ಗ್ರೀನ್ ಟೀ ಅಡ್ಡ ಪರಿಣಾಮ ಬೀರುವುದೇ?

Published: Thursday, May 3, 2012, 11:35 [IST]

ಗ್ರೀನ್ ಟೀ ಆರೋಗ್ಯಕ್ಕೆ ಒಳ್ಳೆಯದು, ಇದರಿಂದ ತೂಕ ಕಡಿಮೆಯಾಗುತ್ತೆ, ತ್ವಚೆ ಹೊಳಪನ್ನು ಪಡೆಯುತ್ತದೆ, ಕೂದಲು ಉದುರುವ ಸಮಸ್ಯೆ ಕಡಿಮೆಯಾಗುವುದು, ದೇಹದಲ್ಲಿರುವ ಕಷ್ಮಲಗಳನ್ನು ಹೊರಹಾಕಲು ಸಹಾಯ ಮಾಡುತ್ತದೆ ಹೀಗೆ ಇದರ ನಾನಾ ಉಪಯೋಗಗಳ ಬಗ್ಗೆ ತಿಳಿದಿದ್ದೇವೆ. ಆದರೆ ಈ ಉಪಕಾರಿ ಗ್ರೀನ್ ಟೀಯನ್ನು ಸರಿಯಾದ ಕ್ರಮದಲ್ಲಿ ಕುಡಿಯದಿದ್ದರೆ ಅಡ್ಡಪರಿಣಾಮ ಉಂಟಾಗುವುದು.

ಇದರಿಂದ ಮಲಬದ್ಧತೆ, ವಾಂತಿ, ತಲೆಸುತ್ತು, ತಲೆ ನೋವು ಹಾಗ ನಿದ್ದೆ ಬಾರದಿರುವ ಸಮಸ್ಯೆ ಈ ರೀತಿಯ ಅಡ್ಡಪರಿಣಾಮ ಉಂಟಾಗುವುದು . ತೂಕ ಕಡಿಮೆ ಮಾಡಿಕೊಳ್ಳಲು ಗ್ರೀನ್ ಟೀ ಕುಡಿಯುತ್ತಿರುವವರು ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಈ ಮೇಲಿನ ಯಾವುದೇ ಅಡ್ಡ ಪರಿಣಾಮ ಉಂಟಾಗುವುದಿಲ್ಲ.

ತಾಜಾ ಟೀ ಕುಡಿಯಬೇಕು: ಆಗಷ್ಟೆ ತಯಾರಿಸಿದ ಗ್ರೀನ್ ಟೀ ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದು. ಗ್ರೀನ್ ಟೀಯನ್ನು ಬಿಸಿಯಾಗಿ ಅಥವಾ ತಣ್ಣಗೆ ಮಾಡಿ ಕುಡಿಯಬಹುದು. ಆದರೆ ತಯಾರಿಸಿದ ಒಂದು ಗಂಟೆಯೊಳಗೆ ಟೀ ಕುಡಿಯಬೇಕು. ಅಲ್ಲದೆ ಈ ಟೀಯನ್ನು ತುಂಬಾ ಬಿಸಿ ಮಾಡಿ ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಏಕೆಂದರೆ ಇದನ್ನು ತುಂಬಾ ಹೊತ್ತು ಇಟ್ಟರೆ ಇದರಲ್ಲಿರುವ ವಿಟಮಿನ್ ಮತ್ತು antioxidants ಶಕ್ತಿ ಕಡಿಮೆಯಾಗುವುದು.

ಊಟಕ್ಕಿಂತ ಒಂದು ಗಂಟೆ ಮುಂಚೆ ಕುಡಿಯಬೇಕು: ಊಟಕ್ಕೆ ಮುಂಚೆ ಕುಡಿದರೆ ಇದು ಹೊಟ್ಟೆ ಹಸಿವನ್ನು ನಿಯಂತ್ರಿಸುತ್ತದೆ. ಗ್ರೀನ್ ಟೀಯನ್ನು ಸಾಯಾಂಕಾಲ ಕುಡಿಯುವುದು ಒಳ್ಳೆಯದು. ಈ ಟೀಯನ್ನು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಕುಡಿಯಲು ಹೋಗಬಾರದು.

ಔಷಧಿ ಜೊತೆ ತೆಗೆದುಕೊಳ್ಳಬಾರದು: ಗ್ರೀನ್ ಟೀ ಮತ್ತು ಔಷಧಿಯನ್ನು ಜೊತೆಯಲ್ಲಿ ತೆಗೆದುಕೊಂಡರೆ ಅಡ್ಡಪರಿಣಾಮ ಉಂಟಾಗುವುದು. ಆದ್ದರಿಂದ ಗ್ರೀನ್ ಟೀ ಮತ್ತು ಔಷಧಿಯನ್ನು ಜೊತೆಯಲ್ಲಿ ತೆಗೆದುಕೊಳ್ಳಬಾರದು.

ಸ್ಟ್ರಾಂಗ್ ಟೀ ಬೇಡ: ಗ್ರೀನ್ ಟೀಯನ್ನು ತಯಾರಿಸುವಾಗ ತುಂಬಾ ಸ್ಟ್ರಾಂಗ್ ತಯಾರಿಸಿದರೆ ನಿದ್ರಾ ಹೀನತೆ ಸಮಸ್ಯೆ ಕಾಣಿಸಿಕೊಳ್ಳುವುದು. ಇದರಿಂದ ಅಜೀರ್ಣ ಸಮಸ್ಯೆ ಕೂಡ ಉಂಟಾಗುವುದು.

ದಿನಕ್ಕೆ ಟೀಯ ಮಿತಿ: ಗ್ರೀನ್ ಟೀಯನ್ನು ದಿನಕ್ಕೆ 2-3 ಕಪ್ ಮಾತ್ರ ಕುಡಿಯಬೇಕು. ಗ್ರೀನ್ ಟೀ ತಯಾರಿಸುವಾಗ ಬಿಸಿ ನೀರಿನಲ್ಲಿ ತಯಾರಿಸಿ ಕುಡಿಯಿರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.