟರ್ ಬೇಡ
ಚಿಕ್ಕ ಲೆಕ್ಕಗಳನ್ನು ಮಾಡಲು ನಿಮ್ಮಬುದ್ಧಿ ಶಕ್ತಿಯನ್ನೇ ಉಪಯೋಗಿಸಿ. ಆದಷ್ಟು ಕ್ಯಾಲ್ಕುಲೇಟರ್ ಬಳಸುವುದು ಕಡಿಮೆ ಮಾಡಿ. 100-25 ಮಾಡಿದರೆ ಎಷ್ಟು ಅನ್ನುವುದು ತಿಳಿಯಲು ಕ್ಯಾಲ್ಕುಲೇಟರ್ ಮಾಡುತ್ತಾ ಇದ್ದರೆ ನೆನೆಪಿನ ಶಕ್ತಿ ಕೂಡ ಕಡಿಮೆಯಾಗುತ್ತಾ ಹೋಗುತ್ತದೆ.
3. ಶಾಪಿಂಗ್ ಲಿಸ್ಟ್
ಶಾಪಿಂಗ್ ಗೆ ಹೋಗಿ ಮುಖ್ಯವಾದ ವಸ್ತುಗಳನ್ನು ತೆಗೆಯದೆ ಮರೆತು ಬರುವಿರಿ ಎಂಬ ಭಾವನೆ ನಿಮ್ಮಲ್ಲಿದ್ದರೆ ಶಾಪಿಂಗ್ ಲಿಸ್ಟ್ ಮಾಡಿಟ್ಟುಕೊಂಡು ಅವುಗಳನ್ನು ನೋಡುತ್ತಾ ತನ್ನಿ. ಮನೆಯಲ್ಲಿ ವಸ್ತುಗಳನ್ನು ಸುಲಭದಲ್ಲಿ ಸಿಗುವ ರೀತಿಯಲ್ಲಿ ಇಡಿ. ಕೀ, ಪರ್ಸ್ ಇವುಗಳನ್ನು ಇಡಲು ಒಂದೇ ಸ್ಥಳಗಳಲ್ಲಿ ಇಡಿ. ಬೇರೆ-ಬೇರೆ ಕಡೆ ಇಟ್ಟರೆ ಎಲ್ಲಿ ಇಟ್ಟಿದ್ದೀರಿ ಎಂದು ತಿಳಿಯದೆ ಪರೆದಾಡಬೇಕಾಗುತ್ತದೆ.
4. ಮೆದುಳು ಚುರುಕಾಗುವ ಆಟ
ಮೆದುಳು ಚುರುಕಾಗುವ ಆಟ ಆಡಬೇಕು. ಚೆಸ್, ಪದಬಂಧ, ಚುಟುಕು ಇವೆಲ್ಲಾ ನಿಮ್ಮಲ್ಲಿ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುತ್ತವೆ.
ಮೆಂತ್ಯೆ ಸೊಪ್ಪು, ಮೂಲಂಗಿ, ಜೀರಿಗೆ
ಮೆಂತ್ಯೆ ಸೊಪ್ಪು, ಮೂಲಂಗಿಯನ್ನು ಸಣ್ಣಗೆ ಹೆಚ್ಚಿಕೊಂಡು ಎರಡನ್ನೂ ಮಿಶ್ರಣ ಮಾಡಿ ಅದಕ್ಕೆ ಉಪ್ಪು, ಮೆಣಸು, ಜೀರಿಗೆಯ ಒಗ್ಗರಣೆ ನೀಡಿ ಸೇವಿಸಿದರೆ ಜ್ಞಾಪಕ ಶಕ್ತಿ ಹೆಚ್ಚುತ್ತದೆ. ಇದನ್ನು ಹಸಿಯಾಗಿಯೂ ತಿನ್ನಬಹುದು, ಇಲ್ಲವೆಂದರೆ ಸ್ವಲ್ಪ ಬೇಯಿಸಿಯೂ ತಿನ್ನಬಹುದು.
ಶುಂಠಿ, ಜೀರಿಗೆ, ಕಲ್ಲು ಸಕ್ಕರೆ
ಒಂದು ಚೂರು ಹಸಿ ಶುಂಠಿ, ಸ್ವಲ್ಪ ಜೀರಿಗೆ ಮತ್ತು ಕಲ್ಲು ಸಕ್ಕರೆಯನ್ನು ಚೆನ್ನಾಗಿ ಅಗಿದು ತಿನ್ನುತ್ತಿದ್ದರೆ ನಾಲಿಗೆ ರುಚಿ ಹೆಚ್ಚುವುದರ ಜೊತೆ ಜ್ಞಾಪಕ ಶಕ್ತಿಯೂ ವೃದ್ಧಿಸುತ್ತದೆ.
ಜ್ಞಾಪಕ ಶಕ್ತಿ ಹೆಚ್ಚಿಸುವ ಆಹಾರಗಳು
ಸೇಬನ್ನು ಪ್ರತಿದಿನ ಊಟವಾದ ನಂತರ ನಿರಂತರವಾಗಿ ಸೇವಿಸುತ್ತಿದ್ದರೆ ಜ್ಞಾಪಕ ಶಕ್ತಿ ಹೆಚ್ಚುತ್ತದೆ.
ನೆಲ್ಲಿಕಾಯಿ
ನೆಲ್ಲಿಕಾಯಿಯನ್ನು ತಿನ್ನುತ್ತಿದ್ದರೆ ಜ್ಞಾಪಕ ಶಕ್ತಿ ಕ್ರಮೇಣ ಹೆಚ್ಚುತ್ತದೆ.
ಜ್ಞಾಪಕ ಶಕ್ತಿ ಹೆಚ್ಚಿಸುವ ಆಹಾರಗಳು
ಹಾಲಿಗೆ ಏಲಕ್ಕಿ ಪುಡಿ ಸೇರಿಸಿ ಕುದಿಸಿ ಜೇನು ತುಪ್ಪ ಬೆರೆಸಿ ಮಕ್ಕಳಿಗೆ ನೀಡಿದರೆ ಜ್ಞಾಪಕ ಶಕ್ತಿ ಹೆಚ್ಚುತ್ತದೆ.
ಟೀ
ಟೀಯಿಂದ ಜ್ಞಾಪಕ ಶಕ್ತಿ ಹೆಚ್ಚಾಗುತ್ತದೆ ಎಂದು ವೈಜ್ಞಾನಿಕವಾಗಿ ಸಾಬೀತಾಗಿದೆ. ಇದರಲ್ಲಿ anti oxidants ಅಂಶ ಉಳಿದೆಲ್ಲಾ ತರಕಾರಿ ಮತ್ತು ಹಣ್ಣುಗಳಲ್ಲಿ ಇರುವುದಕ್ಕಿಂತ ಹೆಚ್ಚಾಗಿರುತ್ತದೆ. ಈ ಅಂಶವನ್ನು ಪಾಲಿಫಿನೊಲ್ಸ್ಎಂದು ಕರೆಯಲಾಗುವುದು, ಇದು ಮೆದುಳಿನ ಚಟುವಟಿಕೆಗಳನ್ನು ಹೆಚ್ಚು ಮಾಡುತ್ತದೆ. ಇದರಲ್ಲಿರುವ ಅಮೈನೊ ಆಸಿಡ್ ವಿಷಯವನ್ನು ಸರಿಯಾದ ರೀತಿಯಲ್ಲಿ ಯೋಚಿಸಲು ಸಹಾಯ ಮಾಡುತ್ತದೆ.
ತರಕಾರಿ
ನೀಲಿ, ಕೆಂಪು ಮತ್ತು ಹಸಿರು ಬಣ್ಣದಲ್ಲಿರುವ ತರಕಾರಿಗಳು ಮೆದುಳಿಗೆ ಒಳ್ಳೆಯದು. ಬದನೆಕಾಯಿ, ಬೀಟ್ ರೂಟ್ಸ್, ಈರುಳ್ಳಿ, ಸೊಪ್ಪುಗಳು ಮೆದುಳಿನ ಸಾಮರ್ಥ್ಯ ಹೆಚ್ಚಿಸಿಕೊಳ್ಳಲು ಸಹಾಯ ಮಾಡುತ್ತದೆ.
ಜ್ಞಾಪಕ ಶಕ್ತಿ ಹೆಚ್ಚಿಸುವ ಆಹಾರಗಳು
ಮೀನಿನಲ್ಲಿರುವ ಒಮೆಗಾ 3 ಕೊಬ್ಬಿನಂಶವು ಮೆದುಳಿನ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ, ಈ ಅಂಶವು ಆಹಾರದಿಂದ ಮಾತ್ರ ನಮ್ಮ ದೇಹ ಸೇರುವುದು.