ಪಟಾಕಿಯಿಂದ ಸುಟ್ಟ ಗಾಯವಾದರೆ ತಕ್ಷಣ ಹೀಗೆ ಮಾಡಿ

Wellness

oi-Sumalatha

By Sumalatha

Published: Thursday, October 27, 2011, 10:26 [IST]

ದೀಪಾವಳಿ ಹಬ್ಬದ ಸಮಯದಲ್ಲಿ ಪಟಾಕಿಗಳಿಂದ ಆಕಸ್ಮಿಕವಾಗಿ ಸುಟ್ಟಗಾಯಗಳಾಗುತ್ತವೆ. ಆದರೆ ಅದನ್ನು ನಿರ್ಲಕ್ಷಿಸಿದರೆ ಚರ್ಮಕ್ಕೆ ಅಪಾಯ. ಅದರಲ್ಲೂ ಪುಟ್ಟ ಮಕ್ಕಳಿಗೆ ಸುಟ್ಟ ಗಾಯಗಳಾದರೆ ನೋವು ಹೆಚ್ಚು ಕಾಡುತ್ತದೆ. ಆದ್ದರಿಂದ ಈ ಸಮಯದಲ್ಲಿ ಸುಟ್ಟ ಗಾಯಗಳಿಗೆ ತಕ್ಷಣದ ಪರಿಹಾರ ನೀಡುವುದು ಹೇಗೆ ಎಂದು ಇಲ್ಲಿ ತಿಳಿದುಕೊಳ್ಳಿ.

ಸುಟ್ಟ ಗಾಯಗಳಾದ ತಕ್ಷಣ ಏನು ಮಾಡಬಹುದು?

1. ಸುಟ್ಟುಕೊಂಡ ತಕ್ಷಣ ಯಾವುದಾದರೂ ಕೋಲ್ಡ್ ಕ್ರೀಂ ಅನ್ನು ತಕ್ಷಣವೇ ಹಚ್ಚಬೇಕು. ಇದು ಉರಿಯನ್ನು ತಕ್ಷಣವೇ ಕಡಿಮೆಗೊಳಿಸಿ ಗಾಯದ ಪ್ರಮಾಣವನ್ನು ಕಡಿಮೆಗೊಳಿಸುತ್ತದೆ. ನೋವನ್ನು ತಡೆಯುತ್ತದೆ.

2. ಗಾಯವಾದ ತಕ್ಷಣ ಆಲಿವ್ ಎಣ್ಣೆ ಅಥವಾ ಕೊಬ್ಬರಿ ಎಣ್ಣೆ ಅಥವಾ ವಿಟಮಿನ್ ಇ ಇರುವ ಎಣ್ಣೆಯನ್ನು ಮೃದುವಾಗಿ ಹಚ್ಚಿಕೊಂಡರೆ ಉರಿ ಕಡಿಮೆಯಾಗುವುದರೊಂದಿಗೆ ಬೊಬ್ಬೆ ಏಳುವುದು ತಪ್ಪುತ್ತದೆ.

3. ಸುಟ್ಟ ಗಾಯಗಳಾದ ಪಕ್ಷದಲ್ಲಿ ಈರುಳ್ಳಿಯನ್ನು ಸಿಪ್ಪೆ ಬಿಡಿಸಿ ಎರಡು ಪದರದ ತನಕ ಕತ್ತರಿಸಿ ಸುಟ್ಟ ಗಾಯದ ಮೇಲೆ ಇಟ್ಟುಕೊಂಡರೆ ಉರಿ ಕ್ಷೀಣವಾಗುತ್ತದೆ.

4. ಗಾಯದ ಮೇಲೆ ಲೋಳೆ ಸರ (ಅಲೊವೆರಾ) ವನ್ನು ಹಚ್ಚಿಕೊಂಡರೂ ನೋವು ಕಡಿಮೆಯಾಗುತ್ತದೆ.

5. ಸುಟ್ಟ ಗಾಯದ ಮೇಲೆ ಮೊಸರನ್ನು ಹಚ್ಚಿಕೊಂಡು ಒಣಗಿದ ನಂತರ ತಣ್ಣಗಿನ ನೀರಿನಲ್ಲಿ ತೊಳೆದುಕೊಳ್ಳಬೇಕು. ಟವಲ್ ನಲ್ಲಿ ಒರೆಸಿಕೊಂಡು ಮತ್ತೆ ಮೊಸರನ್ನು ಹಾಕಬೇಕು. ಒಂದೆರಡು ಬಾರಿ ಮಾಡಿಕೊಂಡರೆ ಉರಿಯೂ ಕಡಿಮೆಗೊಳ್ಳುತ್ತದೆ. ಇದು ದೊಡ್ಡ ಸಮಸ್ಯೆಯಾಗುವುದನ್ನು ತಡೆಯುತ್ತದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.