ಕಿವಿನೋವಿಗೆ ಹಳ್ಳಿ ಕಡೆಯ ಮನೆಮದ್ದು

Wellness

oi-Reena

By Hema S

Published: Tuesday, February 14, 2012, 12:19 [IST]

ಕಿವಿ ನೋವು ಬಂದರೆ ಸಾಕು ಸಹಿಸುವುದು ಅಸಾಧ್ಯ. ಕಿವಿಯಲ್ಲಿ ನೀರು ಹೋದಾಗ, ಶೀತ, ಕೆಲವರಿಗೆ ತುಂಬಾ ದೂರ ಪ್ರಯಾಣ ಮಾಡಿದಾಗ ಕಿವಿ ನೋವು ಕಾಣಿಸಿಕೊಳ್ಳುತ್ತದೆ. ಈ ಕಿವಿ ನೋವು ರಾತ್ರಿ ಹೊತ್ತು ಕಾಣಿಸಿಕೊಂಡರಂತೂ ಬೆಳಗ್ಗೆವರೆಗೆ ಸಹಿಸುವುದು ತುಂಬಾ ಕಷ್ಟ. ಹಳ್ಳಿಯಲ್ಲಿ ಸಣ್ಣ ಪುಟ್ಟ ಕಿವಿನೋವಿಗೆ ಆಸ್ಪತ್ರೆ ಹೋಗುವ ಬದಲು ಮನೆ ಮದ್ದು ಮಾಡಿಕೊಳ್ಳುತ್ತಾರೆ. ಆ ಮದ್ದುಗಳು ತಕ್ಷಣವೆ ಕಿವಿನೋವನ್ನು ಹೋಗಲಾಡಿಸುತ್ತದೆ. ಆ ಮನೆ ಮದ್ದುಗಳ ಬಗ್ಗೆ ತಿಳಿಯೋಣ:

1. ಹಾಟ್ ಬ್ಯಾಗ್: ಕಿವಿನೋವಾದಾಗ ಹಾಟ್ ಬ್ಯಾಗ್ ನಲ್ಲಿ ಬಿಸಿನೀರನ್ನು ತುಂಬಿಸಿ ಅದರಿಂದ ಕಿವಿ ಮೇಲೆ ಮೆಲ್ಲನೆ ಶಾಖ ಕೊಡಬೇಕು. ಈ ರೀತಿ ಸ್ವಲ್ಪ ಹೊತ್ತು ಮಾಡಿದರೆ ಕಿವಿನೋವು ಕಡಿಮೆಯಾಗುತ್ತದೆ.

2. ಸಾಸಿವೆ ಮತ್ತು ಬೆಳ್ಳುಳ್ಳಿ ಥೆರಪಿ: 1/2 ಎಸಳು ಬೆಳ್ಳುಳ್ಳಿ ಎಸಳನ್ನು ಒಂದು ಚಮಚ ಸಾಸಿವೆ ಎಣ್ಣೆಗೆ ಹಾಕಿ ಸ್ವಲ್ಪ ಬಿಸಿ ಮಾಡಬೇಕು. ಎಣ್ಣೆ ಸ್ವಲ್ಪ ಬಿಸಿಯಿರುವಾಗ ಕಿವಿ ನೋವು ಇರುವವರನ್ನು ಮಲಗಿಸಿ ಮೆಲ್ಲನೆ ಕಿವಿಗೆ ಎಣ್ಣೆ ಬಿಡಬೇಕು. 10 ನಿಮಿಷದ ನಂತರ ಮತ್ತೊಂದು ಕಿವಿಗೆ ಎಣ್ಣೆ ಬಿಡಬೇಕು.

3. ಬೆಳ್ಳುಳ್ಳಿ: 1/4 ಗ್ಲಾಸ್ ಎಣ್ಣೆಗೆ 6-7 ಬೆಳ್ಳುಳ್ಳಿ ಎಸಳನ್ನು ಹಾಕಿ ಅದು ಬೆಳ್ಳುಳ್ಳಿ ಗಾಢ ಕಂದು ಬಣ್ಣ ಬರುವವರೆಗೆ ಕಾಯಿಸಬೇಕು. ನಂತರ ಆ ಎಣ್ಣೆಯನ್ನು ಚೆನ್ನಾಗಿ ಸೋಸಿ ಒಂದು ಪುಟ್ಟ ಡಬ್ಬದಲ್ಲಿ ಶೇಖರಿಸಿಟ್ಟು ದಿನಕ್ಕೆ ಎರಡು ಬಾರಿ ಕಿವಿಗೆ ಹಾಕಬೇಕು. ಈ ರೀತಿ ಮಾಡಿದರೆ ಆಗಾಗ ಬರುವ ಕಿವಿನೋವು ಕಡಿಮೆಯಾಗುತ್ತದೆ.

4. ಬಾಳೆಗಿಡದ ರಸ: ಬಾಳೆ ಗಿಡವನ್ನು ಕತ್ತಿಯಿಂದ ಗೀರಿದಾಗ ರಸ ಬರುತ್ತದೆ. ಅದನ್ನು ಸಂಗ್ರಹಿಸಿ, ಕುದಿಸಿ ತಣ್ಣಗಾಗಲು ಇಡಬೇಕು. ಅದನ್ನು ರಾತ್ರಿ ಮಲುಗುವ ಮುಂಚೆ ಹಾಕಿದರೆ ಕಿವಿನೋವು ಶಾಶ್ವತವಾಗಿ ಗುಣಮುಖವಾಗುತ್ತದೆ.

5. ಈರುಳ್ಳಿ ಎಣ್ಣೆ: ಈರುಳ್ಳಿ ಎಣ್ಣೆಯನ್ನು ಕಿವಿಗೆ ಮಲುಗುವ ಮುಂಚೆ ಹಾಕಿದರೆ ಕಿವಿ ನೋವು ಕಡಿಮೆಯಾಗುತ್ತದೆ.

6. ಬಾದಾಮಿ ಎಣ್ಣೆ: ಚಮಚವನ್ನು ಬಿಸಿ ನೀರಿನಲ್ಲಿಟ್ಟು ಬಿಸಿ ಮಾಡಿ ಅದಕ್ಕೆ ಬಾದಾಮಿ ಎಣ್ಣೆಯನ್ನು ಹಾಕಿ ಕಿವಿಗೆ ಹಾಕಿದರೆ ಕಿವಿನೋವು ಕಡಿಮೆಯಾಗುತ್ತದೆ.

7. ವಿಟಮಿನ್ ಸಿ : ಆಹಾರದಲ್ಲಿ ಸತು ಮತ್ತು ವಿಟಮಿನ್ ಸಿ ಇರುವ ಅಹಾರಗಳನ್ನು ಹೆಚ್ಚಾಗಿ ಸೇವಿಸುವುದರಿಂದ ಕಿವಿ ಸಂಬಂಧಿತ ಕಾಯಿಲೆ ಬರದಂತೆ ತಡೆಯಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.