ಮಹಿಳೆಯರಿಗೆ ಕಾಡುವ ಮೆನೊಪಸ್ ಮತ್ತು ಇದರ ಆರೈಕೆ

Wellness

oi-Staff

By Super

Updated: Wednesday, October 7, 2015, 17:32 [IST]

ಮಧ್ಯ ವಯಸ್ಸು ದಾಟಿದ ನಂತರ ಅಂದರೆ ಮುಟ್ಟು ನಿಲ್ಲುವ ಸಮಯದಲ್ಲಿ ಮಹಿಳೆಯರ ಆರೋಗ್ಯದಲ್ಲಿ ಅನೇಕ ವ್ಯತ್ಯಾಸ ಕಂಡುಬರುತ್ತದೆ. ಇದನ್ನು ಮೆನೊಪಸ್ ಎಂದು ಕರೆಯುತ್ತಾರೆ. ಮೆನೊಪಸ್ ಅನ್ನುವುದು ಕಾಯಿಲೆಯಲ್ಲ, ಆದರೆ ಈ ರೀತಿ ಉಂಟಾದಾಗ ಮಾನಸಿಕ ಮತ್ತು ದೈಹಿಕ ಅಸ್ವಸ್ಥೆ ಉಂಟಾಗುವುದು. ಈ ರೀತಿ ಒಂದೇ ದಿನದಲ್ಲಿ ಉಂಟಾಗುವುದಿಲ್ಲ. ಮೆನೊಪಸ್ ಬಂದ ಮೇಲೆ ಮಹಿಳೆಯರಿಗೆ ಗರ್ಭಧಾರಣೆಯ ಸಾಮರ್ಥ್ಯ ಇಲ್ಲವಾಗುತ್ತದೆ.

ಮಹಿಳೆಯರಲ್ಲಿ 40 ವರ್ಷದ ನಂತರ ಮರನೊಸ್ ಕಾಣಿಸಿಕೊಂಡರೆ ಈ ಕೆಳಗಿನ ಪ್ರಮುಖ ಲಕ್ಷಣಗಳು ಕಾಣಿಸಿಕೊಳ್ಳುತ್ತದೆ:

1. ಅನಿಯಮಿತ ಮುಟ್ಟು ಉಂಟಾಗುವುದು. ಮುಟ್ಟು ಆಗದಿರುವುದು ಇಲ್ಲದಿದ್ದರೆ ಆಗಾಗ ಮುಟ್ಟು ಆಗುವುದು, ಮುಟ್ಟಾದರೆ ತುಂಬಾ ದಿನಗಳವರೆಗೆ ರಕ್ತಸ್ರಾವ ನಿಲ್ಲದಿರುವುದು ಈ ಎಲ್ಲಾ ಲಕ್ಷಣಗಳು ಕಂಡು ಬರುತ್ತದೆ.

2. ಹಾಟ್ ಫ್ಲಷ್ ಅಂದರೆ ಸ್ವಲ್ಪ ಹೊತ್ತಿನವರೆಗೆ ಮುಖ ಬಿಸಿಯಾಗುವುದು, ಬೆವರುವುದು, ನಿದ್ದೆ ಸರಿಯಾಗಿ ಬಾರದಿರುವ ಸಮಸ್ಯೆಗಳು ಕಂಡು ಬರುತ್ತದೆ.

3. ಜನನೇಂದ್ರಿಯ ಒಣಗುವುದು, ಲೈಂಗಿಕ ಕ್ರಿಯೆಯ ನಂತರ ನೋವು ಕಾಣಿಸಿಕೊಳ್ಳುವುದು.

4. ಮೂತ್ರವಿಸರ್ಜನೆಯಲ್ಲಿ ನಿಯಂತ್ರಣವಿರುವುದಿಲ್ಲ, ಸೀನಿದಾಗ ಕೆಮ್ಮಿದಾಗ ಮೂತ್ರವಿಸರ್ಜನೆ ಉಂಟಾಗುವುದು.

5. ಹಾರ್ಮೋನ್‌ಗಳಲ್ಲಿ ವ್ಯತ್ಯಾಸ ಉಂಟಾಗಿ ಮರೆವು, ಖಿನ್ನತೆ, ಸುಸ್ತು ಉಂಟಾಗುವುದು.

6. ತೂಕ ಹೆಚ್ಚಾಗುವುದು, ಮೂಳೆಗಳಲ್ಲಿ ನೋವು ಕಾಣಿಸಿಕೊಳ್ಳುವುದು ಹೆಚ್ಚಿನ ಸುಸ್ತು ಕಂಡು ಬರುತ್ತದೆ.

ಮೆನೊಪಸ್ ನಂತರ:

ಮೆನೊಪಸ್ ನಂತರ ಮೂಳೆಗಳಲ್ಲಿ ಬಲ ಕಡಿಮೆಯಾಗುತ್ತದೆ. ಪ್ರತಿದಿನ ವ್ಯಾಯಾಮ ಮಾಡುವುದು ಮತ್ತು ಉತ್ತಮ ಆಹಾರಕ್ರಮ ಅಂದರೆ ಕ್ಯಾಲ್ಸಿಯಂ ಅಧಿಕವಿರುವ ಆಹಾರಕ್ರಮ , ಹಾಲು ಉತ್ಪನ್ನಗಳು ಇವುಗಳನ್ನು ಹೆಚ್ಚಾಗಿ ತಿನ್ನಬೇಕು. ಈ ಸಮಯದಲ್ಲಿ ಹೆಚ್ಚಿನ ಮಹಿಳೆಯರಲ್ಲಿ ಖಿನ್ನತೆ ಕಂಡುಬರುತ್ತದೆ. ಈ ಸಮಯದಲ್ಲಿ ಮಕ್ಕಳು ಮತ್ತು ಗಂಡ ಹೆಚ್ಚಿನ ಪ್ರೀತಿ ತೋರಿಸಿದರೆ ಆ ರೀತಿಯ ಖಿನ್ನತೆಯಿಂದ ಹೊರಬರುತ್ತಾರೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.