For Quick Alerts
ALLOW NOTIFICATIONS  
For Daily Alerts

9 ಜಿಲ್ಲೆಗಳಲ್ಲಿ ಆನೆಕಾಲು ರೋಗ ನಿರ್ಮೂಲನೆಗೆ ಔಷಧಿ

By Prasad
|
Treatment for Filariasis (Elephant leg disease)
ಆನೆಕಾಲು ರೋಗ ನಿರ್ಮೂಲನೆಗಾಗಿ 7ನೇ ಸುತ್ತಿನ ಸಾಮೂಹಿಕ ಔಷಧಿ ನೀಡಿಕೆ ಕಾರ್ಯಕ್ರಮವನ್ನು ಪ್ರತಿವರ್ಷದಂತೆ ಈ ವರ್ಷವೂ ಸಹ ಆನೇಕಾಲು ರೋಗ ಪೀಡಿತ 9 ಜಿಲ್ಲೆಗಳಾದ ಬೀದರ್, ಗುಲ್ಬರ್ಗಾ, ಯಾದಗಿರಿ, ಬಿಜಾಪುರ, ಬಾಗಲಕೋಟೆ, ರಾಯಚೂರು, ದಕ್ಷಿಣ ಕನ್ನಡ, ಉಡುಪಿ ಮತ್ತು ಉತ್ತರ ಕನ್ನಡ ಜಿಲ್ಲೆಗಳಲ್ಲಿ ಜ.10ರಿಂದ ಹಮ್ಮಿಕೊಳ್ಳಲಾಗಿದೆ.

ಯಾರಿಗೆ ಎಷ್ಟು? : ಡಿ.ಇ.ಸಿ. ಮತ್ತು ಆಲ್ಬೆಂಝೋಲ್ ಗುಳಿಗೆಗಳನ್ನು 2 ವರ್ಷದೊಳಗಿನವರಿಗೆ ನೀಡಲಾಗುವುದಿಲ್ಲ. 2ರಿಂದ 5 ವರ್ಷದವರಿಗೆ 100 ಮಿಲಿಗ್ರಾಂ ಡಿಇಸಿ ಹಾಗೂ ಆಲ್ಬೆಂಡಝೋಲ್ ಗುಳಿಗೆಗಳನ್ನು ತಲಾ ಒಂದರಂತೆ ನುಂಗಿಸಲಾಗುವುದು. 6ರಿಂದ 14 ವರ್ಷದವರಿಗೆ ಎರಡು 200 ಮಿಲಿಗ್ರಾಂ ಡಿಇಸಿ ಗುಳಿಗೆ ಮತ್ತು ಒಂದು ಆಲ್ಬೆಂಡಝೋಲ್ ಗುಳಿಗೆಗಳನ್ನು ನುಂಗಿಸಲಾಗುವುದು. 15 ವರ್ಷ ಮೇಲ್ಪಟ್ಟವರಿಗೆ 300 ಮಿಲಿಗ್ರಾಂ ಡಿಇಸಿ ಗುಳಿಗೆ ಮೂರು ಮತ್ತು ಒಂದು ಆಲ್ಬೆಂಡ್‌ಝೋಲ್ ಗುಳಿಗೆಗಳನ್ನು ನುಂಗಿಸಲಾಗುವುದು. (ಗರ್ಭಿಣಿಯರಿಗೆ, ವಯೋವೃದ್ಧರಿಗೆ, ಹೃದ್ರೋಗ, ಮೂತ್ರಪಿಂಡ ಹಾಗೂ ನಿರಂತರ ಖಾಯಿಲೆಗಳಿಂದ ಬಳಲುತ್ತಿರುವವರಿಗೆ ಈ ಗುಳಿಗೆಗಳನ್ನು ನೀಡಲಾಗುವುದಿಲ್ಲ)

ಒಟ್ಟು 9 ಜಿಲ್ಲೆಗಳಲ್ಲಿನ 50 ತಾಲ್ಲೂಕುಗಳ ಪೈಕಿ 39 ತಾಲ್ಲೂಕುಗಳಲ್ಲಿನ 434 ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ವ್ಯಾಪ್ತಿಯಲ್ಲಿ 2243 ಉಪಕೇಂದ್ರಗಳು ಸೇರಿದಂತೆ 5650 ಗ್ರಾಮಗಳಲ್ಲಿ ಸುಮಾರು 120 ಲಕ್ಷ ಜನರಿಗೆ ಈ ಗುಳಿಗೆಗಳನ್ನು ನುಂಗಿಸುವ ಬೃಹತ್ ಕಾರ್ಯವನ್ನು ಹಮ್ಮಿಕೊಳ್ಳಲಾಗಿದೆ. ಇದಕ್ಕಾಗಿ ಅಗತ್ಯವಿರುವ ಮೇಲ್ಕಂಡ ಗುಳಿಗೆಗಳನ್ನು ಭಾರತ ಸರ್ಕಾರವು ಸರಬರಾಜು ಮಾಡಿರುತ್ತದೆ. ಔಷಧಿ ವಿತರಣೆ ಕಾರ್ಯಕ್ಕಾಗಿ ಸುಮಾರು 50 ಸಾವಿರ ಸ್ವಯಂಸೇವಕರು ಹಾಗೂ 5000 ಮೇಲ್ವಿಚಾರಕರ ಸೇವೆಯನ್ನು ಬಳಸಿಕೊಳ್ಳಲಾಗುತ್ತಿದೆ. ಈ ಕಾರ್ಯಕ್ರಮಕ್ಕಾಗಿ ಒಟ್ಟು ರೂ 98.58 ಲಕ್ಷಗಳ ಅನುದಾನವನ್ನು ಸಹ 9 ಜಿಲ್ಲೆಗಳಿಗೆ ಬಿಡುಗಡೆ ಮಾಡಲಾಗಿದೆ.

ಸುರಕ್ಷಿತ ಗುಳಿಗೆ : ಡಿಇಸಿ ಗುಳಿಗೆಗಳನ್ನು ಸುಮಾರು 50 ವರ್ಷಗಳಿಗೂ ಹೆಚ್ಚು ಕಾಲದಿಂದ ಬಳಸಲಾಗುತ್ತಿದ್ದು, ಈ ಗುಳಿಗೆಗಳು ಅತ್ಯಂತ ಸುರಕ್ಷಿತವಾಗಿವೆ ಹಾಗೂ ಹಾನಿಕಾರಕವಾಗಿರುವುದಿಲ್ಲ. ಆದರೆ ಖಾಲಿ ಹೊಟ್ಟೆಯಲ್ಲಿ ಈ ಗುಳಿಗೆಗಳನ್ನು ಸೇವನೆ ಮಾಡಬಾರದು. ಮೈಕ್ರೋಫೈಲೇರಿಯ ಜಂತುಗಳನ್ನು ಹೊಂದಿದ ವ್ಯಕ್ತಿಗಳು ಈ ಗುಳಿಗೆಗಳನ್ನು ಸೇವಿಸಿದಾಗ ಕೆಲವೊಮ್ಮೆ ಅಡ್ಡ ಪರಿಣಾಮಗಳಾದ ಹೊಟ್ಟೆ ಉರಿ, ಸಂಕಟ, ವಾಂತಿ ಉಂಟಾಗಬಹುದು. ಆದರೆ ಇದು ಕೆಲವೇ ಗಂಟೆಗಳಲ್ಲಿ ತಾನಾಗಿ ಉಪಶಮನವಾಗುತ್ತದೆ. ಈ ಅಡ್ಡ ಪರಿಣಾಮಗಳ ಚಿಕಿತ್ಸೆಗೆ ಎಲ್ಲ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ವ್ಯವಸ್ಥೆ ಮಾಡಲಾಗಿದೆ.

ಸೇವಿಸುವುದು ಅವಶ್ಯಕ : ಮೈಕ್ರೋಫೈಲೇರಿಯ ಜಂತುಗಳನ್ನು ರಕ್ತದಲ್ಲಿ ಹೊಂದಿರುವ ವ್ಯಕ್ತಿಗಳು ಸಾಮಾನ್ಯರಂತೆಯೇ ಇರುವರು. ಇವರನ್ನು ಕಚ್ಚಿದ ಕ್ಯೂಲೆಕ್ಸ್ ಜಾತಿಯ ಸೊಳ್ಳೆಗಳು, ಇತರರನ್ನು ಕಚ್ಚಿದಾಗ ಈ ರೋಗ ಹರಡುವ ಸಾಧ್ಯತೆಯಿರುತ್ತದೆ. ಡಿಇಸಿ ಗುಳಿಗೆಗಳು ರಕ್ತಸಂಚಾರದಲ್ಲಿ ಬೆರೆತ ಮೈಕ್ರೋಫೈಲೇರಿಯಾ ಜಂತುಗಳನ್ನು ನಾಶಪಡಿಸಿ, ಈ ರೋಗ ಹರಡುವಿಕೆಯನ್ನು ತಡೆಗಟ್ಟುತ್ತದೆ. ಆದ್ದರಿಂದ ಆನೆಕಾಲು ರೋಗ ಪೀಡಿತ ಪ್ರದೇಶಗಳಲ್ಲಿ ವಾಸಿಸುತ್ತಿರುವ ಪ್ರತಿಯೊಬ್ಬರೂ ಈ ಗುಳಿಗೆಗಳನ್ನು ನುಂಗುವುದು ಅತಿ ಅವಶ್ಯಕವಾಗಿರುತ್ತದೆ. [ಆರೋಗ್ಯ ಸಲಹೆ]

English summary

Elephant leg disease | Treatment for Filariasis | Medicine distribution in Karnataka | ಕರ್ನಾಟಕದಲ್ಲಿ ಆನೆಕಾಲು ರೋಗ | 9 ಜಿಲ್ಲೆಗಳಲ್ಲಿ ಔಷಧಿ ವಿತರಣೆ

Karnataka government is distributing free medicines to eradicate elephant leg disease in 9 districts, which are prone to Filariasis disease. Health department says it is safe and necessary to take this pill.
Story first published: Saturday, January 8, 2011, 18:09 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more