ಸಕಲ ರೋಗ ಪರಿಹಾರಿ ತಾಜಾ ತರಕಾರಿ

Wellness

oi-Reena

By Hema S

Published: Thursday, October 20, 2011, 13:04 [IST]

ತರಕಾರಿಗಳನ್ನು ಸ್ಟೋರ್ ಗಳಲ್ಲಿ ಬಹಳ ಚೆಂದವಾಗಿ ಜೋಡಿಸಿಟ್ಟಿರುತ್ತಾರೆ ಅದರೆ ಇದು ಎಷ್ಟರ ಮಟ್ಟಿಗೆ ರಾಸಾಯನಿಕಗಳಿಂದ ಮುಕ್ತ ಎಂದು ಹೇಳಲು ಸಾಧ್ಯವಿಲ್ಲ. ತರಕಾರಿಗಳನ್ನು ಬೆಳೆಯುವಾಗಲೆ ಕ್ರಿಮಿ ಕೀಟಗಳಿಂದ ರಕ್ಷಿಸಲು ವಿಷ ಸಿಂಪಡಿಸುತ್ತಾರೆ, ನಂತರ ಅದನ್ನು ಮಾರಾಟ ಮಾಡುವಾಗ ಅಂಗಡಿಯವರು ಸಹ ಬೇಗ ಕೆಡದಿರಲಿ ಎಂದು ರಾಸಾಯನಿಕಗಳನ್ನು ಬಳಸುತ್ತಾರೆ, ಹಾಗೆ ನೋಡಿದರೆ ರಾಸಾಯನಿಕ ಮುಕ್ತ ತರಕಾರಿ ಸಿಗುವುದೆ ಕಷ್ಟವಾಗಿದೆ.

ಆದರೆ ಈ ಕೆಳಗಿನಂತೆ ಮಾಡುವುದರಿಂದ ಆದಷ್ಟು ರಾಸಾಯನಿಕವಿರುವ ತರಕಾರಿಗಳಿಂದ ದೂರವಿರಬಹುದಾಗಿದೆ.

1. ತರಕಾರಿಗಳು ಭಾರತೀಯ ಕೃಷಿ ಇಲಾಖೆಯಿಂದ ಮಾನ್ಯತೆ ಪಡೆದಿದ್ದರೂ ಸಹ ತರಕಾರಿಗಳನ್ನು ಕೊಳ್ಳುವಾಗ ಅದರ ಬಣ್ಣ ಮತ್ತು ವಾಸನೆಯನ್ನು ಗ್ರಹಿಸುವುದು ಒಳ್ಳೆಯದು. ಏಕೆಂದರೆ ತರಕಾರಿಯ ಮೇಲೆ ರಾಸಾಯನಿಕಗಳನ್ನು ಸಿಂಪಡಿಸದಿದ್ದರೂ ಅದನ್ನು ಬೆಳೆದ ಮಣ್ಣು ಕೂಡ ಸಾವಯವಾಗಿರ ಬೇಕಾಗುತ್ತದೆ.

2. ತರಕಾರಿಯಲ್ಲಿರುವ ರಾಸಾಯನಿಕಗಳನ್ನು ಹೋಗಲಾಡಿಸಲು ಅವುಗಳನ್ನು ಕತ್ತರಿಸಿ, ಬೇಯಿಸಬೇಕು. ತರಕಾರಿಯ ಚಿಪ್ಪೆ ತೆಗೆಯುವುದು ಮತ್ತಷ್ಟು ಒಳ್ಳೆಯದು, ಆದರೆ ಅಧಿಕ ಕೆತ್ತಿದರೆ ಅದರಲ್ಲಿರುವ ಪೋಷಕಾಂಶಗಳು ಹೋಗಬಹುದು.

3. ಆದಷ್ಟು ಸಾವಯವ ಪದ್ಧತಿಯಲ್ಲಿ ಬೆಳೆಯುವ ತರಕಾರಿಗಳ ಸೇವನೆ ಒಳ್ಳೆಯದು.

4. ತರಕಾರಿಗಳನ್ನು ತೊಳಯಲು ಒಂದು ಪಾತ್ರಯಲ್ಲಿ ನೀರು ಹಾಕಿ ಅದಕ್ಕೆ ಸ್ವಲ್ಪ ವಿನಿಗರ್ ಹಾಕಿ ತೊಳೆದರೆ ರಾಸಾಯನಿಕಗಳು, ವಿಷ ಎಲ್ಲವೂ ಆ ನೀರಿನಲ್ಲಿ ಹೋಗುವುದು, ನಂತರ ಮತ್ತೊಮ್ಮೆ ಶುದ್ಧ ನೀರಿನಲ್ಲಿ ತೊಳೆಯಬೇಕು.

ಕುದಿಸಿದ ನೀರಿನಲ್ಲಿ ಕತ್ತರಿಸಿದ ತರಕಾರಿಗಳನ್ನು ತೊಳೆಯುವುದರಿಂದ ಅದರಲ್ಲಿರುವ ಪ್ರೋಟಿನ್ ಗಳು ಸಹ ಹೋಗುವುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.