ಬೆಳಗ್ಗೆ ಏಳುವ ಮುನ್ನ ಪಾಲಿಸಬೇಕಾದ 3 ವಿಷಯಗಳು

Wellness

oi-Reena

By Hema S

Published: Thursday, April 26, 2012, 12:18 [IST]

ಬೆಳಗ್ಗೆ ಎದ್ದ ತಕ್ಷಣ ಏನು ಮಾಡುತ್ತೀರಿ? ಹೆಚ್ಚಿನವರು ಅಯ್ಯೊ! ಎಷ್ಟು ಬೇಗ ಬೆಳಗಾಯಿತು ಎಂದು ದಡಬಡಿಸಿ ಎದ್ದು ಮುಂದಿನ ಕಾರ್ಯಗಳಿಗೆ ಅಣಿಯಾಗುತ್ತಾರೆ. ಈ ರೀತಿ ಮಾಡಿದರೆ ಬೆಳಗ್ಗೆನೆ ಟೆನ್ಷನ್ ಉಂಟಾಗಿ ಲವಲವಿಕೆ ಕಡಿಮೆಯಾಗುವುದು.

ನಿದ್ದೆ ಮಾಡಿದಾಗ ದೇಹ ಮಾತ್ರವಲ್ಲ, ಮನಸ್ಸು ಕೂಡ ವಿಶ್ರಾಂತಿಯನ್ನು ತೆಗೆದುಕೊಂಡಿರುತ್ತದೆ. ಬೆಳಗ್ಗೆ ಎಚ್ಚರ ಆದ ಕೂಡಲೆ ದಡಬಡ ಅಂತ ಎದ್ದು ದಿನನಿತ್ಯದ ಕೆಲಸಕ್ಕೆ ಅಣಿಯಾಗುತ್ತೀರಿ. ಈ ರೀತಿ ಮಾಡುವುದರಿಂದ ಮನಸ್ಸಿಗೆ ವಿಶ್ರಾಂತಿ ದೊರೆಯದೆ ದಿನಪೂರ್ತಿ ಗೊಂದಲ, ಟೆನ್ಷ್ಯನ್‌ನಿಂದ ದಿನ ದೂಡ ಬೇಕಾಗುತ್ತದೆ.

ಆದ್ದರಿಂದ ಬೆಳಗ್ಗೆ ಎದ್ದ ತಕ್ಷಣ ಮುಂದಿನ ಕೆಲಸಕ್ಕೆ ಅಣಿಯಾಗುವುದರ ಮೊದಲು ಈ ಕೆಳಗಿನ 3 ವಿಷಯಗಳನ್ನು ಪಾಲಿಸಿದ್ದೇ ಆದರೆ ದಿನಪುರ್ತಿ ಚಟುವಟಿಕೆಯಿಂದ ಕಾರ್ಯ ನಿರ್ವಹಿಸಬಹುದು. ಅದಕ್ಕಾಗಿ ಬೆಳಗ್ಗೆ ಎದ್ದ ಕೂಡಲೆ ಹೆಚ್ಚಿನ ಶ್ರಮದ ವ್ಯಾಯಾಮ ಮಾಡಿ ಅಂತ ಹೇಳುತ್ತಿಲ್ಲ, ಈ ಸರಳ ವಿಧಾನಗಳನ್ನು ಅನುಸರಿಸಿದರೆ ಅಷ್ಟೆ ಸಾಕು. ಆ ಸರಳ ವಿಧಾನಗಳ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಕೈಗಳನ್ನು ನೋಡಿಕೊಳ್ಳುವುದು: ಬೆಳಗ್ಗೆ ಎಚ್ಚರ ಆದ ತಕ್ಷಣ ಹಾಗೇ ಏಳದೆ 20-30 ಸೆಕೆಂಡ್ ಹಸ್ತಗಳನ್ನು ನೋಡಬೇಕು. ಇದು ನಿಮಗೆ ತುಂಬಾ ಚಿಕ್ಕ ವಿಷಯವಾಗಿ ಕಾಣಬಹುದು. ಆದರೆ ಈ ರೀತಿ ಮಾಡಿದರೆ ದೊಡ್ಡ ಮಟ್ಟಿನ ಪ್ರಯೋನವನ್ನು ಪಡೆಯಬಹುದು. ಹೀಗೆ ಮಾಡಿದರೆ ದೇಹ ಮಾತ್ರ ಮಂಚದಿಂದ ಏಳುವುದಿಲ್ಲ, ಮನಸ್ಸು ಕೂಡ ಎಚ್ಚರವಾಗುತ್ತದೆ.

2. ನೆಲಕ್ಕೆ ಪಾದ ಮುಟ್ಟಿಸುವುದು: ಎದ್ದ ತಕ್ಷಣ ಗಡಿಬಿಡಿಯಿಂದ ಓಡಾಡುವುದರ ಬದಲು, ಎದ್ದು ನಿಧಾನಕ್ಕೆ ಕಾಲುಗಳನ್ನು ನೆಲಕ್ಕೆ ಮುಟ್ಟಿಸಬೇಕು. ನಿಮಗೆ ಪಾದ ನೆಲಕ್ಕೆ ಮುಟ್ಟಿದ ಅನುಭವ ಸಿಗಬೇಕು.

3. ನೆಲಕ್ಕೆ ಬಾಗುವುದು: ನೆಲಕ್ಕೆ ಕಾಲೂರಿದಾಗ ನೆಲದಲ್ಲಿ ಕಾಲುಗಳಿಗೆ ಸ್ಪರ್ಶಜ್ಞಾನವಾಗಿರುತ್ತದೆ. ಆದರೆ ಬೆನ್ನು ಮತ್ತು ಕುತ್ತಿಗೆ ವಿಶ್ರಾಂತಿ ಸಿಕ್ಕಿರುವುದಿಲ್ಲ. ಅದಕ್ಕಾಗಿ ಬಾಗಿ ನೆಲವನ್ನು ಮುಟ್ಟಿದಾಗ ಕುತ್ತಿಗೆ ಮತ್ತು ಭುಜದ ಸ್ನಾಯುಗಳಲ್ಲಿರುವ ಟೆನ್ಷನ್ ಕಡಿಮೆಯಾಗಿ ವಿಶ್ರಾಂತಿ ಸಿಗುವುದು.

ಈ 3 ಅಂಶಗಳನ್ನು ಸಲೀಸಾಗಿ 2 ನಿಮಿಷದಲ್ಲಿ ಮಾಡಬಹುದಾಗಿದ್ದು, ಹೀಗೆ ಮಾಡಿದ್ದೆ ಆದರೆ ದಿನಪೂರ್ತಿ ಚಟುವಟಿಕೆಯಿಂದ ಇರಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.