ನೆನಪಿನ ಶಕ್ತಿ ಬೇಕೆಂದರೆ ಈ ಆಹಾರ ತಿನ್ನಿ

Wellness

oi-Reena

By Hema S

Published: Tuesday, November 29, 2011, 15:17 [IST]

ಜೀವನದಲ್ಲಿ ಯಶಸ್ಸುವನ್ನು ಗಳಿಸಬೇಕೆಂದರೆ ಜ್ಞಾಪಕ ಶಕ್ತಿ ಬೇಕು. ಬುದ್ಧಿವಂತಿಕೆ ಅಷ್ಟೇನು ಇಲ್ಲದಿದ್ದರೂ ಪರವಾಗಿಲ್ಲ ಆದರೆ ಜ್ಞಾಪಕ ಶಕ್ತಿ ಇಲ್ಲ ಅಂದರೆ ಜೀವನವೇ ದುಸ್ತರವಾಗುತ್ತದೆ.ಎಷ್ಟೋ ಬಾರಿ ನಗೆ ಪಾಟಲಿಗೆ ಒಳಗಾಗ ಬೇಕಾಗುತ್ತದೆ.

ಕಲಿಯುವ ಮಕ್ಕಳಲ್ಲಿ ಜ್ಞಾಪಕ ಶಕ್ತಿ ಇಲ್ಲ ಅಂದರೆ ಅದರ ಕೆಟ್ಟ ಪರಿಣಾಮ ಕಾಣುವುದು ಪರೀಕ್ಷೆ ಪೇಪರ್ ನಲ್ಲಿ. ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸಲು ಅನೇಕ ಪ್ರೊಟೀನ್ ಪುಡಿಗಳ ಜಾಹೀರಾತನ್ನು ನೋಡಿರಬಹುದು. ಆದರೆ ಕೆಲವು ಆಹಾರಗಳ ಸೇವನೆಯಿಂದ ಯಾವುದೇ ಅಡ್ಡಪರಿಣಾಮವಿಲ್ಲದೆ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಬಹುದು. ಆ ಆಹಾರಗಳು ಯಾವುವು ಎಂದು ತಿಳಿಯಲು ಮುಂದೆ ಓದಿ.

1. ಟೀ: ಟೀಯಿಂದ ಜ್ಞಾಪಕ ಶಕ್ತಿ ಹೆಚ್ಚಾಗುತ್ತದೆ ಎಂದು ವೈಜ್ಞಾನಿಕವಾಗಿ ಸಾಬೀತಾಗಿದೆ. ಇದರಲ್ಲಿ anti oxidants ಅಂಶ ಉಳಿದೆಲ್ಲಾ ತರಕಾರಿ ಮತ್ತು ಹಣ್ಣುಗಳಲ್ಲಿ ಇರುವುದಕ್ಕಿಂತ ಹೆಚ್ಚಾಗಿರುತ್ತದೆ. ಈ ಅಂಶವನ್ನು ಪಾಲಿಫಿನೊಲ್ಸ್ಎಂದು ಕರೆಯಲಾಗುವುದು, ಇದು ಮೆದುಳಿನ ಚಟುವಟಿಕೆಗಳನ್ನು ಹೆಚ್ಚು ಮಾಡುತ್ತದೆ. ಇದರಲ್ಲಿರುವ ಅಮೈನೊ ಆಸಿಡ್ ವಿಷಯವನ್ನು ಸರಿಯಾದ ರೀತಿಯಲ್ಲಿ ಯೋಚಿಸಲು ಸಹಾಯ ಮಾಡುತ್ತದೆ. ಹಿಂದೆ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಲು ಚೀನಾದಲ್ಲಿ ಕಾಡು ಎಲೆಯನ್ನು ಸಂಗ್ರಹಿಸಿ ಅದನ್ನು ಸೇವಿಸುತ್ತಿದ್ದರು. ಆಗ ಸಂಗ್ರಹಿಸುತ್ತಿದ್ದ ಎಲೆ ಯಾವುದು ಎಂದು ಗೊತ್ತೆ? ಅದು ಬೇರಾವುದು ಅಲ್ಲ ಇದೇ ಟೀ ಎಲೆ.

2. ರೋಸ್ ಮೆರಿ: ರೋಸ್ ಮೆರಿ ಜ್ಞಾಪಕ ಶಕ್ತಿ ಕಳೆದು ಹೋದವರಿಗೆ ಪುನಃ ನೆನಪು ಬರುವಂತೆ ಮಾಡಲು ಹರ್ಬಲ್ ಔಷಧಿಯಲ್ಲಿ ಬಳಸಲಾಗುವುದು. ಇದರಲ್ಲಿರುವ ಕಾರ್ನೋಸೈಕ್ ಆಸಿಡ್ ಎಂಬ ರಾಸಾಯನಿಕವು ರೋಸ್ ಮೆರಿಯಲ್ಲಿ ಇದ್ದು ಅದು ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

3. ಹಣ್ಣುಗಳು: ಸೇಬು ಮತ್ತು ಕಪ್ಪು ದ್ರಾಕ್ಷಿ ಜ್ಞಾಪಕಶಕ್ತಿಯನ್ನು ಹೆಚ್ಚು ಮಾಡುತ್ತದೆ. ಇದರಲ್ಲಿರುವ ಆಂತೊಸೈನಾನ್ ನೆನಪಿನ ಶಕ್ತಿಯನ್ನು ಹೆಚ್ಚು ಮಾಡುತ್ತದೆ.

4. ತರಕಾರಿ: ನೀಲಿ, ಕೆಂಪು ಮತ್ತು ಹಸಿರು ಬಣ್ಣದಲ್ಲಿರುವ ತರಕಾರಿಗಳು ಮೆದುಳಿಗೆ ಒಳ್ಳೆಯದು. ಬದನೆಕಾಯಿ, ಬೀಟ್ ರೂಟ್ಸ್, ಈರುಳ್ಳಿ, ಸೊಪ್ಪುಗಳು ಮೆದುಳಿನ ಸಾಮರ್ಥ್ಯ ಹೆಚ್ಚಿಸಿಕೊಳ್ಳಲು ಸಹಾಯ ಮಾಡುತ್ತದೆ.

5. ಮೀನು: ಮೀನಿನಲ್ಲಿರುವ ಒಮೆಗಾ 3 ಕೊಬ್ಬಿನಂಶವು ಮೆದುಳಿನ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ, ಈ ಅಂಶವು ಆಹಾರದಿಂದ ಮಾತ್ರ ನಮ್ಮ ದೇಹ ಸೇರುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.