ಕಣ್ಣಿನ ಬಣ್ಣ ನೋಡಿ ರೋಗ ತಿಳಿಯಿರಿ

Wellness

oi-Reena

By Hema S

Updated: Saturday, August 25, 2012, 15:00 [IST]

ಮುಖ ನಮ್ಮ ಭಾವನೆಗಳನ್ನು ಮರೆಮಾಚಿದರೂ ನಮ್ಮ ಕಣ್ಣುಗಳು ಸತ್ಯವನ್ನು ಹೇಳುತ್ತಿರುತ್ತವೆ. ಕಣ್ಣುಗಳಲ್ಲಿ ಒಬ್ಬ ವ್ಯಕ್ತಿಯ ಭಾವನೆ ಮಾತ್ರವಲ್ಲ, ಆರೋಗ್ಯದ ಸ್ಥಿತಿಯನ್ನೂ ಕಂಡು ಪಡೆಯಬಹುದು. ನಮ್ಮ ಕಣ್ಣುಗಳಿಂದ ನಮ್ಮ ಆರೋಗ್ಯದಲ್ಲಿರುವ ನ್ಯೂನತೆಗಳೇನು ಎಂದು ತಿಳಿಯಲು ಮುಂದೆ ಓದಿ.

ಹಳದಿ ಬಣ್ಣದ ಕಣ್ಣು: ಪಿತ್ತ, ಪಿತ್ತಕೋಶದ ಸಮಸ್ಯೆ, ಅರಿಶಿಣ ಕಾಮಲೆ, ಲಿವರ್ ನ ಸಮಸ್ಯೆ, ಯಕೃತಿನಲ್ಲಿ ಸಮಸ್ಯೆ ಇದ್ದರೆ ಕಣ್ಣುಗಳು ಹಳದಿ ಬಣ್ಣದಲ್ಲಿರುತ್ತದೆ. ಆದ್ದರಿಂದ ಕಣ್ಣು ಹಳದಿ ಬಣ್ಣದಲ್ಲಿದ್ದರೆ ವೈದ್ಯರನ್ನು ಕಂಡು ವೈದ್ಯಕೀಯ ಪರೀಕ್ಷೆ ಮಾಡಿಸಿಕೊಳ್ಳುವುದು ಒಳ್ಳೆಯದು.

ತೇವಾಂಶವಿಲ್ಲದ ಕಣ್ಣು: ರಕ್ತ ಹೀನತೆ , ಹಿಮೋಗ್ಲೋಬಿನ್ ಪ್ರಮಾಣ ಕಡಿಮೆಯಿದ್ದರೆ ಈ ರೀತಿಯ ಲಕ್ಷಣಗಳು ಕಂಡುಬರುತ್ತದೆ.

ಕಣ್ಣಿನಲ್ಲಿ ತುರಿಕೆ ಮತ್ತು ಕಣ್ಣು ಕೆಂಪಾಗುವುದು: ತಲೆನೋವು, ಸೈನಸ್ ಸಮಸ್ಯೆ , ಕಣ್ಣಿನ ಮೇಕಪ್ ನಿಂದ ಕಣ್ಣಿನಲ್ಲಿ ಅಲರ್ಜಿ ಉಂಟಾದರೆ ಕಣ್ಣಿನಲ್ಲಿ ತುರಿಕೆ ಉಂಟಾಗುವುದು ಮತ್ತು ಕಣ್ಣು ಕೆಂಪು ಬಣ್ಣಕ್ಕೆ ತಿರುಗುತ್ತದೆ.

ಕಣ್ಣಿನಲ್ಲಿ ಕಸ ಇರುವ ರೀತಿ ಭಾಸವಾಗುವುದು: ಕಣ್ಣಿನಲ್ಲಿ ಕಸ ಬಿದ್ದು ತೊಂದರೆ ಉಂಟಾದರೆ ಆ ಚಿಕ್ಕ ಕಸವನ್ನು ತೆಗದರೆ ಸಾಕು, ಕೆಲವೊಮ್ಮೆ ಕಣ್ಣಿಗೆ ಏನೂ ಆಗದಿದ್ದರೂ ಕಣ್ಣಿನಲ್ಲಿ ಕಸ ಬಿದ್ದಂತೆ ಭಾಸವಾಗುತ್ತದೆ.

ಕಣ್ಣು ಮಂಜಾಗುವುದು: ದೃಷ್ಟಿದೋಷವಿದ್ದರೆ ವಸ್ತುಗಳು ಸ್ಪಷ್ಟವಾಗಿ ಕಾಣುವುದಿಲ್ಲ. ಈ ರೀತಿಯಿದ್ದರೆ ದೃಷ್ಟಿದೋಷಕ್ಕೆ ಚಿಕಿತ್ಸೆ ಪಡೆದರೆ ಸಾಕು. ಆದರೆ ಆಗಾಗ ಕಣ್ಣು ಮಂಜಾಗುತ್ತಿದ್ದರೆ ಮಧುಮೇಹ ಅಥವಾ ಇತರ ಕಾಯಿಲೆಯ ಲಕ್ಷಣವಾಗಿದೆ. ಆದ್ದರಿಂದ ವೈದ್ಯರನ್ನು ಕಂಡು ಪರೀಕ್ಷಿಸುವುದು ಒಳ್ಳೆಯದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.