ಧೂಮಪಾನ,ಮದ್ಯಪಾನ ಮಾತ್ರವಲ್ಲ, ಇವೂ ಕೆಟ್ಟ ಚಟಗಳೇ

ಕೈಗಳನ್ನು ತೊಳೆಯಿರಿ

ಮನೆ ಶುಚಿ ಮಾಡಿದ ಮೇಲೆ ಕೈ ತೊಳೆಯಬೇಕು. ಕೆಲವರಿಗೆ ಮೂತ್ರ ವಿಸರ್ಜನೆಗೆ ಹೋದ ಮೇಲೆ ಕೈ ತೊಳೆಯದೆ ಬರುವ ಅಭ್ಯಾಸವಿರುತ್ತದೆ. ಆ ರೀತಿಯ ಅಭ್ಯಾಸ ಒಳ್ಳೆಯದಲ್ಲ. ಇನ್ನು ಕೆಲವರು ಕೈ ಶುಚಿಯಾಗಿದೆಯೆಂದು ಕೈ ತೊಳೆಯದು ಆಹಾರವನ್ನು ತಿನ್ನುತ್ತಾರೆ. ಏನಾದರೂ ತಿನ್ನುವ ಮೊದಲು ಕೈ ತೊಳೆಯವುದು ಒಳ್ಳೆಯದು. ಕಣ್ಣಿಗೆ ಕಾಣದ ಸೂಕ್ಷ್ಮಾಣುಗಳಿದ್ದು ಅವು ಹೊಟ್ಟೆ ಸೇರಿದರೆ ಕಾಯಿಲೆ ತರುತ್ತವೆ. ಅಡುಗೆ ಮಾಡುವಾಗ ಕೈ ತೊಳೆದು ನಂತರ ಪಾತ್ರೆಗಳನ್ನು ಮುಟ್ಟಿ.

ಮೂಗಿಗೆ ಕೈ ಹಾಕುವುದು

ಚಿಕ್ಕ ಮಕ್ಕಳಲ್ಲಿ ಮಾತ್ರವಲ್ಲ, ದೊಡ್ಡವರಲ್ಲೂ ಈ ರೀತಿಯ ಅಭ್ಯಾಸ ಕಂಡು ಬರುತ್ತದೆ. ಮೂಗಿಗೆ ಕೈ ಹಾಕಿದರೆ ನೋಡುಗರಿಗೆ ಅಸಹ್ಯ ಅನಿಸುತ್ತದೆ, ಆರೋಗ್ಯಕ್ಕೂ ಒಳ್ಳೆಯದಲ್ಲ.

ಮೈಗೆ ಯಾವುದೇ ಕೆಲಸ ಕೊಡದಿರುವುದು

ಮೈಯನ್ನು ಬಗ್ಗಿಸುವುದು, ಹಿಂದೆಕ್ಕೆ , ಮುಂದೆಕ್ಕೆ ಭಾಗುವುದು ಆರೋಗ್ಯಕ್ಕೆ ಒಳ್ಳೆಯದು. ದಿನಾವಿಡೀ ಆಫೀಸ್ ನಲ್ಲಿ ಕುಳಿತಲ್ಲಿಯೇ ಕುಳಿತುಕೊಳ್ಳುತ್ತೇವೆ. ಆದ್ದರಿಂದ ಬೆಳಗ್ಗೆ ಎದ್ದ ನಂತರ ಮೈಯನ್ನು ಹಿಂದೆಕ್ಕೆ, ಮುಂದೆಕ್ಕೆ ಬಾಗಿಸುವುದು ಮಾಡಿ, ಇದರಿಂದ ಆಲಸ್ಯ ದೂರವಾಗುತ್ತದೆ. ಮೈ ಅಲುಗಾಡಿಸದೆ ಕೂರುವ ಅಭ್ಯಾಸ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಉಸಿರಾಟ

ಬೆಳಗ್ಗೆ ಸ್ವಲ್ಪ ಹೊತ್ತು ಉಸಿರಾಟದ ವ್ಯಾಯಾಮ ಮಾಡಿದರೆ ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುವುದಿಲ್ಲ. ಅಲ್ಲದೆ ಜ್ಞಾಪಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಬ್ರೇಕ್ ಫಾಸ್ಟ್

ಡಯಟ್ ಹೆಸರಿನಲ್ಲಿ ಬೆಳಗ್ಗೆ ಏನೂ ತಿನ್ನದೆ ಖಾಲಿ ಹೊಟ್ಟೆಯಲ್ಲಿರುವ ಅಭ್ಯಾಸ ಒಳ್ಳೆಯದಲ್ಲ. ಈ ರೀತಿ ಸಣ್ಣಗಾಗಲು ಪ್ರಯತ್ನಿಸಿದರೆ ಆರೋಗ್ಯ ಕೈ ಕೊಡುತ್ತದೆ.

ಉಗುರನ್ನು ಕತ್ತರಿಸಿ

ಕೈ ಉಗುರು ಮತ್ತು ಕಾಲು ಉಗುರುಗಳನ್ನು ಸ್ವಚ್ಛವಾಗಿಡಿ. ಉಗುರುಗಳನ್ನು ಹೆಚ್ಚು ಉದ್ದ ಬೆಳೆಸಬೇಡಿ. ಬೆಳೆಸಿದರೂ ಅವುಗಳಲ್ಲಿ ಯಾವುದೇ ಕೊಳೆ ನಿಲ್ಲದಂತೆ ನೋಡಿಕೊಳ್ಳಿ. ಕೈಯ ಉಗುರುಗಳಲ್ಲಿ ಕೊಳೆ ನಿಂತರೆ ಅದು ಹೊಟ್ಟೆಯನ್ನು ಸೇರಿ ಹೊಟ್ಟೆ ನೋವು ಕಾಣಿಸಿಕೊಳ್ಳುವುದು.

ಪರ್ಸನಲ್ ವಸ್ತುಗಳನ್ನು ಹಂಚಿ ಕೊಳ್ಳಬೇಡಿ

ಮೈ ಸ್ಕ್ರಬ್ಬರ್, ರೇಝರ್, ಟೂತ್ ಬ್ರೆಷ್, ಒಳ ಉಡುಪುಗಳು ಇವುಗಳನ್ನು ಬೇರೆಯವರಿಗೆ ಬಳಸಲು ಕೊಡಬೇಡಿ.

ನಿದ್ದೆ

ಟಿವಿ, ಚಾಟ್ ಅಂತ ಮಾಡುತ್ತಾ ತುಂಬಾ ಹೊತ್ತು ನಿದ್ದೆ ಮಾಡದೆ ಇರುವ ಬದಲು ಸರಿಯಾದ ಸಮಯಕ್ಕೆ ನಿದ್ದೆ ಮಾಡಿ. ತುಂಬಾ ನಿದ್ದೆ ಕೂಡ ಮಾಡಬೇಡಿ.