ಸೋಯಾ ಮತ್ತು ಅದರ ಉತ್ಪನ್ನಗಳು

Wellness

oi-Reena

By Hema S

Updated: Tuesday, August 7, 2012, 14:20 [IST]

ಸೋಯಾದಲ್ಲಿ ಅತ್ಯಧಿಕ ಪ್ರೊಟೀನ್ ಅಂಶವಿದ್ದು ಇದನ್ನು ತಿಂದರೆ ಮಾಂಸಾಹಾರ ತಿಂದರೆ ಎಷ್ಟು ಪ್ರಮಾಣದ ಪ್ರೊಟೀನ್ ದೊರೆಯುತ್ತದೆಯೊ ಅಷ್ಟು ಪ್ರಮಾಣದ ಪ್ರೊಟೀನ್ ಸೋಯಾದಲ್ಲಿ ದೊರೆಯುತ್ತದೆ. ಒಂದು ಕಪ್ ಸೋಯಾದಲ್ಲಿ ಅಥವಾ ಟೊಫು (Tofu )ವಿನಲ್ಲಿ 40 ಗ್ರಾಂ ಪ್ರೊಟೀನ್ ಇರುತ್ತದೆ. ಮೊಟ್ಟೆ ತಿನ್ನದಿರುವವರು ಇದನ್ನು ತಮ್ಮ ಆಹಾರಕ್ರಮದಲ್ಲಿ ಅಳವಡಿಸಿದರೆ ಪ್ರೊಟೀನ್ ಕೊರತೆಯನ್ನು ನೀಗಿಸಬಹುದು.

ಸೋಯಾದ ಪ್ರಯೋಜನಗಳು:

* ಹೃದಯದ ಸ್ವಾಸ್ಥ್ಯಕ್ಕೆ: ತೀವ್ರವಾದ ಹೃದಯದ ಸಮಸ್ಯೆ, ಕ್ಯಾನ್ಸರ್, ಮಧುಮೇಹ, ಕಿಡ್ನಿ, ಜಠರ ಮತ್ತು ಸಂಧಿವಾತ ಸಮಸ್ಯೆಯನ್ನು ನೀಗಿಸುವ ನೈಸರ್ಗಿಕ ಪದಾರ್ಥವೆಂದರೆ ಸೋಯಾ.

* ಮೆನೊಪಾಸ್: ಸೋಯಾ ಮುಟ್ಟು ನಿಂತ ನಂತರದ ಸಮಸ್ಯೆಗಳನ್ನು ನಿವಾರಿಸುವ ನೈಸರ್ಗಿಕ ಈಸ್ಟ್ರೋಜೆನ್ ನಂತೆ ಕೆಲಸ ಮಾಡುತ್ತದೆ. ಇದು ಮಹಿಳೆಯರಲ್ಲಿ ಹಾರ್ಮೋನುಗಳ ವೈಪರೀತ್ಯವನ್ನು ತಡೆಯುತ್ತದೆ.

* ಸದೃಢ ದೇಹಕ್ಕೆ: ಸೋಯಾ ಪ್ರೊಟೀನ್ ನಲ್ಲಿ ಅಮಿನೊ ಆಸಿಡ್ ಹೇರಳವಾಗಿದೆ. ಇದರಲ್ಲಿರುವ ಪ್ರೊಟೀನ್ ಕಿಡ್ನಿ ಮತ್ತು ಮೂಳೆ ಬೆಳವಣಿಗೆ, ನಿರ್ವಹಣೆಗೆ ಹೆಚ್ಚು ಸಹಕಾರಿ. ಸೋಯಾ ಮೂಳೆಗಳಿಗೆ ಹೆಚ್ಚು ಶಕ್ತಿ ಒದಗಿಸುವುದರಿಂದ ವಯಸ್ಸಾದವರಿಗೆ ಹೆಚ್ಚು ಅವಶ್ಯಕವಿದೆ.

* ರೋಗ ನಿರೋಧಕ ಶಕ್ತಿ: ಸೋಯಾದಲ್ಲಿರುವ ಪೆಪ್ಟೈಡ್ ಅಂಶ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿ ರೋಗಗಳ ವಿರುದ್ಧ ಹೋರಾಡುವಂತೆ ಶಕ್ತಿ ನೀಡುತ್ತದೆ. ಇನ್ನಿತರ ಪದಾರ್ಥಗಳಲ್ಲಿ ಲಭ್ಯವಿರದ ವಿಟಮಿನ್ ಮತ್ತು ಖನಿಜಾಂಶಗಳನ್ನೂ ಸೋಯಾ ಸೇವನೆಯಿಂದ ಪಡೆಯಬಹುದು. ಇದು ದೇಹದಲ್ಲಿನ ವಿಷಕಾರಿ ಅಂಶವನ್ನು ಹೋಗಿಸಿ ಶುದ್ದೀಕರಣಗೊಳಿಸುತ್ತದೆ. ಶ್ವಾಸಕೋಶದ ತೊಂದರೆಯಿಂದ ಬಳಲುತ್ತಿದ್ದವರಿಗೂ ಸೋಯಾ ಹೆಚ್ಚು ಪರಿಣಾಮಕಾರಿ.

* ಕೊಲೆಸ್ಟ್ರಾಲ್: ಸೋಯಾದಲ್ಲಿ ವಿಶೇಷವಾದ ಐಸೊಫ್ಲೇವಾನ್ಸ್ ಆಂಟಿಯಾಕ್ಸಿಡಂಟ್ ಜೀವಕಣಗಳನ್ನು ಸಂರಕ್ಷಿಸುವುದಲ್ಲದೆ ವಯಸ್ಸಿಗೆ ಮುನ್ನವೇ ಸುಕ್ಕು ಮೂಡುವುದನ್ನು ತಡೆಯುತ್ತದೆ. ಇದು ರಕ್ತದಲ್ಲಿನ ಕೊಲೆಸ್ಟ್ರಾಲನ್ನೂ ಕರಗಿಸುತ್ತದೆ.

* ಸಕಲ ಸೌಂದರ್ಯ: ಸೋಯಾದಿಂದ ಸೌಂದರ್ಯಕ್ಕೂ ಉಪಯೋಗವಿದೆ. ಇದು ಕೂದಲನ್ನು ಗಟ್ಟಿಗೊಳಿಸಿ ಕೂದಲುದುರುವಿಕೆಯನ್ನು ತಡೆಯುತ್ತದೆ. ಬೇಗನೆ ವಯಸ್ಸಾಗುವುದನ್ನೂ ನಿವಾರಿಸಿ ಚರ್ಮವನ್ನು ಬಿಗಿ ಗೊಳಿಸಿ ತಾರುಣ್ಯ ತುಂಬುತ್ತದೆ.

* ಜ್ಞಾಪಕ ಶಕ್ತಿ: ಸೋಯಾದಲ್ಲಿರುವ ಲೆಸಿತಿನ್ ಅಂಶ ಜ್ಞಾಪಕ ಶಕ್ತಿಯನ್ನು ಅಧಿಕಗೊಳಿಸಿ ಏಕಾಗ್ರತೆಯನ್ನೂ ಹೆಚ್ಚಿಸುತ್ತದೆ. ಸೋಯಾ ದೇಹಕ್ಕೆ, ಮೆದುಳಿಗೆ ಎಲ್ಲ ರೀತಿಯಿಂದಲೂ ಅನೇಕ ಪ್ರಯೋಜನವನ್ನು ನೀಡುತ್ತದೆ.ಜೀರ್ಣಕ್ರಿಯೆಯಲ್ಲಿ ತೊಂದರೆ, ಉಸಿರಾಟದ ತೊಂದರೆ, ಹೃದಯದ ತೊಂದರೆಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.