ಉತ್ತಮ ಬ್ರೇಕ್ ಫಾಸ್ಟ್ ಗೆ ಈ ಸಾಮಾಗ್ರಿಗಳು ಇರಬೇಕು

ತರಕಾರಿ

ಕಮ್ಮಿಯೆಂದರೂ 2-3 ಬಗೆಯ ತರಕಾರಿ ನಿಮ್ಮ ಆಹಾರಕ್ರಮದಲ್ಲಿರಲಿ. ಪಲಾವ್ ಆದರೂ ಮಾಡಿ. ದೋಸೆ ಸಾಗು ಆದರೂ ಮಾಡಿ ಇಲ್ಲ ಸ್ಯಾಂಡ್ ವಿಚ್ ಆದರೂ ಮಾಡಿ 2-3 ಬಗೆಯ ತರಕರಿ ಹಾಕುವುದನ್ನು ಮರೆಯದಿರಿ.

ಹಣ್ಣು

ಬೆಳಗ್ಗೆ ಹಣ್ಣುಗಳನ್ನು ತಿನ್ನುವುದು ಒಳ್ಳೆಯದು. ನಿಮಗೆ ಇಷ್ಟವಾದ ಹಣ್ಣನ್ನು ತಿನ್ನಿ. ಅದರಲ್ಲೂ ಹಣ್ಣುಗಳನ್ನು ಬ್ರೇಕ್ ಫಾಸ್ಟ್ ಗೆ ಮೊದಲು ತಿನ್ನಿ.

ಹಾಲು

ಪ್ರತೀದಿನ ಒಂದು ಲೋಟ ಹಾಲು ಕುಡಿಯಲು ಮರೆಯದಿರಿ. ಹಾಲು ಇಷ್ಟಪಡದವರು ಸೋಯಾ ಮಿಲ್ಕ್ ಕುಡಿಯಬಹುದು.

ಚೀಸ್

ಚೀಸ್ ಮೈ ತೂಕವನ್ನು ಹೆಚ್ಚಿಸುತ್ತದೆ, ಆದರೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು, ಚೀಸ್ ಬಳಸಿ ಬ್ರೇಕ್ ಫಾಸ್ಟ್ ರೆಡಿ ಮಾಡಿದ ದಿನ ಸ್ವಲ್ಪ ಅಧಿಕ ಹೊತ್ತು ವ್ಯಾಯಾಮ ಮಾಡಿದರೆ ಸಾಕು. ರುಚಿಯಾದ ಆರೋಗ್ಯಕರವಾದ ಆಹಾರವನ್ನು ಮೈ ತೂಕ ಹೆಚ್ಚಾಗುತ್ತದೆ ಎಂಬ ಭಯವಿಲ್ಲದೆ ತಿನ್ನಬಹುದು.

ಮಾರ್ಗ್ರೈನ್

ಬೆಣ್ಣೆ ಬದಲು ಮಾರ್ಗ್ರೈನ್ ಒಳ್ಳೆಯದು ಎಂದು ಸಂಶೋಧನೆಯೂ ಹೇಳುತ್ತದೆ. ಹೃದಯ ಸಮಸ್ಯೆ ಇರುವವರಿಗೆ, ಮಾರ್ಗ್ರೈನ್ ಉತ್ತಮವಾದ ಆಯ್ಕೆಯಾಗಿದೆ.

ನಟ್ಸ್

ಬೆಳಗ್ಗೆ 2-3 ಬಾದಾಮಿ ಅಥವಾ ನಿಮಿಗಿಷ್ಟವಾದ ನಟ್ಸ್ ತಿಂದರೆ ದೇಹಕ್ಕೆ ಉತ್ತಮವಾದ ಪೋಷಕಾಂಶ ದೊರೆಯುವುದು. ಇದರಿಂದ ದಿನಪೂರ್ತಿ ಹೆಚ್ಚು ಆಯಾಸವಿಲ್ಲದೆ ಕೆಲಸ ಮಾಡಬಹುದು.

ದವಸ ಧಾನ್ಯಗಳು

ಮೊಳಕೆ ಬರಿಸಿದ ಕಾಳುಗಳು, ಸ್ಯಾಂಡ್ ವಿಚ್ ಮಾಡುವುದಾದರೆ ವ್ಹೀಟ್ ಬ್ರೆಡ್ ಬಳಸುವುದು ಒಳ್ಳೆಯದು. ಧಾನ್ಯಗಳಲ್ಲಿ ಸಂಸ್ಕರಿಸದ ಧಾನ್ಯಗಳು ತುಂಬಾ ಒಳ್ಳೆಯದು.

ಚಕ್ಕೆ

ದೇಹದಲ್ಲಿ ಸಕ್ಕರೆಯಂಶವನ್ನು ನಿಯಂತ್ರಣದಲ್ಲಿಡಲು, ಮೈ ತೂಕ ಹೆಚ್ಚದಿರಲು ಚಕ್ಕೆಯನ್ನು ಬಳಸವುದು ಒಳ್ಳೆಯದು.

ಮೊಸರು

ಮೊಸರಿನಲ್ಲಿ ಒಳ್ಳೆಯ ಬ್ಯಾಕ್ಟೀರಿಯಾಗಳು ಇರುವುದರಿಂದ ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು. ಅಲ್ಲದೆ ಬೆಳಗ್ಗೆ ಮೊಸರು ತಿನ್ನುವುದರಿಂದ ಬಾಯಿ ದುರ್ವಾಸನೆ ಬೀರುವುದನ್ನೂ ತಡೆಯಬಹುದು.

ಪೀನಟ್ ಬಟರ್

ಪೀನಟ್ ಬಟರ್ ತುಂಬಾ ಆರೋಗ್ಯಕರ. ಆದ್ದರಿಂದ ಇದನ್ನು ಸ್ಯಾಂಡ್ ವಿಚ್ ಜೊತೆ ಹಾಕಿ ತಿನ್ನಲು ಒಳ್ಳೆಯದು.

ಅಗಸೆ ಬೀಜ

ಸ್ವಲ್ಪ ಅಗಸೆ ಬೀಜವನ್ನು ನೆನೆ ಹಾಕಿ ಅದನ್ನು ಹಾಗೆಯೇ ತಿನ್ನಬಹುದು ಅಥವಾ ಆಹಾರದಲ್ಲಿ ಹಾಕಿ ತಿನ್ನಬಹುದು. ಇದು ಕೂದಲಿನ ಪೋಷಣೆಗಂತೂ ತುಂಬಾ ಸಹಕಾರಿ.

ಪ್ರೊಟೀನ್

ಪ್ರೊಟೀನ್ ಭರಿತ ಆಹಾರವು ಬೆಳಗ್ಗಿನ ಬ್ರೇಕ್ ಫಾಸ್ಟ್ ನಲ್ಲಿ ಕಡ್ಡಾಯವಾಗಿ ಇರುವಂತೆ ನೋಡಿಕೊಳ್ಳಿ.