ಕೋವಿಡ್‌ 19ಗೆ ಔಷಧ: ಭಾರತೀಯ ಮೂಲದ 14 ಬಾಲಕಿಯ ಸಾಧನೆ

14ರ ಬಾಕಿಯ ಸಾಧನೆ

ಕೋವಿಡ್‌ -19 ಗುಣಪಡಿಸಲು ನಡೆಸಿದ ಸಂಶೋಧನೆಯಲ್ಲಿ ಕೋವಿಡ್-19ಗೆ ಸಂಭಾವ್ಯ ಚಿಕಿತ್ಸೆ ಕಂಡುಹಿಡಿಯುವ ಮೂಲಕ ಅಮೋಘ ಸಾಧನೆ ಮಾಡಿದ್ದಾರೆ. ಈಕೆಯ ಈ ಸಾಧನೆಗಾಗಿ $25,000 ಪ್ರಶಸ್ತಿಗಳಿಸಿದ್ದಾಳೆ.

ಪ್ರೊಟೀನ್ ಸ್ಪೈಕ್ಸ್ ಸಂಶೋಧನೆ ಮಾಡಿ ಕೋವಿಡ್‌ 19ಗೆ ಸಂಭಾವ್ಯ ಆ್ಯಂಟಿ ವೈರಲ್ ಡ್ರಗ್ ಕಂಡು ಹಿಡಿದಿದ್ದಾರೆ. ಅನಿಕಾ ಸಿಲಿಕೋ ಮೆಥೆಡೋಲಾಜಿ ಬಳಸಿ ಅನಿಕಾ ಈ ಔಷಧ ಕಂಡು ಹಿಡಿದಿದ್ದಾರೆ.

ಕೊರೊನಾವೈರಸ್‌ಗೆ ಸಂಭಾವ್ಯ ಚಿಕಿತ್ಸೆ ಕಂಡು ಹಿಡಿದ ಅನಿಕಾ

ಎಂ ಚಾಲೆಂಜ್ ವೆಬ್‌ಸೈಟ್‌ನ ಪ್ರಕಾರ, ಕೊರೋನವೈರಸ್ ಸಾಂಕ್ರಾಮಿಕಕ್ಕೆ ಚಿಕಿತ್ಸೆ ಕಂಡುಹಿಡಿಯುವ ಪ್ರಯತ್ನದ ಭಾಗವಾಗಿ ಈ ಸ್ಪರ್ಧೆ ಆಯೋಜಿಸಲಾಗಿತ್ತು. ಇದರಲ್ಲಿ ಅನಿಕಾ ಬಹುಮಾನ ಗಳಿಸಿದ್ದಾರೆ.

ಸಿಎನ್‌ಎನ್‌ ಜೊತೆ ಮಾತನಾಡಿದ ಅನಿಕಾ ತಾನು ಕಂಡು ಹಿಡಿದಿರುವ ಔಷಧ ಸಾರ್ಸ್ - ಕೋವಿಡ್-2 ವೈರಸ್ ಗೆ ಸಂಬಂಧಿಸಿದ್ದಾಗಿದ್ದು, ಇದು ಸಾಂಕ್ರಾಮಿಕ ರೋಗವನ್ನು ಕೊನೆಗೊಳಿಸುವ ನಮ್ಮೆಲ್ಲರ ಭರವಸೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದ್ದಾರೆ.

ಕೊರೊನಾವೈರಸ್‌ ಸಾಂಕ್ರಾಮಿಕ ರೋಗಕ್ಕೆ ಔಷಧ ಪತ್ತೆಗೆ ಪ್ರಯತ್ನ

ಅನಿಕಾ ಫ್ಲೂಗೆ ಸಂಬಂಧಿಸಿದ ಸಂಶೋಧನೆ ನಡೆಸುತ್ತಿದ್ದರು. ಆಗ ಕೋವಿಡ್ 19 ಸಾಂಕ್ರಾಮಿಕ ರೋಗ ಶುರುವಾಯಿತು, ಅನಿಕಾ ಈ ರೋಗಕ್ಕೆ ಔಷಧ ಕಂಡು ಹಿಡಿಯುವ ಪ್ರಯತ್ನ ನಡೆಸಿದರು. ಸಂಭಾವ್ಯ ಔಷಧ ಕಂಡು ಹಿಡಿಯುವ ಮೂಲಕ ಯಂಗ್ ಸೈಟಿಂಸ್ಟ್ ಆಗಿ ಗುರುತಿಸಿಕೊಂಡಿದ್ದಾರೆ. ವಿಜ್ಞಾನದಲ್ಲಿ ನನಗೆ ಆಸಕ್ತಿ ಮೂಡಲು ತಾತ ಕಾರಣ, ಅವರು ಕೆಮಿಸ್ಟ್ರಿ ಪ್ರೊಫೆಸರ್ ಆಗಿದ್ದರು ಎಂದು ಅನಿಕಾ ಹೇಳಿದ್ದಾರೆ.

ಕೊರೊನಾವೈರಸ್ ಅಟ್ಟಹಾಸ

2019 ಡಿಸೆಂಬರ್‌ನಲ್ಲಿ ಚೀನಾದಲ್ಲಿ ಕೊರೊನಾವೈರಸ್ ಮೊದಲಿಗೆ ಕಂಡು ಬಂತು, ನಂತರ ಇದೀಗ ಇಡೀ ವಿಶ್ವವನ್ನೇ ವ್ಯಾಪಿಸಿ, WHO ಪ್ರಕಾರ ಇದುವರೆಗೆ 1.1 ಮಿಲಿಯನ್ ಜನರು ಈ ವೈರಸ್‌ನಿಂದಾಗಿ ಪ್ರಾಣ ಕಳೆದುಕೊಂಡಿದ್ದಾರೆ.