ತುಂಬಾ ಹೊತ್ತು ಕೂರುವುದು ಆರೋಗ್ಯಕ್ಕೆ ಅಪಾಯ!

Wellness

oi-Reena

By Hema S

Updated: Saturday, September 22, 2012, 16:28 [IST]

ಆಪೀಸ್ ಕೆಲಸ ಅಂದರೆ 8-10 ಗಂಟೆಗಳ ಕಾಲ ಕೂತು ಕೆಲಸ ಮಾಡಬೇಕು. ಈ ರೀತಿ ಕೂತು ಮಾಡುವ ಕೆಲಸದಿಂದ ಕ್ರಮೇಣ ಆರೋಗ್ಯದ ಸಮಸ್ಯೆ ಕಂಡು ಬರುವುದು. ಹೆಚ್ಚಿನ ಹೊತ್ತು ಕೂತು ಕೆಲಸ ಮಾಡುವವರಲ್ಲಿ ಈ ಕೆಳಗಿನ ಸಮಸ್ಯೆಗಳು ಕಂಡು ಬರುತ್ತದೆ.

ಬೆನ್ನುನೋವು: ತುಂಬಾ ಹೊತ್ತು ಕೂರುವುದರಿಂದ ಸ್ನಾಯುಗಳ ಸೆಳೆತ ಉಂಟಾಗಿ ಬೆನ್ನು ನೋವು ಉಂಟಾಗುವುದು. ಅದರಲ್ಲೂ ಕಂಪ್ಯೂಟರ್ ನ ಮುಂದೆ ಕೂತು ಕೆಲಸ ಮಾಡುವವರಿಗೆ ಈ ರೀತಿಯ ಬೆನ್ನುನೋವು ಕಟ್ಟಿಟ್ಟ ಬುತ್ತಿ. ಬೆಳಗ್ಗೆ ಎದ್ದು ಯೋಗ ಮಾಡಿದರೆ ಈ ರೀತಿಯ ಬೆನ್ನು ನೋವು ಬರುವುದನ್ನು ತಡೆಯಬಹುದು.

ಕೊಲೆಸ್ಟ್ರಾಲ್ ಹೆಚ್ಚಾಗುವುದು: ತುಂಬಾ ಹೊತ್ತು ಕೂತು ಕೆಲಸ ಮಾಡಿದರೆ ಜೀರ್ಣಕ್ರಿಯೆಯಲ್ಲಿ ವ್ಯತ್ಯಾಸ ಉಂಟಾಗುವುದು ಹಾಗೂ ಒಳ್ಳೆಯ ಕೊಲೆಸ್ಟ್ರಾಲ್ ಆದ ಲಿಪೋಪ್ರೊಟೀನ್ ಕೊಲೆಸ್ಟ್ರಾಲ್ ನ ಪ್ರಮಾಣವನ್ನು ತಗ್ಗಿಸುತ್ತದೆ, ಇದರಿಂದ ದೇಹದಲ್ಲಿ ಕೆಟ್ಟ ಕೊಲೆಸ್ಟ್ರಾಲ್ ಪ್ರಮಾಣ ಹೆಚ್ಚಾಗುವುದು.

ಮಧುಮೇಹ ಬರಬಹುದು: ತುಂಬಾ ಹೊತ್ತು ಕೂರುವುದರಿಂದ ದೇಹದಲ್ಲಿ ಇನ್ಸುಲಿನ್ ಪ್ರಮಾಣವನ್ನು ತಗ್ಗಿಸುತ್ತದೆ. ಆಫೀಸ್ ನಲ್ಲಿ ಕೂರುವುದು, ಮನೆಗೆ ಬಂದು ವಿಶ್ರಾಂತಿಗಾಗಿ ಕೂರುವುದು ಮಾಡದೆ ಸ್ವಲ್ಪ ಹೊತ್ತು ನಡೆದಾಡಿದರೆ ಆರೋಗ್ಯಕ್ಕೆ ಒಳ್ಳೆಯದು.

ಕುತ್ತಿಗೆ ನೋವು: ತುಂಬಾ ಹೊತ್ತು ಸಿಸ್ಟಮ್ ನೋಡುತ್ತಾ ಕೂತು ಕೆಲಸ ಮಾಡುವುದರಿಂದ ಕುತ್ತಿಗೆ ನೋವು ಉಂಟಾಗುವುದು. ಅಲ್ಲದೆ ಕಣ್ಣಿನ ದೃಷ್ಟಿಗೆ ಕೂಡ ದೋಷ ಉಂಟಾಗುತ್ತದೆ.

ಈ ರೀತಿಯ ಸಮಸ್ಯೆಗಳು ಚಿಕ್ಕ ಪ್ರಾಯದಲ್ಲಿಯೇ ಕಾಣಿಸಿಕೊಂಡು ಬೇಗನೆ ಸಾವು ಬರುವುದು. ಆದ್ದರಿಂದ ತುಂಬಾ ಹೊತ್ತು ಕೂತು ಕೆಲಸ ಮಾಡುವವರು ದಿನದಲ್ಲಿ ಅರ್ಧಗಂಟೆ ವ್ಯಾಯಾಮ ಮಾಡಬೇಕು. ಯೋಗ, ಪ್ರಾಣಾಯಾಮ ಇವುಗಳನ್ನು ಮಾಡಿದರೆ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.